最近睇財經新聞，話隻科網公司FACEBOOK準備IPO上市，市值估計起碼500億美元，FACEBOOK估計年賺5億美元，預測市盈率達 100倍，嘩! 價值投資者會大叫:「咁都得?」呢單新聞未算厲害，上月有兩隻中國科網股在美國DASDAQ上市，一隻叫優酷網(YOKU)，一隻叫噹噹網 (DANG)，IPO價分別是$12.8與$16，但一上市，股價急升，到現在股價分別升超過兩倍與一倍，噹噹網預計市盈率已經上到100倍，YOKU盈 利是負數，無盈利，所以無PE，所以股價升幅更勁，咁你地會問呢兩間公司做什麼東東? 優酷即係中國版U-TUBE，噹噹即係中國版AMAZON，嘩! 原來中國嘅科網公司咁值錢，唔怪得我隻阿里巴巴近日急升。
如果投資人的股齡超過十年，一定經歷過二千年科網泡沫，當時美國納指由98年中一千五百點升到2000年初5千點，兩年間升幅超過3倍，之後泡沫爆 破，納指也跌近8成，到現在都未見家鄉，那時候，大部份科網公司都是虧本經營，所以連市盈率都無，只要點擊率夠高，估值就愈高，現在的情況與2000年科 網泡沫近似，1998年美國LTCM對沖基金爆煲，美國聯儲局於是大幅減息，利用狂印銀紙方法救市，並引發科網泡沫，今次自金融海嘯後，美國聯儲局維持近 零息達兩年，並再推QE1、QE2、.....，在貨幣濫發下，熱錢沒出路，於是又停泊在股票市場炒賣。近年來股市泡沫與股災出現的機率愈來愈頻繁，唔通 今次再翻叮科網股?
本人開宗明義行長線投資，當然不建議參與這類炒賣活動，在各科網股之中，本人只持有一隻阿里巴巴，我由2008年近廿蚊開始買入阿里巴巴股票，並愈 跌愈買，一路跌到5個幾都繼續加碼，平均入價約11蚊，我決定長揸阿里巴巴，以現時增長速度看，阿里股價遲早見100蚊，不過如果阿里巴巴兩年內升到50 蚊，當個班投機賭徒都瘋狂入市，高追掃貨，我亦唔介意用100蚊5折或50蚊的價錢沽貨比班傻仔，無謂賺盡一分一毫，睇完我寫嘅嘢，又會想到個句，長揸優 質股票才是投資王道。