投資港股：期權(六)
首先好多謝，尋日咁多朋友留言支持阿牛。阿牛一定會繼續努力寫好啲期權。
好喇，又翻番嚟，例如我地只喺睇非常短線，想在12月了結左佢；咁我地就揀12月嘅期權；而12月期權中，當然以越低嘅結算價，我地就越有利。例如呢秒鐘即月期指喺23270點 (如下圖)
如果我地買入一張22000點嘅期權，假設個市成個月唔升唔跌，我地就食硬：
23270 – 22000 = 1270點
當然，我地識計，賣嗰個都識計。於是乎佢要求要收1560點期權金；即喺扣除1270點『不平等』差價之外，再要多290點；而呢1270點叫內在值，而290點就叫做時間值。
昨天阿牛已經講過，買家喺要『賠償』俾賣家嘅，因為賣家喺不論市況，都要『找足數』的，但買家喺有權輸打贏要的。所以買家理論上喺可以贏無限，而輸就只喺區區期權金(或部份期權金)嘅錢；掉返轉，賣家贏晒就贏你個期權金(或部份期權金)嘅錢，但輸就可以輸無限。
之所以啲『賠償』叫做時間值，喺因為假設個市完全唔郁，當時間一日一日過，越嚟越近到期日，咁樣大家就會越嚟越肯定結算價有機會完全唔上唔落。到左結算嗰秒，如果個市都唔郁，咁就買賣相方只需找清『內在值』條數，例如上面例子就喺1270點。咁樣即喺賣家俾番預先收左嘅1270點俾買家，大家就無數。
所以如果有兩個人在結算前一秒鐘先訂立買賣合約，咁個公道交易價應該喺1270點，而額外的『賠償』，應該喺$0，因為雖然賣家在期權條款下責任重啲，但喺到呢秒個結算價等如個期指價；即喺大家都冇蝕底，咁所以賣家亦冇理由多收錢。所以越近結算，個買價就越接近內在值，個『賠償』就越近零。所以呢筆錢叫時間值，因為它會隨著時間，變得越來越接近零。
內在值個意思，在於張期權如果呢秒鐘埋單，佢究竟可以收多幾多錢呢，呢個就喺佢呢秒鐘嘅真正價值。內在值唔一定喺正數，如果恆指喺23270，你去買24000嘅期權，個內在值就喺：
23270 – 24000 = 負130
呢啲負數嘅叫價外期權Out of the Money，簡稱OTM。上面內在值喺正價嘅期權叫價內期權In the Money，簡稱ITM。咁啱和指數平水叫等價期權At the Money，簡稱ATM。
今日之內祖國會公佈通脹數字，而家大家睇緊會唔會 >5%，然後就喺跟住會點樣打壓，會唔會又加息又加存款準備金。到消息一出，我地又要諗吓我地下星期應該採取乜嘢策略。