|
||||||
|
到底係買中資藍籌嘅小股東要先學好普通話，還是中資藍籌嗰班阿總喺南下掛牌前先學好廣東話呢？ 中海油（883）噚日舉行股東會，台上管理層清一色係國語人，而現場有提供繙譯服務，但獨沽一味只繙譯英文，冇廣東話，於是，開始有事發生…… 有 個婆婆小股東開會之前突然同在場公關講，自己唔識普通話，唔知係咪有人處理不當，佢越講情緒就越唔穩定，公關仲請佢出場冷靜吓，咁婆婆就大嗌喇：「主席， 我唔識普通話，一句都唔明，點開呀？」個主持惟有再度安撫話：「唔好咁講。」佢先肯靜靜地坐好。中海油管理層有咩反應？咪眼睩睩唔敢答嘴囉！可能佢哋聽唔 明廣東話啩，唔係仲唔幫拖勸交咩！ 至於話誰是誰非，華華覺得最錯係個公關囉！成場公公婆婆又無洋人，整乜鬼淨係繙譯英文呢！ |
||||||