|
||||||
|
噚日對於財經記者嚟講，最震撼而難忘嘅新聞，唔係賣地、唔係高盛唱好港股睇29000點，而係大家攞正牌響工作時間睇鹹片！而且仲要係3D無格仔嗰隻！ 入 主咗中國3D數碼娛樂（8078）嘅蕭定一噚日搞咗個飯局，邀請大家優先鑑賞由佢主理（唔係主演）、全宇宙第一套3D情慾片《3D肉蒲團之極樂寶鑑》，唔 係講笑，5分鐘無格仔預告片，有班靚女剝衫就梗o架喇，更正係啲特技，點正法？嗰5分鐘好胸湧、好逼真、好3D同好3級囉！ 由於得嗰5分鐘 咁短，對於極樂寶鑑華華就領會唔到有幾極樂，反而，蕭公子嘅抽水大計就比較清楚……蕭公子話，拍3D電影，票價貴兼利潤高，加埋內地都好渴求，個市場咁大 一定有得做，佢自己非常睇好呢套3D肉蒲團嘅票房，保守估計響香港會收5000萬，而公司未來會大搞中國題材嘅3D電影，好似封神演義三部曲、港版奪命狂 呼等，總之有3D就賺多啲喇！ 籌千萬美金開戲院 佢又話家陣公司拎住5500萬現金，而公司前身龍彩控股嘅彩票業務已經清走 晒，遲啲佢哋會集資600萬至1000萬美金，專注拍3D電影同埋響中港兩地搞戲院，出年4月會響九龍市區開間4D戲院……well，套戲plan出年五 月上，收唔收得都言之過早，間戲院到底開唔開得成都係一個問號，但成件事已經令8078充滿概念！ 至於話靠3D又或者鹹片抽水會唔會有點兒那個，抽水呢家嘢，願者上釣，你buy佢個古仔自然樂意科水，by the way，蕭公子用心良苦畀咁多「肉球」大家睇先抽水抽嗰6球美金，華華嘅睇法係唔貴囉！ 李華華 |
||||||