|
||||||
|
大學一年級男生 就想住要買樓，思想太過現實，女生話「你唔買樓就唔嫁你」，究竟佢係講愛情還是講金，令人疑惑，香港雖已話進入二十一世紀，不少人嘅思想仍然係二十世紀五 十年代粵語片中之阿媽教女「最緊要佢買層樓畀你揸手呀！」既然如此，陶傑教人二十一歲前讀完「罪與罰」，喂，本書好厚噃，點讀呀？陶傑未免浪漫過甚，強人 所難，以香港情況嚟睇，二十一歲學生畢業前就買飛聽蘇施黃講座：「我要賺兩億」，咁就差唔多。 左丁山話大學畢業前讀完The Prophet ，亦俾老友鬧，話上咗岸後就印印腳，講風涼話。寃枉呀，大人，自己身無一文之時，真係冇想過買樓，而引用「先知」詩句追女仔o架，例如"On Marriage"之一段： Love one another, but make not a bond of love: Let it rather be a moving sea between the shores of your souls. Fill each other's cup but drink not from one cup. Give one another of your bread but eat not from the same loaf. Sing and dance together and be joyous, but let each one of you be alone, 一對年青愛人談婚論嫁，最好明白詩句嘅道理先，唔好淨係識得講買樓、供樓咁物質主義。二○一二年大學改為四年制，大學可以開多啲通識課程，一年級新生不妨修讀一啲文學，讓自己變得浪漫少少。 老 生常談，一個人三十歲之前不妨信吓馬克思，多啲夢想幻想，三十歲後繼續追隨馬克思學說嘅話，精仔都會變蠢人，換句話說，三十歲後正視現實，學習妥協，為一 生生活打算，還不太遲。大學時代拍拖，好處甚多，因男女同學同時捱窮，大家都唔知道前途如何，彼此愛情比較純粹，愛只是愛對方為人，不是愛對方嘅錢（因為 佢根本冇）。反之，出到嚟社會做事，升咗做VP（副總裁之後），約會不再是到麥記、大家樂，而是學人去Pierre、Petrus、Sevva，咁樣彼此 大家點知道愛情是否建基於物質享受或職位夠高呢？唉吔，如果在學期間已經講到：「你買唔買樓？」不如畀佢一個答案：「等我做咗VP先至搵我啦！」 |
||||||