ZKIZ Archives


中環在線:龔方雄鬥李超人 李華華

2008-08-26  AppleDaily

摩 根大通首席中國經濟學家龔方雄上個禮拜二發表報告,話中央正考慮一個2000億至4000億銀嘅刺激經濟方案。消息一出,上海股市第二日即時反彈超過 7%,帶挈恒指升2%。不過,美林隨即發表報告轟炸「救市傳聞實無根據」、「大陸外滙儲備不可能用於救市」,兩大外資行罕有互片。

高僧上身 罪過罪過

咁 都唔止,超人李嘉誠亦加入戰圈,上個禮拜四長和業績會,俾記者問到大陸救市方案,佢好唔客氣咁話:「如果有人利用呢啲消息賺錢,就真係罪過!罪過!」又 話:「股市要由經濟反映出嚟先至正常,靠政府救市係不切實際。」龔方雄或者摩通係咪罪過,華華係常人唔係超人,唔敢亂講,但大陸新浪財經網就特登闢出專 版,深入分析呢單救市傳聞。呢場口水戰,越演越劇烈,加入戰圈嘅仲有國務院參事任玉嶺,佢向人民網話,「中國政府考慮這項措施(指千億救市)不無可能(即 係有可能)。」

市場由質疑變相信

《南方日報》亦話內地官方經濟智囊正齊集北戴河,商議最新經濟政策,《中國經濟觀察報》仲話 從多方求證,上頭的確考慮緊擴張性財政政策方案,目的係適當緩一緩緊縮政策,防止經濟下滑。報道仲有方案嘅金額,話係大約3700億銀,其中包括2200 億銀新增支出同1500億減稅計劃o忝。市場由質疑到開始認為呢個救市方案非空穴來風,究竟龔方雄預言會唔會成真,抑或超人繼續高僧上身,鬧人罪過?就要 下回分解嘞!
PermaLink: https://articles.zkiz.com/?id=1872

Next Page

ZKIZ Archives @ 2019