|
|||
|
「華人之光」楊家誠入主英超球隊伯明翰話咁快就一年，呢隊紅綠眼的「楊家軍」成績如何大家有目共睹，而楊班主唔知係咪想將隊波更加華人化，所以鍾意搵番自己友幫手！ 前幾日，伯明翰就宣佈，委任前亞洲電視營運總裁、陽光媒體創辦人、「中國名女人楊瀾個老公」吳征，做佢副主席，根據官方介紹，洋名Bruno吳生，將主要負責伯明翰中國地區商業市場同網絡市場拓寬工作。吳生識唔識搞波，華華真係唔知，但係睇番大陸傳媒報道，講起吳生，都會形容佢係內地人脈網絡極強「中國傳媒大亨」，楊老闆應該都係睇中佢呢點，至於話實際上佢點將隊波帶入大陸呢？全球華人不妨拭目以待。 李華華 |
|||