ZKIZ Archives


真正日本拉面 左丁山

2010-10-25  AD

公關大姐大與妹妹到京都一遊,行前剛好在飯局與藝術設計食評家歐陽公子相遇,歐陽公子講起京都,就眉飛色舞,廿年前佢到京都旅行,已經一見鍾情,後來去無數次,越發愛上了她,夢想在京都退休終老,但日本百物騰貴,特別係住宅貴到得人驚,普通香港人去京都買樓,直情係發夢。

點知最近京都老友通知,京都住宅價格二十年來一直下瀉,最近三四年,再來一次大跌,好多京都市民已經變成負資產階層。以前日本人話供樓要供三代,點知供到第二代,樓價已經唔見一半以上,日本人有乜辦法唔心淡。(按:日經指數在一九八九年十二月二十九日達歷史高點,係三萬八千九百幾點,到二○一○年十月中,日經指數在九千五百點上上落落,二十年唔見七成六。)

日本樓價跌,香港樓價升,以前發夢唔敢想事,可能成為事實。歐陽公子只要賣去香港住宅,就可以有錢在京都買一間至兩間,真係可以去京都安居退休!但退休大計可以慢慢諗,大姐大就問京都通歐陽公子:「有乜食肆推薦?」歐陽公子介紹一間佢認為無以尚之壽司店,細細間,只有十零個座位,位於民區,要預早訂位,但店主兼廚師唔識英文,要搵日本朋友代訂位。大姐大到電話地址,立即請肥仔K打長途電話過去預訂。

 

肥仔K在東京時,睇住本東京拉全攻略,按圖索驥,幾乎食勻全市拉店,佢話日本拉,普遍偏肥、偏濃、偏鹹,唔合今日香港人之食得健康心態,但在原宿表參道LV旗艦店對面一個商場內有一間叫做MIST拉店,產品特別清淡,甚至近乎西式,應該香港人口味,但價錢稍貴,賣一千至千二日圓一碗。大姐大話:「MIST?銅鑼灣新會道都有一間啦,帶你去試!」此日午飯時間去到MIST,雖然細細間,唔滿座,原來每碗拉東京價錢,要一百二十元。此間MIST原來係franchise(特許經營店),日本人賣franchise,要求嚴格,一切要依足日本本店要求,不能馬虎,不能適應港情,湯底要用二十五種材料熬十個小時。唉,柚子味拉配雞丸、金菇、冬菇,湯有新鮮柚子味道,真係與別不同,無謂講價錢咯。不過咁樣高級清純真正日本拉店,在租金昂貴銅鑼灣,相信老闆要好有毅力與信心至得。

真正 日本 拉面 左丁 丁山
PermaLink: https://articles.zkiz.com/?id=18716

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019