ZKIZ Archives


分拆大錳如火如荼忽然踩入小西灣中環在線:中信高層為yogurt來港 李華華

2010-9-17  AD




 

北京中信搞乳酪 (yogurt)?正當香港就快成街成巷都係yogurt店嘅時候,一間嚟自美國、號稱全個地球最大嘅乳酪連鎖店Tutti Frutti,噚日靜靜雞喺小西灣藍灣半島開業,對跑開財經新聞嘅華華嚟講,最吸引嘅地方唔係yogurt,而係張傳媒邀請上面寫住「出席嘉賓:中國中信 集團公司董事邱毅勇」。中信集團邱總出席yogurt店開張?!華華山長水遠都要去『目及』『目及』,問下搞開資源嘅邱總同呢檔嘢有咩關係﹗

真 係不問尤自可,一問就有啲把火﹗計劃由中信資源(1205)分拆上市的中信大錳,身兼其董事長嘅邱總好認真咁話,佢老遠走嚟做開幕嘉賓,原因就係「貪吃﹗ 如果您(華華)有嘢食,我都來!」答案真係有誠意到爆,幾驚佢話咁啱行過呀﹗既然邱總自稱為食,華華惟有睇睇佢食力有幾強﹗一大杯乳酪加上十幾種生果 toppings,唔使10分鐘就食晒,直逼大胃王小林川﹗

同個代理係老友

聽公關姐姐講,Tutti Frutti請到邱總撐場,皆因佢哋個香港及中國代理富迪食品董事總經理陳蔡滿蓉,同邱總係老友﹗人哋咁有誠意問你,點解要"hea"答話自己為食呢?中資阿總,有時真係令人摸不着頭腦﹗

李華華

LiWaWa@AppleDaily.com


分拆 大錳 如火 如荼 忽然 踩入 入小 西灣 中環 在線 中信 高層 yogurt 來港 華華
PermaLink: https://articles.zkiz.com/?id=18139

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019