美國非農就業數據今日公布，在一般情況下，數據公布前夕，市況都麻麻，加上杜指上日勁升255 點，好多人都估大市昨日有回吐，誰知大跌眼鏡。杜指不單止無滑坡，午後更大發神威，越升越有，再次以全日最高位收市，收報10320點，漲50點或 0.5%，升幅唔算大，但勝在突破鰦50天移動平均線。標普500指數表現仲好，漲10點，報1090點，漲幅接近1%；0.91%。納指升23點，造 2200點，漲幅1.1%。杜指期貨最新報10304點，比現貨低水16點。大市交投淡靜，紐約證券所成交不足10億股。
港股美國預託證券造好，ADR港比指數收報21018點，比香港收市高142點或0.7%。匯控收78.31元，比香港高0.5%。中移動收80.37元，比香港高0.8%。
美股昨日鮋升勢，其實都幾叫人意外，市場普遍唔睇好今日公布的就業數據，預計美國失業率會輕微上升0.1%至9.6%，估計私人企業職位會增加3萬人，而整個非農就業人數縮減11萬人，其中原因係2010人口普查已完結，辭退了大量人員。
就業市場預期唔好，不過美國房地産經紀商協會(NAR)宣佈的7月份的二手房簽約銷售指數，意外地較上月增長5.2%，好過市場預期，加上零售商在8月份Back-to-school黃金銷售檔期的同店銷售較去年上升3%，好過預期的2.8%，零售股股大幅造好，沖淡投資者對於就業市場的擔心情緒。
另一個推動大市向上鮋原因係多家巨企併購戰，令市場人氣轉旺，市傳大型漢堡飽連鎖Whopper會以每股24美元，售予一家私人企業3G Capital。而Burger King則傳出會有一家快餐巨頭出價40億美元搶購，Burger King股價繼上日大升15%，昨日再飆22%至接近每股23美元！收購對象的尋寶遊戲又再展開。
網友Monica 剛剛賣了港島出租樓，想在大陸大城市買樓。佢有此一說:「陸Sir，其實講開德川家康，在坊間其實都有好幾個版本。你推薦的是那位作者？亂世出英雄，睇呢 D書真係好好睇，比追劇重精采。德川除左超群的智慧外，重運氣很好。因為少年時代的艱苦，令佢長大都好小心，有安全意識，不會過度自信。織田信長就是少左 少年重大挫折的經驗，背叛人多，被人背叛得少！套在現今，很多的八十後就係缺少左幼時的磨練，競爭因人為的錯誤（父母學校體制等）被推遲至成年後甚至出社 會後才出現，所以跌得好甘。大家都知越老跌越危險啊嘛。哈利波特個作者羅琳就講過，如果一個人因為細時無遇過困難而成長後又因此而避開困難，咁呢個人的人 生是一個failure by default.」
Monica 又講:「我識得個八十後的三字頭，因結婚，死都要升呢，買三百多萬樓，借九成，月供萬幾，覺得輕鬆！我睇到佢咁就即刻去放盤。因為我好驚到加息時，會有好 多咁既雜碎斷供，引起恐慌性拋售。加多句，呢個碎料重要係本身家冇底、打私人工，做marketing喎，人工唔夠三萬，居然當自己係穩定中產，重冇諗過 會老、失業或加息！而家D大學生畢業真係咁唔肯面對現實，但又死要扮上等人？」
正如Monica所講，我地要「提醒自己唔好get carried away」， 即係話唔好俾自己的成功帶去自滿的境地，最後自陷失敗的難面。我地做人的成敗，好大程度和成長有關，艱難的成長，造就堅強的性格，將來應付挑戰的能力高一 些，迎難而上，成功的機會大一些。舒服的成長，特別在直升機照顧下的成長，只能產生柔弱的性格，將來應府挑戰的能力低一些，遇難即縮，成功的機會細一些。
坊間講德川家康的小說有不同版本，我所講的日本小說家山岡莊八的版本(在頭條網的頭條旺舖找得到http://www.hkheadline.com/shop/shop_item_list.asp?shop_id=2621)，德川家康年少時是送到敵人家中寄養的人質，講錯一句話，做錯一件事，可以命都無，其磨難之慘烈，可想而知。不要講八十後，就算七十後、甚至六十後，年少時磨練都不多。年少時磨練越少，出現哈利波特個作者羅琳所講的「人生是一個failure by default(設定失敗)」的機會就愈大。在受磨練的人心中，人生只是一場遊戲，好似打機咁，開局打得唔好，可以馬上restart重來(我見好多後生 仔打機都係咁打)。佢地唔知道人生其實是一場戰鬥，無得restart! 若果你在舒適的環境長大，睇睇書，看看報，了解一下某些成功人士成長的環境如何艱艱，至少都可以擴閣自己的視野，多思考自己本來從來無思考的問題。
Monica講起那個年青人「碎料」，雖然用語「寸」了一點，但月入不足3萬，買300萬 多的樓，以求「升呢」，借九成月供萬幾，用一半收入供樓，覺得好輕鬆，的確未充份體會到在泡沫市中買樓的風險。我年紀大一點，看過一個又一個的波浪，見過 唔少人買樓炒樓好風光，亦見過唔少人炒到要破產，所以對泡沫有點戒心。特別在香港這種經濟發展已達高原的地區，不要少看未來經濟的挑戰，以及個人就業的困 難。
同樣勇進買樓，在大陸和香港處境有好大不同，大陸經濟還在高速增長，兩地樓市同樣有泡沫，但樓市長線和經濟增長同步，高速增長可以消化泡沫。正如Monica所講，我兩年前已不斷叫人趁內地樓市低迷買樓，舉北京CBD的二手住宅為例，當日28000元一平方，今天45000元，升了60%!阿爺打擊樓市，都無乜點回落，只是買賣兩閒。假使外圍經濟環境轉壞，樓價跌兩成，跌回36000元一平方(暫時看機會不大)，估計阿爺已頂唔頂要反手干預阻止樓市下滑，唔會俾佢暴跌七、八成。所以買貴鰦少少守三幾年，即使跌鰦都有機會再上高位。但香港唔同，港島樓已追上97價，但以太古城樓價為例，都要等13年後，今天才可以重上97年的高位，而新界樓價好多還只是高位一半，例如深井樓價幾時可以去返1萬元一呎的97高位?(而家未到5000元)，可能永遠都唔到。所以即使做同一件事，冒險在高位買樓，結果也可能不一樣，要看當地經濟發展的前景，唔好睇少香港經濟未來面對的挑戰。
在艱困中長大的人，睇危險會睇得多一些，為自己留的後路又會多一些，所以在人生戰場中生存的機會也大一些。
陸羽仁