美股因為就業等經濟數據不理想而急插，雖然有併購消息亦不能挽回敗局，市前公布的就業數據已令杜指期貨由升轉跌，開市後順勢急滑，最多跌199點，後段反彈不多，杜指收市下跌144點，跌幅爲1.4%，至10271點；標普500指數下跌18點，跌幅爲1.7%，至1075點。納指下跌36點，跌幅爲1.7%，至2178點；
美國的經濟數據令人失望，美國勞工部公布資料顯示，截止8月14日一周的首次申請失業救濟的人數上漲12000 人，達到50萬人，高於經濟學家普遍預期的47.5萬人，創9個月以來新高。勞工部亦把對上一周的數字終值調高，由48.4萬人調升到48.8萬人，勞工市場依然極為疲軟。
另外，費城儲備銀行公佈的資料顯示，8月的費城製造業指數爲-7.7點，低於經濟學家的平均預測-7.5 點，此前7月該指數爲5.1點。
併購活動再度活躍，英特爾(Intel) 計劃以76.8億美元收購全球第二大防毒軟體公司邁克菲(McAfee)，英特爾打算以每股48美元現金收購邁克菲全部普通股，收購價較上個交易日收市價 有60%溢價，出價一鱓都唔低，勢將掀起股市的尋寶遊戲，從股票期權交易走勢看，市場賭美國鋼業可能係一個收購目標。
美股未脫離下行軌道，但又未穿位，以杜指計，昨日低位10216點，未穿近期低位在周一造出的10209點，若向下穿位，就要再尋底。
美股雖然急跌，但港股在美國的預託證券跌幅唔大，ADR港比指數收20953點，跌119點，可能上一日港股無跟升，所以ADR亦無乜跟跌。
網友Fatfat38講到政府無乜招，這的確是事實，「陸sir, 就算真的加推了土地, 我想, 樓價亦未必有即時反應, 可能三四年後才有. 而且, 地產商買了地, 亦可以慢慢起, 起了, 亦可以慢慢sell. 而且增加了土地供應後, 再遇上環球經濟問題, 樓價大跌, 到時又有很多人鬧正虎, 而正虎亦最怕這情況, 所以唔想做№, or有限度做№, or拖... 唉, 很多時都覺得, 自從有鰦問責制和梁松松事件後, d高官似乎很怕一些要負責的行為/說話和決定, 不知有無人又會話d高官知道有新房屋政策而在之前買/賣樓呢? 很多時都對正虎很失望. 可能出鈬做№後, 留意多了時事和政策, 了解多了, 才會有新不如舊, 現在的比不上以前的感覺... 也許從前的正虎和現在差不多呢! 可能我諗多了...」
香港係自由港，資金自由進出，如今香港面對緊的資金洪水是全球性的，所以搞一招打擊炒樓措施，可以見效於一時，就如小販管理隊殺到一樣，小販兩秒走清，但小販管理隊一走，小販三秒又回頭。
增加土地供應唔係無用，雖然土地不如股票那樣，可以無限量印出來(市旺時公司發新股集資)，土地開發需時，但政府一話大量增加土地供應，那怕是5年 後的供應，只要量夠大，發展商計一計數，覺得未來有平地，樓市即刻會冷卻，甚至急滑。但政府無信心可以做到恰到好處，即係一係唔夠，一係過多。所以樓市一 路升，初時的政策一定輕輕力，但措施無用，樓市再升，政府一直俾人鬧，若咁好彩大圍轉勢就好啦，若大圍不轉勢，最後只會逼到政府用重招，被逼大增供應，到 一天發展商一轉變態度，樓市就有急跌之險，總之自己執生啦。
貧窮終結者問「既然買股要定止蝕, 買樓應否要止蝕?」當然要啦，唔止蝕急跌起上來上身就好大鑊架，你睇B嫂，如果佢當日識止蝕，斬一半甚至三分二貨，即使剩三分一，應可以守到而家，跟住豪宅升鰦上天，佢唔單止唔使破產，仲可以發大達，止唔止蝕，係天堂和地獄之別。
陸羽仁