美股靠穩，零售股造好支持大市，能源股領跌，但零售股午後發力，隨著季度業績公布結束和零售業活動回暖，投資者對未來市場走勢轉趨看好，推番高美股，杜指最後微漲9點，漲幅為0.09%，至10415點；標普500指數上漲1點，漲幅為0.15%，至1094點。納指上漲6點，漲幅為0.28%，至2215點。
美國昨日無重大經濟數據公布。原油庫存資料影響油價，美國能源資訊署話，截至8月14日的一周，美商業原油庫存比上月減少81.8萬桶，而此前一周的原油庫存則減少299萬桶。上周的原油庫存降幅低於預期，原油最終收跌0.5%，至75.42美元。
市場焦點繼續集中在併購消息，Potash拒絕礦業巨企必和必拓提出的385億美元收購建議後，必和必拓決定對其展開敵意收購。Potash董事會指必和必拓的出價「嚴重低估」，但必和必拓話會將收購建議直接發給Potash的股東。必和必拓漲3%。
昨日提出若樓市炒多一年又如何的問題，引發眾多網友好精警的答案，忍唔住要再講講。網友子龍話:「如果炒多一年先至爆泡，即係一年內多了很多百萬 、千萬、甚至億萬富翁; 一年後多了很多百萬、千萬、甚至億萬負翁。」「億萬負翁」真係好有創意的名詞。
網友大笨袋鼠話:「如果炒多一年先至爆泡，即係無膽鮋仲有一年自求多福（不過真係忍得住手至好），有膽就走去玩泡泡音樂苐（不過真係要金睛火眼睇住逃生門）。」當個個人都睇住逃生門時，關鍵唔係隻眼，而係隻腳夠唔夠人快喎。試想纒97年炒到顛時炒友未見過綿延7、8年的樓災，但而家見過啦，我估走人速度會比上快少少。
網友Last Bullet話:「樓 市遲早都會爆，唔好話我黑心，樓市同股市都好似，股市調控初期都會震下，加息加下準備金震你一排，震震下到後來已經免疫，話知你加幾多息點調控都照樣爆 升，爆到咁上下就爆煲。樓市都係咁上下啦，你點做措施最多都係震到一陣，到後來啋你都傻，你加息又好加樓宇增值稅又好，倒頭黎咪又係炒番上仲會越炒越狠…….個問題跟本係低價樓供應不足，地產商亦寧願去起偽豪宅。所以我贊成必要有限度起番居屋架，而家冇人肯做又需求咁大既Market，點解政府唔接手做番? 當係俾個WARNING MSG(警告訊號)俾班地產商都好呀。」
樓 市急升，有內因外因，內因係早年防止樓價跌減少了土地和房屋供應，無定時賣地，停建居屋，累積下來造成供不應求。外因係以美國為首的多國政府大量印銀紙， 水浸眼眉，存銀行又接近零息，就驅趕資金入市買樓。雖然外因重要過內因，但外因不能控制，政府能控的只有內因，所以要控制樓市上升，最後、最重要的招數是 增加土地和房屋供應。
只要外因不變(有機會一年都唔變)，政府做一鱓打擊發展商亂賣樓，到控制炒家炒樓的措施，功效都不大，所以慢慢被逼會提出增加供應的建議。聽聞政府會漸進增加推地，拍賣的土地應該會愈來愈多。當然，久不久又會出招打擊纒炒家，例如再提高按揭成數，或者加稅之類。
政府增加土地和房屋供應，初時會輕輕手做，居屋3、4年未起好、新推土地未有咁快有供應，所以呢鱓措施初期影響有限，樓價好可能會照升，好似網友Last Bullet咁講，「樓市初期都會震下，但震震下到後來已經免疫」，照炒都講唔定。政府被人鬧得多，頂唔順會加快推地、推樓力度，醒目的發展商就加快賣手上的存貨，開價開到天咁貴賣唔去時，就會開到好貼市咁去，樓宇供應就會開始增加，到發展商一賣1000、2000個單位一手賣光，而唔係100、200個慢慢賣時，就係佢地加快離場的訊號。
泡 沫總有爆破時。但金錢泛濫，資產急升，唔係咁易抗拒，即使你今年賣樓出貨，過三個月樓價又升兩成，你會覺得即使樓市長線唔得，短線都可以走一轉，又會入番 市，反手買番，個個人都想轉纒手賺快錢，問題是邊個係最後接火棒的人，走得到係贏家，走唔到係輸家，未爆時出鰦場的人係傻仔，爆破時仲在場就係大傻瓜。
未來一年，呢個傳火棒遊戲會相當刺激架。
陸羽仁