ZKIZ Archives


霍英東朵有價


2015-11-26  NM

已故國家領導人霍英東三房林淑端一方,攞咗老霍個「朵」去搞中醫城及選美活動,以霍震寰為首的長房唔順超,隨時又對簿公堂;其實「霍英東」個朵到底有幾值錢呢?

近幾年上海姑爺嘅瑞安房地產(272)債台高築,主席羅康瑞都要重出江湖幫公司減磅;咁就梗係要同銀行有商有量啦,原來喺國內「已故領導人霍英東前新抱」 呢個朵都有啲威力,話晒仍是霍朱玲玲嘅身份時,老爺帶住新抱見過唔少國家領導人,啲國內嘅銀行都俾番幾分薄面o架,所以話羅康瑞點只娶到港姐冠軍朱玲玲咁 簡單呀。

金融逍遙客:內地空姐的哭喪臉

游走於中港台併購、私募投資的金融多棲動物,現為多間上市公司主要股東及董事

逍遙客一直認為,服務業是一個入門門檻極低的行業,傭人、司機、侍應、空姐,幾乎有手有腳就做得。但這又是一個極難做好的行業,一般的服務用口、用手、用 身體就可應付,但令人佩服的服務卻非用「心」不可。在服務呢一環節,亞洲區以日本居首,台灣、新加坡次之。一向以金融、服務業搵食嘅香港,與前面三地比較 已毫無競爭力,難怪十多年前劉德華已不停提醒大家:「今時今日咁嘅服務態度點得呀!」唔知我哋嘅年輕人點諗?但香港得天獨厚,服務對象近年主要係祖國同 胞。眾所周知,服務絕對是弱項,在一蟹不如一蟹對比下,香港勉勉強強仲生存到,偶爾也聽到強國朋友讚吓香港。逍遙客執筆時,正在南方航空飛雲南的飛機上, 又一次體驗「另類空中服務」。儘管國內飛機現在已全是又新又大,空姐服務卻仍停留在八十年代。逍遙客剛坐定,一位木無表情還算樣貌娟好的空姐就走到面前, 氣若游絲地一段話。聽咗兩次都唔知佢講乜,逍遙客叫佢慢慢哋講多次,原來是問我要橙汁、汽水定茶。在國內經常遇到皮笑肉不笑機器人般的空 姐、侍應或酒店前台服務員,南航呢位空姐更是全程奔喪咁嘅口面,令逍遙客迅即聯想起對岸的台灣同胞。無論是長榮或華航空姐,台北的士司機或街頭小食老闆 娘,永遠笑容親切、恍如鄰居友人的熱情,實實在在感覺到什麼叫用「心」。兩岸不幸分隔咗六十多年,就分出了巨大的差別。逍遙客多年觀察,無論做乜行業,能 用「心」做嘢嘅人大多有所成就,打工嘅必跟到個好老細,做生意嘅都有一番成績。即使用「心」對朋友嘅,至少也會令人感覺到一股暖意,用「心」,才是做事做 人最高境界。

中環寸嘴:你估我好得閒呀?

工廈大王楊耀松長子,是各大有名食肆之VIP,喜歡研究城中有錢佬對食之要求,透過美酒佳餚,察看人生百態,讓讀者「嗒」落有味。

呢個禮拜二,長建(1038)同電能(6)合併單嘢開股東會,啲記者撩我去開股東會做大龍鳳,叫我現場「質」阿李澤鉅喎。唓,你估我好得閒呀,唔去!老實 講,嗰一千幾百萬股票要我咁傷神?我同銀行佬開張decumulator都俾多十幾個percent我啦,使唔使出嚟佢腳板呀?以為我貪得無厭咩;不 過都要講句,叫李氏父子唔好似女人街嘅成功小商人咁,有價講呀?我呢啲股票都係祖先剩落,留低做個紀念咋,況且之前揸八號仔(電盈)都衰咗啦,仲要我山長 水遠去到海逸酒店開股東會,又冇好嘢食!有啲國際級打手「ISS」和Glass Lewis出聲咪得囉!巴黎恐襲,有排都唔使去,咁就慳番;我去上環蘇豪間法國餐廳Bibo歎吓個週日Brunch啦,呢間嘢晚黑正門有個貌似保鏢嘅黑人 企喺門口,我仲以為係乜嘢私竇添,間餐廳又幾好feel喎。要咗個free flow of champagne嘅Brunch,有級數o架,我點嘅係最高級嗰隻Dom Pérignon 2004;連果jam都high啲,用Maison Francis Miot,攞番樽仔返屋企慢慢歎。成間餐廳都係洋鬼子,得我一枱唐人咁滯。坐隔籬枱條鬼仔眼超超,唓,要條鬼妹找數嘅,唔似gentleman喎!

喜事密冚

聽講鋼鐵大王龐鼎元個孫女龐卓貽喜事近,仲係下嫁馬圈內嘅「大大」人物;小宗遂致電其姊龐寵貽問:「聽講你妹妹龐卓貽下個月結婚喎。」其答案是:「唔係 喎。」小宗再問:「咁,龐小姐係咪同阿×××結婚呀?」家姐話:「呢個唔方便答你。」又係嘅,呢單喜事都會幾轟動o架,還是等主人家公布啦,幾時輪到我小 宗講呢,又!龐卓貽曾在拔萃、聖保羅小學教書,熱心教育嘅佢仲好鍾意小孩子,又出任國際救援組織Live to love的會長,上個月還邀請康巴寧波車來港出席「心的靜修」座談會,當日利子厚、楊大偉、梁煒、周立璟和楊紫瓊也撐足全場。

街市偉蒲頭

自從三年多前跟女友陳美歡反目,兼驗出愛子親生父親另有其人。街市偉與呢位女子不單因財失義,人身安全也受到威脅。小宗上週五喺上環見到久未露面的街市 偉,似乎精神爽利,紅粉緋緋,與友人密斟睇文件。近日他入稟向奧瑪仕申索近兩億元債券,聽講街市偉現隱居馬鞍山,依然爛船有三斤釘,反觀佢舊愛陳美歡的追 債官司纍纍,還要被迫拍賣物業還債!


霍英東 霍英 朵有 有價
PermaLink: https://articles.zkiz.com/?id=173382

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019