📖 ZKIZ Archives

重新做人（７） 陸羽仁

美國ADP 私營企業就業數據好過預期，推動美股小幅攀升。但由於中國的GDP增長放緩，英國及歐元區國家的經理人採購指數（PMI）都差過市場預期，投資者都唔敢放 膽入市，交投清淡，最後美股扳回上日跌勢，杜指升44點，收10680點，標普500指數漲7點至1127點。杜指期貨收10629點，比現貨低水51 點。

港股美國預托證券靠穩。ADR港比指數收報21676點，比香港收市高126點或0.6%。匯控收報82.81元，比香港收市高0.6%，中移動報81.75元，比香港收市高0.7%。

美國薪資服務提供商ADP發報告指7月份美國私營領域的就業較上月增加4.2萬，略為好過市場平均預期的4萬。美國政府周五將公布包括公營及私營的7月份非農就業報告。據路透社的調查，經濟學家平均預期非農就業人數將下較上月下降6.5萬，但私營領域增加9萬人。

　　據美國就業資訊公司Challenger, Gray & Christmas Inc公佈，7月份美國裁員人數比去年同期大幅減少57%，遠遠好過6月份的增多6%。這表明就業市場正在改善。報告指政府和非營利機構7月份宣佈裁減 7200名員工，在所有行業類別中居於首位；金融公司裁減5500名員工，排名第二；交通運輸公司宣佈裁減5300人，排第三。按州劃分，加利福尼亞州排 名第一。另外，美國7月ISM服務業指數為54.3，略低過6月，但好過預期。

美國經濟數據算係唔錯，但外圍就麻麻。英國公布的7 月份PMI指數為53.1，創了全年最低，令市場失望；而歐元區同期PMI指數55.8，亦低過市場預期的56。另外，中國國家資訊中心公布預期中國第三 季的年度化GDP增長由第一季的11.9%，第二季的10.3%，下降到9.2%。顯示經濟正在放緩，中國經濟放慢，肯定會拖累全球經濟復蘇步伐。歐元兌 美元昨日回軟，跌穿1.32美元水平，最新報1.3158美元，而美匯指數亦回升至81.065。

昨日最搶人眼球的股票是網上旅遊公司Priceline.com， 該公司公布第二季收入勁升27%至7.7億美元，期內透過網上訂票旅遊的金額達到34億美元，較去年同期大升43%。Priceline預期第三季每股賺 4.78至4.98美元，遠遠高過預期的4.18美元。Priceline股價飛升22%，係表現最好鮋標普500指數成份股。從Priceline的業 績，顯示好多人出外旅遊，而航空公司近期生意大好，亦印證到同樣的情況。由此可見，美國的經濟並唔好多人所講鮋咁差。

這幾日講到止蝕止賺的問題，引發部份網友講出自己的經驗，如網友飛航話: 「『... 股票總是在我沽了後就大升, 像有人知道我有持貨就壓價, 我一放就大升, 激死...』聽過不至一個朋友說過這番話, 相信不少人包括我自己都有類似的經歷。自己買入一隻股票後, 升升跌跌。 跌得多, 怕越跌越有, 忍痛止蝕沽出。升了10%或更多些, 突然又回了幾格, 怕已見頂, 沽出止賺。 之後, 眼白白看著股價升回賣出價, 之後繼續大升, 一去沒回頭。」

飛航又話「畢菲特當年也自嘲沽早了中石油, 長實在$2以下沽出中國銀行, 電盈在騰訊上市前是其大股東之一, 結果將股份盡數賣給南非財團! 想想該批股份可令電盈賺多多少個百億!!?既然知道這是每個人都有的經歷, 應以平常心視之, 這就是股票交易的一部份。止賺止蝕講Timing, 無論是技術分析, 經濟分析, 基金動向..... 都有準和不準的時候, 沒有一本通書可以看到老。謹分享我的止賺經驗 (做錯為多)」

     無 論止蝕也好、止賺也好，總有一做完即升的事例，我覺得有幾種情況。第一，你買了莊家股。我年青時都愛炒細股，覺得佢地上落快，但我相當膽小，一唔對路就 閃，所以賺得唔多，也蝕得唔多。那時一見佢跌10%以上就走，好多時走完之後，隻№就升。試得幾次，連經紀都叫我「黑仔」，話我係「一枝燈」，沽完的股票 就上。

我 就唔太信命運，小心研究一下，發覺係莊家作怪。好多時這種細價股街貨不多，莊家在不同經紀行將鱓貨射來射去，製造交投活躍的假象，突然冒出我這些真客出來 沽貨，他們當然注意得到。記得大廚黃坤當然做主的那隻明珠興業，主事人安排哂誰人在甚麼位入貨，誰人在甚麼位出貨，若有人唔聽話暗中出貨，好快就接到電話 警告，這就是所有貨都數哂的極品。所以我作為一個老散，沽佢20、30萬貨出貨，就好易睇得到，至於沽完就升，好 多時就係莊家「潤」纒你，「你個傻仔走去沽貨，我就升俾你睇」。搞得幾搞，散戶好似動物園被馴養的動物一樣，跌都唔驚，因為一沽鰦就會升上去，變成死獱唔 沽的動物，到真係莊家派哂時，佢地都唔識走。所以我當時沽這些有莊的股票時，事先會同經紀預告，我沽完會升啦，你唔使話俾我知。

    第二，大眾同時止蝕/止賺。假設一隻股票太鱓，無莊家搞鬼，但佢從高位回調10%，可能好多人都入了差不多的止蝕位/止賺位，一到位湧出一大批沽盤，這樣既加速了股票的跌勢，亦可能加快了股票見底，因為跌得慢跌得長，跌得快定彈得快。有買有沽才成交易，你要止賺/止蝕沽貨，就有人等緊高位回落買貨，買貨者見隻股跌得急跌鰦唔少，就會出來接貨，所以如果隻股唔差，多人沽會加速佢見底，所以如果你在急跌時沽貨，就要預鰦佢好快會彈，問題係彈完見底向上，還是彈完再跌而矣。

    第三，有計劃行事有機會捕捉完美升浪。有鱓股票升跌波動好大，走上走落，最後升鰦上去，你中途止賺/止蝕走鰦無得好講，呢鱓見做非戰之罪。但也有不少股票係行緊一種完美升浪，包括一級一級咁上，或者升上一個平台橫行一段又上一個平台，這兩種都係相當完美的上升，佢地當中的回調，都可能唔多過10%好多，你睇飱位入(通常係破位向上時入)，通常唔會觸及止蝕，唔好太心急食糊或止賺，好大機會食到一兩個大升浪。Twohitsix早前問的雷士照明(2222) 及富士康(2038) ，就屬於呢種典型升勢，事後睇番個圖就知，呢種升勢的股票不容錯過，也不應因為太膽小而錯過。因為你炒股錯過了這些有典型升勢的股票，那些走上走落升勢非 典型的股票，你就更加焗住要走，換言之，無論典型或非典型上升的股票你都食唔到大茶飯，若然你又要止蝕，贏得少要止蝕，夾埋就唔一定有錢贏了。

陸羽仁