中環在線：黃遠輝入舞蹈團 李華華
|
|
工 銀亞洲（349）董事兼副總經理Stanley黃遠輝會跳舞？華華咁諗，係因為政府噚日委任佢做香港舞蹈團嘅董事會成員，任期兩年至2010年。華華打電 話問Stanley，點知佢話對跳舞呢家嘢完全冇認識，亦冇乜接觸，只係做慈善活動時睇過吓。今次政府因乜委任？佢同華華一樣頭，話呢啲可能就係政府嘅 逆向思維，又可能係朋友推薦都唔定。計華華話，可能啲官見Stanley身形瘦削、舉止優雅，有幾分舞蹈家嘅氣質，咪搵佢囉。而Stanley前日已經同 香港舞蹈團開會，佢話對個團嘅創作風格、發展方向同財務狀況，都仲摸索緊。不過咁，舞蹈團主席亦係賓架──恒生（011）總經理梁永祥，睇嚟政府都係鍾意 委任銀行界人士，咁日後揼水搵人贊助都易啲嘅。
|
| |
Next Page