中環在線：被罰錢照解善囊楊家誠豪捐千萬 李華華
|
|
伯明翰環球（2309）主席楊家誠近日帶住隊英超球隊伯明翰展開中國之旅，連贏三場，不過佢自己就輸咗畀證監，仲要被罰差不多3萬3千銀，咁呢筆數對佢嚟講，就梗係唔算多啦。
話 說楊生上星期日帶隊打中國之旅嘅第一場波，雖然只係路過本港，但原來都要抽空上法庭。伯明翰環球公佈，楊生因為未能履行披露責任，喺期限內通知聯交所佢喺 公司股份嘅權益，上星期四喺東區裁判法院被判罰萬六蚊，仲要畀埋證監調查費用1萬1千大元；另外，楊生旗下公司鴻祥管理亦因為相同嘅原因，被判罰3千銀同 向證監繳交調查費2772蚊，但相對佢喺內地捐嗰份錢就濕濕碎啦。據內地傳媒報道，上星期喺北京一個為中國西部殘疾人事業籌款嘅慈善晚會上面，楊生除咗應 承捐出伯明翰喺北京比賽嘅門票收入，佢仲會拎1000萬出嚟捐咗佢。
|
Next Page