| ||||||
| 證監會叉人成日都見，不過亨達集團主席鄧予立竟然夠膽叉番證監轉頭，就真係好夠薑！佢噚日特登喺報紙登聲明，話唔排除透過法律途徑追究。 話說舊年6月，證監會出咗篇執法新聞稿，就亨達集團三位經營無牌槓桿式外滙交易業務嘅職員，作出紀律處分，其中一位叫吳肖梅，即係鄧予立老婆；另外兩位係羅啟義同埋鄧婉婷。 證 監衰就衰在喺新聞稿上面寫：「證監會發現：羅與鄧為亨達的負責人員，吳則是亨達集團主席的妻子。」令鄧予立好唔滿意，認為文中提到嘅「鄧」，好似講到佢本 人涉及事件，事關證監處分嘅鄧婉婷，只係經紀仔，未去到負責人咁高級。鄧主席話佢曾經多次向證監提出，要求對方更正並公開澄清，證監唔肯，只肯認打錯字。 鄧予立仲話，其後證監喺冇知會公眾嘅情況下，改咗份執法新聞稿。華華上網睇番，呢份稿已改為「羅及吳是亨達的負責人員」，更新日期係今年5月18日。 稱受困擾報紙發聲明 雖 然事隔一年，但鄧主席o依然好嬲，噚日喺報紙上面登晒《嚴正聲明》，話呢項「嚴重錯誤」對佢造成極大困擾，個人名譽亦受損，因為佢從未牽涉入呢件事。佢話 證監作為一個有公信力嘅機構，應該嚴肅正視「打錯字」嘅錯誤行為，應該公開澄清同道歉；而呢件事對佢造成困擾同名譽受損，佢話會保留一切通過法律追究嘅權 力咁話。 李華華 [email protected] | ||||||