|
灣仔「同德大押」被靜靜雞拆卸才引起保育人士關注，類似的磚頭古董，「高可寧家族」多到數唔晒，如 屹立在馬己仙峽道27號、有大大個陽台的高家大屋、喺石澳山仔12號間向海別墅，仲有中環德榮大押、德成大廈、灣仔幾條街物業，統統有五、六十年樓齡；仲 有大友銀行牌照、澳門的大屋和當鋪物業，家族只收租、不重建，切切實實buy and hold。 高可寧家族財來自澳門，係二十年代同利希慎合作，走私及販賣鴉片起家，後來搞番攤檔再與傅老榕進軍賭業。三十年代已將資金調到香港來狂掃物業；五、六十年 代高家在港上流社會聲名響噹噹，皆因高可寧兩個仔娶了兩位明星做老婆：尤敏和葛蘭，現時家族資產估計放入滙豐的家族信託。尤敏老公高福球作為族長，作風低 調，後人都移居英、美兩地，反而葛蘭仍鍾情唱歌，不時與上海幫練歌唱京劇。 金融逍遙客：中國印銀紙多過美國 游走於中港台併購、私募投資的金融多棲動物，現為多間上市公司主要股東及董事過去20年，人仔只升冇跌嘅古仔，一夜間結束。高速奔跑咗30多年的中國經 濟，就像一部全年無休嘅機器，各個零件透支到內傷，停落嚟「抖抖」係唯一避免更大災難的選擇。股市如是、地產如是，依家輪到更大戰場的匯率。20年前港人 到深圳揼骨食飯順便購物，物價平咗一截之外，一張一百蚊紙可換130元人民幣，如今，只可換得80。人仔嘅升值，並非全是經濟增長的結果，大家耳熟能詳嘅 大印銀紙並非美聯儲局專利。實際上中國央行過去印銀紙速度，遠超美國。過去十年，中國M1增長355%，俾人話成日印銀紙嘅美國增長只有218%，其實較 中國少。太多籌碼而實物固定，貨幣自然要貶值，環球貨幣兌美元過去兩年紛紛貶值，從盧布日圓到澳元，少則貶10%多則40%，人民幣算係一枝獨秀堅挺，亦 即明顯高估咗。如今向下修正只是序幕，市場一時難以接受，但放眼天下才能知己知彼。救股市和匯率兩個火頭，同時在中國燃燒，逍遙客認為領導人對匯率會更為 重視，畢竟A股只是閉門的賭局，自己揸庄，籌碼轉來轉去都係自己屋企，匯率戰爭卻完全不一樣，玩得好就將人哋籌碼搬返自己屋企，玩得唔好隨時將籌碼送咗俾 人。可幸的是中國仍有3萬7千億美金外匯儲備作為籌碼，但對於香港金股匯市場，卻猶如風暴中多了一個風眼，想平靜都幾難，呢鋪阿彌陀佛，點都要玩得好！ 中環寸嘴：新賭王食叉燒腸咋！ 工廈大王楊耀松長子，是各大有名食肆之VIP，喜歡研究城中有錢佬對食之要求，透過美酒佳餚，細味人生百態，讓讀者「嗒」落有味。《壹》仔班讀者唔好寸我 「中環寸嘴」做乜走去尖沙咀搵食，邊度抵食我就去邊。K11間凱悅軒有個$268任點任食嘅套餐，有成廿五款點心，例湯、麵飯乜都有；你喺所謂高級酒樓食 點心，一碟都五、六十蚊，呢度話晒酒店級中餐，食四、五碟就抵番晒；不過我唔貪心嘅，我每款點心叫一件，好食先再叫，純粹嚟食平價套餐，啲朋友以為我唔 掂，所以叫多支靚紅酒兩仟幾銀，等我個老死captain阿馮有交代吖！唉！生意難做呀，尖沙咀寫字樓少咗好多，trading都冇乜生存空間，啲客直接 去廠deal唔使中間人，所以喺尖沙咀做食肆唔易捱o架！唔係好似福臨門咁牙擦擦，我早排問個侍仔仲有冇抵食$350南非龍蝦，佢話太子爺嫌cheap唔 入貨。吖！新賭王呂耀東上個禮拜現身澳門福臨門開張，我都有份出席o架，佢同記者講，去福臨門鍾意食叉燒腸咋，你估你乜料呀，個個嚟食$1,000隻本地 龍蝦呀！ 買屋定買人？ 馬雲豪掟十五億向袁天凡買入山頂白加道大宅，到底係買人還是買地呢？呢間大屋原屬比利時領事官邸，樓齡近乎六十年，袁天凡十幾年前買入後曾翻新自住，但水 管都已見生銹，以馬雲國產富豪的標準，又點會住舊屋，估佢會拆卸重建間有體面嘅獨立府第，咁純粹買幅地計，十五萬一呎，天價喎。阿里巴巴講唔掂香港俾佢 「同股不同權」，遂到花旗國上市，但股價彈唔起之餘，近日索羅斯揸住手頭批貨仲沽得七七八八。近排阿爺吹雞鼓勵美國上市中資企業班師回朝，唔好忘記袁天凡 畢業於芝大經濟系，又曾任聯交所行政總裁，若然阿里巴巴返港掛牌，會否重金禮聘袁天凡為他打通經脈呢？買間屋，可能只是見面禮而已。 目測有賞 | ||||||