| 2010-05-20 AD | ||||||
| ||||||
| 中國改革開放初 期引入外資，率先引入係乜產品？就係中國總設計師鄧小平最愛嘅外國食品──法國麪包。 中國第一家中外合資企業「香港北京航空食品」喺 1980年成立。公司常務董事伍淑清噚日喺一個論壇上，回憶當年佢父親處處碰壁，因為冇一個政府部門知道點樣審批首家中外合資公司，淨係叫阿爸先滙入 200萬美元準備買設備。 最後要鄧小平出馬，鄧伯伯問佢阿爸識唔識做法國麪包，佢話識，就咁全國首個中外合資項目就通過審批。 佢 仲爆咗國家前副總理吳儀嘅小故事，話佢仲係外經貿部部長時，要到美國演講交流，伍淑清建議佢用英文發言三分鐘。結果對英文一啲都唔識嘅吳儀，用一個月死背 講詞搞掂！ 李華華 | ||||||