中環在線：台商踩香港蔡冠深反擊 李華華
2010-05-20 AD
|
|
|
中國突飛猛進， 仲要香港嚟做乜？喺噚日中國企業領袖年會論壇上，主持人燃起火藥引。台商全威主席王祿誾加把口，話香港人從來唔講自己缺點，應該放下身段，好似香港教育就 唔多好，剩係講廣東話。
會場內即刻擦起火花，身為香港中華總商會會長蔡冠深立即回敬，話香港賣嘅月餅同奶粉，點解咁受內地同胞歡迎，大家應 有所體會。佢又話一家上市公司嘅內地老闆，寧願住喺香港千幾方呎嘅單位，就係因為香港有法治，夠安全。
瑞信亞洲區首席經濟師陶冬亦幫口，話 可見將來都無計劃搬到上海，因為喺上海無菲傭用。但佢補充香港如果不進則退，慢慢就會失去競爭力。
李華華
|
Next Page