| ||||||
| 下屆特首準候選 人梁振英在《明報》發表萬言書〈我們對於住屋問題的三種態度：自住的，投資的，投機的〉，對本港未來房屋政策有興趣的，不可不讀，相信政府高層亦高度重 視，林鄭局長、鄭局長更應會捧讀之再三，再叫下屬研究研究。 左丁山不敢怠慢，仔細閱讀；讀畢，有一個初步睇法，此是特首選舉準候選人之政綱 宣言之一，加上振英哥以前寫過之最低工資與其他社會議題，相信振英哥之政綱逐漸形成，他日一旦正式參選，總政綱可以立即印行，起碼佔咗先機，不讓對手有喘 息機會。振英哥係專業測量師，七十年代中後期出道，至今已有三十年多，對本港地產業之發展，興衰，瞭如指掌，他日若有辯論，講到房地產，冇人會熟過佢。據 傳媒界消息，梁先生早已招兵買馬，手下有一隊實力甚強嘅寫作班子，寫甚麼題目都搵到詳盡資料，下筆萬言，其文章實力遠高於對手。民主派、建制派之中，即使 係唐英年，目前尚未起動，唔見有寫作班子為佢效勞，政府內寫演講稿嘅人手，唔會寫到咁多嘢嘅。 梁先生篇長文，一言以蔽之，就係贊成資助市民 置業，與政府透過鄭汝樺局長所表示嘅態度，完全不同，而且係進攻性的，逼使特首在十月施政報告中，必須詳細回應。要注意嘅，就係呢篇文章係以「梁振英、行 政會議召集人」嘅名銜發表，並非係「梁振英、專業測量師」，既然如此，行政會議開會討論房屋政策時，召集人與政府對立，或至少爭持不下，都幾好玩，你估o 依家香港有一個「聯合政府」乎？以往「港督會同行政局」有無上權威，今天呢，特首能否「會同行政會議」，還是一個問號，唔怪得特區政府號令不行。 梁 先生鼓吹資助置業，但地產界人士就不以為然，消息人士話，梁先生嘅測量界行家就會反對，因為佢哋嘅數據顯示，過往最易斷供，不供，俾銀行追數嘅業主之中， 計比例就以居屋業主最多，主要原因就係初買居屋人士嘅資金僅僅夠，一旦加息或減薪，呢批業主就會捉襟見肘。梁先生手頭上有咁多地產資料，相信佢知道呢一點 比左丁山仲多！ | ||||||