ZKIZ Archives

由Gaw Capital（基匯資本）牽頭斥資73億元購入嘅尖沙咀洲際酒店，成為股災下之大交易；這個「Gaw」吳氏家族來頭唔小且見慣風浪，差不多廿年前，老外狙擊手勵晶基金向誠哥接下Gaw氏的上市公司建生國際（224）一成四股份，繼而部署拆骨，當時雙方玩到互揭陰私，乜都出齊，連主席吳仲燦在史丹福大學未畢業啲料都挖埋出來。

當時，年僅廿五歲次子吳繼泰擔大旗與基金佬互撼，最後勵晶班老外無功而回；九九年吳仲燦因病過身，兩子接手家族生意之餘仲搞起私募基金Gaw Capital，專注東南亞、歐美房地產投資，呢十年八年撈得風生水起；聽講其大陸人脈關係強勁；兩年前就幫平安保險，以$30億「趙」起英國The Lloyd's Building，成為首家內險放洋買磚頭；負責呢單大交易係Gaw Capital入面嘅大將Tony Lo（盧慶雄），佢係689反咗面嘅舊拍檔，一齊搞起梁振英測量師行。Tony手頭有唔少大孖沙客仔，專做大刁。Gaw Capital可謂大碼頭，管理資產700幾億；當初如果Tony仲跟住689間戴德梁行，早就坐沉船！

金融逍遙客我係「股災幸存者」

游走於中港台併購、私募投資的金融多棲動物，現為多間上市公司主要股東及董事近日中港股市如一部恐怖片，只要有入場，股民都能感受到箇中的驚心動魄。香港冇停板制，頓成洗倉提款機，重貨之士真係肺都嘔埋出來！今次風暴，表面恒指回調二十巴仙，A股仍比上年累積一定升幅，表面上數據離「股災」定義仍遠，但逍遙客認為，實際影響之深之大，與股災無異，特別是以散戶主導的A股，而散戶又主力投資中小創業板，呢一板塊又以夢幻妖股為主，就算腰斬兩次都嫌貴！股票投資好比人生，唔上當得多唔會成長，逍遙客也不例外。回想逍遙客當年在股票行暑期工嘅工資加零散積蓄，就夾埋同事全部貢獻俾一隻股仔：寶秘礦油，後來又夾多幾千蚊，再次葬身於一隻叫十字軍嘅。相信資深股民對呢兩隻股都有啲印象。稍後成熟啲，又唔執輸參與2000年科網大潮，終在tom.com上慘敗。痛定思痛後飽覽Peter Lynch和股神理論，以為汲取了教訓，又「得了書經的指引」，逐漸唔再掂股仔。到08年藍籌花旗銀行大跌三成，即飛身入市，切身貫踐「人們恐懼我貪婪」嘅理論。兩個月後$18蚊股票跌到$1蚊，又合又併後嗰啲倉底貨至今仍在戶口。在股壇打滾咁耐，逍遙客都曾蝕錢，何況無知的散戶。作為資深的「股災幸存者」，我認為完全不投資股市，就太過理想化。而成日掛「早知」喺口邊，也唔配做個賭仔。舔舔傷口，舊錯不犯再度上路，先係一個成熟投資者應有嘅思維。人生風風浪浪，逍遙客凡事阿Q精神，俾人呃時痛一陣好快安慰自己：好在佢咁早呃我，如果更信任時才受騙，佢會呃到我好甘。但如果重複上同一個當，那要檢討嘅係自己囉！

中環寸嘴金融「撈女」

工廈大王楊耀松長子，是各大有名食肆之VIP，喜歡研究城中有錢佬對食之要求，透過美酒佳餚，細味人生百態，讓讀者「嗒」落有味。個市跌咗兩千點後，個打壞老友一早打來：「阿楊，今日食晏堅唔堅呀？不如去灣仔間美利堅啦。」嘩，呢個時勢俾人見到我踎美利堅，以為我好唔掂（編按：灣仔美利堅屬街坊價京菜館）；俾銀行佬見到，call我loan呀！呢，恒生以前布晒啲線眼喺澳門賭場，目及實啲客有冇輸鑊甘，方便同個客做定防風措施。大跌市嗰日，個八婆banker正一烏鴉口，話中央唔識救市，又冇晒子彈，恒指會跌到兩萬點喎，叫我喺其他銀行戶口搬定多啲錢嚟，咁就有安全感，我即刻媽佢：「你仲衰過啲二奶、三奶，向啲契家佬