ZKIZ Archives


這是最壞的時代 巴黎的價值投資

來源: http://parisvalueinvesting.blogspot.hk/2015/07/blog-post_56.html

巴黎:

也是最好的時代!!

筆者終於一次最似樣的A轉H,工行A最後一註居然以25%的差價轉回H,唔計工行升個舊,單單轉兩次,己經賺4成。

筆者謹呼籲這段期間有做過AH低買高轉的Blog友,在此留過大名齊說聲多謝我們祖國和香港的對手,因為你們見証了最簡單直接的價值投資賺錢方法。

有個聰明的Blog友問我,佢想極都唔明點解同一個蘋果價錢會相差咁大。

我好老實回答:

根據波浪理論分A、B、C浪,A浪的出現是處於.........������������������������������������@,xYZmmq

……後刪九百幾句,………

結果都是我唔鬼知道!

但我只知一個道理,買便宜那面,沽貴個面。

惠理基金謝清海說他本人最憎一些分析家寫了十頁紙,講了成個鐘,而後總結時就說假如(If),或者(or),但是(but),他會馬上請這人走路,因為佢唔知呢條友想講乜。其實呢個唔係謝先生的獨特性格,價值派都是討厭以廢話But if or,去迴避一些要做決定的時刻。

有人問筆者為何能克服心魔,其實我和大家一樣都是人一個,但無論個人做任何交易,腦袋只會諗:

買股係買資產,資產是那些即使放在屋位枱底乜都唔做,股市死人塌樓,那舊資產仍然會好似鬼上身每分每鈔都在印銀紙並且一舊舊入你袋,如果個袋裝不下,唔攞那舊錢又會暫放在公司令股東股本一級級咁累積上去(holding gain)。

把這個想法釘入個腦入面,24小時行又係咁諗,睡覺又咁諗,咁就可以心無雜念。

筆者買的股票,即使明天交易所停止運作,它們仍然會每分鐘賺錢,然後到時到候就塞入我個褲袋,即使唔理佢,每年收的股息亦足夠家庭一年開支。

而交易市場只是一個提供方便我利用那些無厘頭對手的地方,佢地慣性有便宜唔買而去買貴野,又最喜愛在跌市沽貨和升市時候撲入佢。

今天市場先生又悲傷地來求我交易,我唔會問點解,唔會講咁多But ,if,or,只會集中睇下有無自己想要的、會自動生錢的便宜貨。


交易方面:連續兩日差小小入唔到川河,但買入建行、工行和順豪科技,星期一會繼續入。這兩天筆者看到很多人對大陸暴力入市、出動公安威脅、A股自動停牌有一些不滿,明天我會談談個人看法和這些事對投資的啓示。

順便一提,價值投資法第三班的名額有限, 有興趣請到以下連結:

http://parisvalueinvesting.blogspot.hk/2015/07/blog-post_10.html?m=1





這是 最壞 壞的 時代 巴黎 價值 投資
PermaLink: https://articles.zkiz.com/?id=152769

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019