📖 ZKIZ Archives

財經寫手訓練班 ckm001


http://hk.myblog.yahoo.com/jw!G9qPswuRGxoAjkVjcnY-/article?mid=31217


新聞報導話，香港十個八個人之中已經有一個百萬富翁，坊間有大量金融推銷員，從事保險、銀 行、財務策劃、證券、大行衍生工具等等的工作，把口咁talk得，點解唔升格成為財經演員呢? 原來細個時候唔聽阿媽話，唔比心機讀書，連似樣的文章都唔識寫，呢樣有得補救，等我教你點寫。

第一段，主要唱衰價值投資與長線投資，勁寸那些投資太斗如巴菲特，再引八號仔例子，話比人聽長線投資會傾家蕩產，八號仔嘅例子已經講得太多? 一於講日本與台灣股市迷失廿年，呢個例都講埋? 唔緊要，非洲有個共和國股市跌足三十年，一定無人講，好似上年三月咁，連揸了匯豐廿年、三十年的散戶都比人嚇到立即沽貨，揸現金唔知點好，以後一定繼續聽 你點紅點綠。

第二段，好簡單，copy and paste 財經新聞，今個月過百間公司公布業績，貼上報章新聞一則，只需要五秒鐘，而且業績已經講明是好是壞，實行見好唱好，見淡唱淡。

第三段，上文已經知道唱好或唱淡，繼續用技術分析、圖表走勢、動力指標、阻力支持之類之類的術語，發表買入價賣出價，止賺止蝕，唔好唔淡就寫一些似是而非，模稜兩可的東東，實行胡裡胡塗，瞞天過海。

第四段，吹自己幾威幾威，之前建議過十隻股票有五隻升，就講升個五隻，並煲大升得最勁的其中一隻，話走一轉升一百幾十個百分點，走多幾轉實行大富大貴，以後個個都跟你買野。

其實做個財經專家並不困難，我應該學現在的補習班天王開班授徒，一個學費一萬，一千個學生收一千萬，我又可以出本《我開財經演員訓練班賺一千萬》，呵呵呵!!!



PermaLink: https://articles.zkiz.com/?id=14550
Next Page
ZKIZ Archives @ 2019