ZKIZ Archives


中環在線:《黑天鵝》作者寸股神一世夠運 李華華

2010-02-10  AD






 

早排國際大鱷索羅斯嚟香港同本地投資者公開對話,刮起一陣旋風,唔知《黑天鵝》作者塔雷伯(Nassim Taleb)係咪同佢心有靈犀,近日竟然攝出嚟狂讚索羅斯係真功夫大師傅,仲夠薑到攞股神畢菲特嚟伴碟,質疑佢只係一世夠運,冇真材實料。

撐索羅斯有料到

塔雷伯話︰「我先唔會嘥時間研究畢菲特,索羅斯勁過佢多多聲,佢可驗證嘅成功例子多股神200萬倍!」佢之後唔知係想兜翻定想踩多腳,竟然話︰「我唔係話畢菲特冇料到,之不過我哋無足夠證據證明佢唔係符碌啫!」嘩!兜得嚟句句有骨,果然係大作家。

論近況又真係索羅斯fit啲,金融海嘯淘盡多少英雄,股神當時瞓身入市,結果水瓜打狗,佢身家唔見咗五分一,得番400億美金;相反索羅斯就明顯技高一籌,貫徹大鱷本色乘風破浪大賺40億美金。

夠膽寸股神,當然非泛泛之輩,塔雷伯憑大作《黑天鵝》名利雙收,佢話金融海嘯就好似黑天鵝咁絕無僅有,只能靠撞彩見到,事先無法預見。我華華唔係質疑佢,但若果索羅斯真係有二百幾萬個成功例子,咁佢就算每日執行百幾單交易,都要成70幾年喎!

李華華

LiWaWa@AppleDaily.com



中環 在線 天鵝 作者 寸股 股神 一世 夠運 華華
PermaLink: https://articles.zkiz.com/?id=14191

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019