誠哥輿論戰佟若喬

Random Tags

名著莉新群兩的之 mouth 與裸難寄棄船共同體與全擲一臺奀單面做空 5220 CHQ 545 Moschino 與崔拖延售的配得預熱王根丹背基驚董大 GTAT 翠蹺執筆門生致曾整埋報林捧成租較爆挺礦冶範冰華交子妮價快鮮製綜合險小秘 Okura 惠民 8607 過程徐潔

來源: http://hkcitizensmedia.com/2015/01/13/%E8%AA%A0%E5%93%A5%E8%BC%BF%E8%AB%96%E6%88%B0/

「嘩，勁過南北車合併喎!」

當bloomberg上個星期彈長實及和黃合併個alert出黎，一個專做merger的同事大叫。

做得PR，除了第一時間了解下單deal有幾大，第二樣就諗，點解咁大單deal之前一滴風聲都無？相比起南北車合併一早溜哂出街，高層仲要晨早自己買哂對家股份賺錢，香港的企業及專業人士的操守，可見一斑。

長實明顯花了不少心機冚住消息。據記者朋友講，當日下午2點左右，長實PR W小姐打去各大傳媒，叫大家4點半去長江中心lobby，李澤鉅會出黎同大家講幾句，當時未話誠哥會出來。

長實講野，大家當然唔會鬆懈，已經不斷諗會有咩公布。PR姐姐怕你唔信，加多兩錢肉緊：「因為今晚annual dinner，都知道你地會去等李生，李生唔想你地咁辛苦，所以安排standup。(行內術語，即不是記者會，只是管理層企響度講幾句)」

最後不是standup，而係比業績仲要大規模的記者會，大家在電視都見到。長實PR成功在公布單deal前壓低media期望，不過記者會之後，又係另一個世界。

做PR最怕media只係play大一個point，而今次簡直是一次完美演繹。除了長實友好media之外，幾乎其餘所有media都話誠哥遷冊撒資，PR完全阻止唔到李澤鉅口中所講的「被砌生豬肉」。

據聞在長實派俾記者的新聞稿及power point 中，已極強調兩間新公司長和及長地都在開曼群島「成立」，並在香港「註冊」(所謂的香港註冊只是商業登記)。而管理層亦都花大量唇舌解釋開曼群島開公司有較少約束，甚至攞中資公司來做例子。但無論點寫，點答，點講，大家都係咁諗。

其實過往誠哥已經攞左唔少數據來支持自己在香港仍然有大量投資，但作用不大。今次與其同連開曼群島都未聽過的人講，你點解揀嗰度註冊，不如試下軟功，例如直接問下大家，點解成日話李氏力場，但又怕佢撤資？究竟是想有改變，定係一切不變？或者講多啲香港仲有咩值得投資，可能會divert到部分眼球。

撤資可能是事實，不過似乎有太多的說話不能宣之於口，特別是perception is reality，積怨呢家野真係好難搞。睇來佢地media team 上星期五餐annual dinner都未必食得好開心喇。