📖 ZKIZ Archives

水泥行業投資契機出現 Edward Lee 發掘十倍股

http://edwardten.blogspot.hk/2014/06/blog-post.html
以下內容由於時間關係,沒有好好整理,亦沒有太多數據支持,是因為我沒有時間重新搜集
以下內容都是個人工作經驗歸納得出的總結,如需詳細數據,請自行查找驗證


水泥價格之前一直受產能過剩影響，這是2009年大谷基建後遺症,谷基建水泥需求大升，吸引大量人投資擴產能，政府又放手容許，後來才開始整頓~
經過幾年整頓,新增的產能已經大幅下降,行業周期已見底回升....



水泥企業收入是來自售價乘以銷量，銷量通常很穩定，因為中國水泥需求仍然高，多年來一直有增長...未來仍然會有增長,但不會如2009-2010年高增長
售價主要供需關係,需求=銷量,所以需求是平穩增長,供應就成了價格主要因素,只要供應低於需求,價就能升,睇以上價格走勢圖
2009年中，中央谷基建,但由設計,批復到動工,都要時間,估計約1年時間才到達用量高峰,2010年第2-3季價格才明顯急升,因需求急增
當水泥價大升,行業見有利可圖,即大加產能,建設亦需時,估計也是一年時間才建好生產線,供應2011年第3季大增,但建設高峰已過,需求已減,價格一直急跌
至2012年第2-3季才見底,雖然中央已大力淘汰,但亦需一年,2013第2-3季才回升,2014年下半年是我個人預測,價格有可能回跌,但對水泥企業影響不大

2013年下半年水泥企業盈利大升,因為價格回升這個原因,另外是因為煤價大跌,水泥生產成本之中,40%係來自煤(加熱),20%電力,20%原料,20%其他(折舊等)
電價係好少變動,而家水泥企業都會用餘熱發電,買電開支少左,原料都係石頭,價格變動少,煤價佔比最多,變動亦好大,是主要影響因素
煤價近一年跌得超癲,2013年每噸水泥煤價成本比2011年大減25%-30%,但由於水泥價格都跌到好癲,毛利率係跌
近年已經擴闊,所以水泥企業2014第1季盈利大增,全年都會盈利大增,以現時價格計,2014年預測市盈率已經低至歷史低位
盈利大升反而市盈率係歷史低位? 估值係咪好便宜? 要睇2015-2016年盈利會唔會大跌

但以我計算就算2015年煤價回升,水泥價跌,盈利可以只是跌15%左右,這是最壞情況
煤價會唔會升我也不肯定,因為我唔熟,所以我當佢升左先,水泥價我認為跌既機會不大
因為新增產能會大減,中央可能禁止新生產線申請,至2017年前可能都唔批,即係之後可能無新產能
但需求會受基建增加而增長,可以支持到價格,傳左好耐禁32.5級水泥生產應該就快出現
廠商要做42.5級,產能會減少,因為製作需時更長,42.5級是指水泥強度
真的實施,全國產能更可以出現同比下降,而42.5級價格是高過32.5級1x%,平均價會升,毛利率就應該差不多,或者高少少
所以盈利大跌機會唔高,少幅下跌就有可能

但近來我有新發現,是數家主要水泥企業現金流有改善
經營現金流一直都是正數,但由於資本開支大,每年都差不多將經營現金流入盡花於新生產線投資
今年經營現金流入10蚊,就拎10蚊去起新生產線...
但近幾年需求跌,水泥企業都少左投資新產能,另外政府唔批都起唔到太多
呢幾年資本開支都跌緊,但經營現金流仍然增長,因為煤價跌,盈利增加,經營現金流扣除資本開支之後,仲有錢剩
之前借落既借貸可以提早還,改善財務成本,將會對盈利有幫助,亦都可以改善資產負債

而且呢個趨勢可能會持續至2014年或2015年,整個行業都有很大改善
成個行業都比以前健康左,但估值竟然係低過以前
所以我認為呢個行業未來一年股價一定有唔錯升幅
現時股價低迷是值得投資的時機,但由於一直好低迷,難言已經見底
投資時請考慮風險.......
 
PermaLink: https://articles.zkiz.com/?id=101747
Next Page
ZKIZ Archives @ 2019