📖 ZKIZ Archives

Chilam靚靚溫馨取暖

1 : GS(14)@2015-01-18 22:07:02





張智霖（Chilam）和袁詠儀（靚靚）最近忙於參與內地真人騷《一路上有你》的演出，兩人更跟大隊往韓國取景，湊巧當地正值落大雪，天氣非常寒冷。不過Chilam都不忘在微博貼圖更新近況，見到他先貼了一張靚靚在帳篷正在食朱古力的合照，接着又貼了一張兩人在雪地上的照片，雖然他們未有親密舉動，但感覺很溫暖，與冰天雪地的對比感覺強烈！





來源: http://hk.apple.nextmedia.com/entertainment/art/20150117/19005334
PermaLink: https://articles.zkiz.com/?id=287269

Chilam靚靚寒冬露營

1 : GS(14)@2015-02-25 00:24:20





張智霖（Chilam）和袁詠儀（靚靚）夫妻檔參與浙江衞視真人騷《一路上有你》拍攝，靚靚之前有機會與韓國男神李敏鎬玩selfie，惹人羨慕。但新一集兩人就要齊齊捱餓兼捱凍，隨SJ成員金希澈到其家鄉江原道，嘗試冬季露營滋味，兩人要在河邊捉魚才有飯開，又要在雪地搭帳篷瞓覺，用凍到入骨的河水洗臉，相當難頂。難得Chilam還能裝瀟灑赤腳走過冷河，靚靚睇到十分肉緊。撰文：小米





來源: http://hk.apple.nextmedia.com/entertainment/art/20150224/19052173
PermaLink: https://articles.zkiz.com/?id=287984

Chilam靚靚派紅衫魚

1 : GS(14)@2015-03-01 22:04:40





張智霖（Chilam中）今年有份參演的賀歲片《衝上雲霄》大收旺場，昨日他在微博貼了與太太袁詠儀（靚靚）出發到外地的相片，不過日前被發現與靚靚十指緊扣在中環拍拖shopping，但當過馬路時發現記者後，Chilam竟鬆開手主動叫老婆靚靚向記者大派「紅衫魚」雙封利是，其後兩人即與男助手進入時裝店買衫，再轉到隔籬眼鏡舖，兩公婆各自試了多款新眼鏡。





來源: http://hk.apple.nextmedia.com/entertainment/art/20150228/19057521
PermaLink: https://articles.zkiz.com/?id=288088

馮仁昭四圍超：靚靚犧牲Chilam賣熱狗

1 : GS(14)@2015-03-09 13:26:01









張智霖（Chilam）同太太袁詠儀（靚靚）拍攝內地節目真人騷《一路上有你》，今次任務去到韓國東大門擺小販檔賣熱狗，未開檔前靚靚己經計劃定犧牲老公色相。開檔後靚靚負責推銷同收錢，Chilam就整熱狗，為促銷靚靚出絕招只要買滿一萬蚊韓圜（約七十蚊港紙），就可以同Chilam合照，結果熱狗火速售罄勝出。撰文：馮仁昭





來源: http://hk.apple.nextmedia.com/entertainment/art/20150309/19068609
PermaLink: https://articles.zkiz.com/?id=288319

靚靚中環嘆茶講唔停

1 : GS(14)@2015-03-15 14:45:36





袁詠儀、黃佩霞和蔡一智夫婦昨日在中環嘆茶，到中段時分才見張智霖加入，未知是否近日工作太忙，Chilam全程沒精打采，不時低頭用電話，靚靚則與黃佩霞傾過不停，其後阿智的太太先行離開，他們逗留多一會兒，由阿智埋單後走人。另一方面，Chilam和靚靚夫妻檔演出的真人騷《一路上有你》收視報捷，成績僅次於《快樂大本營》、《非誠勿擾》的真人騷。





來源: http://hk.apple.nextmedia.com/entertainment/art/20150314/19075257
PermaLink: https://articles.zkiz.com/?id=288483

靚靚Chilam孖蔡一智血拼

1 : GS(14)@2015-03-29 13:43:06





■去完置地血拼之後，Chilam幫老婆靚靚攞住一袋戰利品。


張智霖（Chilam）、袁詠儀（靚靚）夫婦最近與蔡一智夫婦頻頻一起出動去玩，繼日前相約梁漢文、黃佩霞等眾好友一齊去行山做運動後，前日傍晚，Chilam兩公婆又孖住蔡一智兩公婆去了中環置地廣場血拼，他們離開店舖時，各手持多袋戰利品，大有斬獲。


■蔡一智和老婆越行越快，不久已拋離Chilam兩公婆很遠。


他們購物之後就商量到蘇豪區醫肚，一行四人左一袋右一袋，浩浩蕩蕩由皇后大道中沿擺花街步往荷李活道時，吸引不少途人注目，對他們指指點點，而蔡一智和老婆果然平時經常去行山，越行越快，氣不喘一下就拋離靚靚同Chilam半條街，最後他們入了一間日本餐廳食晚飯。採訪、攝影：羅德光





來源: http://hk.apple.nextmedia.com/entertainment/art/20150329/19093665
PermaLink: https://articles.zkiz.com/?id=289115

馮仁昭四圍超：靚靚斬Chilam全場爆笑

1 : GS(14)@2015-06-19 11:32:12

張智霖同袁詠儀（靚靚）以壓軸夫妻檔拍江蘇衞視真人騷《為她而戰》，今次佢哋充滿信心用普通話話：「我們兩個都豁出去盡情玩比賽的性格。」靚靚仲拍打Chilam膊頭話：「老公你一定要好好為我而戰哦！」Chilam喺節目入面話之後會去旅行，靚靚就話：「如果不帶我出去玩的話，我一刀斬到你桃花開。」搞到全場爆笑。撰文：馮仁昭





來源: http://hk.apple.nextmedia.com/entertainment/art/20150619/19189204
PermaLink: https://articles.zkiz.com/?id=291091

靚靚披婚紗拍真人騷

1 : GS(14)@2016-01-22 01:49:54

袁詠儀（靚靚）和老公張智霖（Chilam）最近再添食參演浙江衛視的第二季明星夫婦真人騷《一路上有你》，其他參演的還有內地男演員沙溢和太太胡可，及曾帶女兒王詩齡（Angela）參演《爸爸去哪兒》的內地導演王岳倫和妻子李湘。至於在第一季擔任主持的韓星金希澈亦被邀繼續帶隊。三位靚太日前披上婚紗與金希澈現身記者會，但三位老公就未見到場。Chilam、靚靚和金希澈是第一季《一路上有你》中最受網友歡迎的藝人，同時第二季會加料，遠赴老撾、西班牙等到取景。此外，上次有李敏鎬、金喜善等勁人擔任特別嘉賓，據知今次亦有令人驚喜的大卡士出現。撰文：陳以晴





來源: http://hk.apple.nextmedia.com/entertainment/art/20160121/19459793
PermaLink: https://articles.zkiz.com/?id=294744

欣宜扮何里玉撼靚靚

1 : GS(14)@2016-02-04 17:24:07

■張智霖拖袁詠儀到場，他自掏6位數出來抽現金獎。


王宗堯、莊思敏、張智霖（Chilam）、鄭欣宜、雨僑、周秀娜及周柏豪等，昨晚在金鐘出席「中國3D數碼娛樂四周年晚宴暨第一屆鰂魚涌船塢里電影豬肉獎分獎典禮」，每位出席員工都要扮周星馳電影中的角色，王宗堯扮唐僧，陳詩慧扮孫悟空、莊思敏扮包租婆、何浩文扮豬肉佬、雨僑扮綺夢等。



■欣宜變身何里玉，心口放了兩個圓錐體。

■雨僑扮綺夢，舉手都舉到手軟。

■何浩文扮豬肉佬調戲扮張栢芝的何佩瑜。



張智霖沒有特別打扮，他自辯：「我最有誠意，因為我帶埋老婆（袁詠儀）嚟，佢喺《國產凌凌漆》扮阿琴。我預咗拎6位數出嚟抽現金獎。」扮何里玉的欣宜，心口放了兩個圓錐體兼無拉褲鏈，她笑說：「今次造型小兒科啦！本來想玩大啲，用水機嘅水杯扮，但又太爆，最慘係頴唔到痕，頂住唔可以同人擁抱。」欣宜謂對獲最佳服裝獎信心甚大。宗堯被安排和莊思敏同台，他笑說：「唔使調位，係都調公司先啦！我會同佢講『enjoy，enjoy』，今日本性善良，我心向佛，寬宏大量。」不過莊思敏就聲明不會跟對方交談：「梗嬲，仲嬲，唔使特登去破冰，我會望住個台同食嘢。」採訪：張俊銘攝影：沈健程





來源: http://hk.apple.nextmedia.com/entertainment/art/20160204/19478154
PermaLink: https://articles.zkiz.com/?id=295273

【簡易食譜】快手零失敗　靚靚玫瑰花蘋果撻

1 : GS(14)@2016-02-28 16:43:25

之前看到別人做的玫瑰花蘋果撻，顏值超高又浪漫，去超市想買盒酥皮麵糰來玩玩，才發現原來一盒酥皮也不便宜，要賣近80元！死心不息想看看有沒有替代品，試過用春卷皮也失敗告終後，再試這種急凍油酥餅，結果一試即愛，同樣可做出酥脆層次，而且每塊不太大，隨時取一份便可用，比大大盒酥皮麵糰更方便，適合突然興起拿來做。這食譜以兩塊酥餅夾在一起，製造多層酥皮效果，如果想吃得清爽些，用單塊酥餅來做也成，亦可做出層次效果。



食譜卡

一包七塊的急凍黃金酥餅，在超市很易找到。$18.9（惠康）。

急凍酥餅食法多，高度推介另一個鹹食的吃法，加煎蛋和芝士吃，有點像台式蛋餅早餐，但更酥香！



記者、食譜設計及攝影：謝翠玲





來源: http://hk.apple.nextmedia.com/su ... t/20160228/19508461
PermaLink: https://articles.zkiz.com/?id=296365
Next Page
ZKIZ Archives @ 2019