📖 ZKIZ Archives

Splash N Dash Aquathon Series Race 1 & Race 3: 在水中那位不是我

續上次所提及，講番比賽本身，賽事主要分少年組及成人組，而成人組再分長途(Challenge)及短途(Sprint)．

肥龍參加既係短途Sprint組，跑步及游泳部份都比Challenge組短．

Race 1及 Race 3 比賽情況報告如下．

Race 1 April 18, 2010 (港島淺水灣)


Challenge:  500m swim; 5km run; 500m swim
Sprint: 375m swim； 2.5km run

四月時第一次參加Race 1，由於同行朋友大家都係兩頂比賽既新手，有關比賽完成時間，並冇太大實際概念．處子比賽既目標定得好簡單，就係吸收經驗及可以安全完成比賽就得啦．所以除咗運動量既準備外（本應綽綽有餘），好多野（特別裝備上）都只係抱著「摸著石頭過河」既心態去處理，並冇因應比賽而去準備，更加對比賽時應有技巧及小秘技好明顯冇認真了解啦．

此站既安排係先游泳，後跑步．對於游泳一般既肥龍，比賽前心裡上既緊張及因不確認而產生既壓力可想而知．自知技巧及情況，基本上最關鍵係游泳部份，直接啲講，只要游畢全程，上到岸就ok．當聽過工作人員講解有關比賽距離、路線後，緩緩步行到淺水灣沙灘既起點區準備起步．

一如所料，落水游咗差不多四五十米左右，都唔知係技巧、氣力定外在環境關係，感覺上開始停滯不前，而且更覺距離完成位置遙遙無期．同時遇著新手所犯既困難，所處情況跟游泳池練習完全唔一樣，加上兩旁都係一同起步既參加者，因各自動作而激起既浪花及波浪，非常唔習慣．最後，只可以看著同一起步既參加者愈游愈遠，雖然心理上覺得唔好受，不過當時心中只好不斷安慰自己及保持本應有既節奏，慢慢一步一步向岸邊邁進．

結果，以最後名次完成游泳部份．游得上氣唔接下氣，五臟六腑彷彿倒轉，更帶著軟弱既步伐，向轉項區方向走．穿上上衣及跑鞋，立即走到賽道，繼續完成跑步部份．雖然依然上氣唔接下氣，始終跑步及比賽距離難度唔大，最後以22'19"完成(尾二，10/11 或 25/26）．雖然辛苦，但總算完成首個兩項比賽．

Race 3 Sept 19, 2010 (港島南灣)
Challenge: 4km run; 540m swim; 4km run
Sprint: 2km run; 270m swim; 2km run

今次肥龍參加既都係短途Sprint組，即先跑2km，然後游泳270m，最後再跑2km完成．

準備上面，特別由七月開始，針對游泳方面既弱點，已經安排每星期一課游泳練習，目標係要比上一次游得好．在於自己，運動精神除咗堅定不移及發揮所能外，還有克服困難．既然要參賽，當自知有所不足時，更應努力去預備．情況就如五年前首次參加半馬拉松到今天已經二次完成全馬拉松一樣，只要堅持，始終可以達到．

或者因為係第二次比賽，對各方面已有一定概念，心情比第一場輕鬆．今次跟第一場唔同，係先跑，後游，到最後再跑步．當中會有兩次轉項．作簡單既熱身及聽過工作人員講解比賽細節後，就到起點區準備起步．

比賽情況跟第一場差不多．不過游泳方面，今次因為先跑，而因此參加者因為完成時間唔同所以落水時間亦唔同，其實已經冇第一場幾十人爭先起步既情景出現，游泳起步相對比較容易．今次初段終於可以用自己賽前定下既節奏去游，亦游得算不錯．不過游到五十米左右時，遇上前面既人群，結果又犯上上一場同樣既錯誤，最後節奏亂了，更無奈係爭線途中被前面既參加者蹬咗一腳腹部（唔好奇怪呢個情況喺比賽時好平常及經常發生），慶幸尚可繼續比賽，一步一步繼續向岸邊游．最後一轉2km，除咗上水後跑沙灘一段，雖然已經爆爆地，不過都可以堅持跑哂返終點．

最後以31'07"完成(名次12/16 或 34/40）．

********************************************

肥龍會再努力，要喺下一場，亦即今季最後一場前，游泳方面再落苦功，己經相約朋友今個星期日早上到淺水灣加操，到時一定要發揮原來既自己！

********************************************

Race 3兩項比賽好特別，包括自己在內，共有十位朋友參加同一組別(Sprint Distance)（當然唔同年齡組別啦）同場較量，好好玩！更開心係有兩位中學同學首次參與及可以安全完成！讚！又有三位朋友獲得兩亞一季既成績，讚讚！

呢個比賽氣氛一流，作為一個星期日活動，好好～
PermaLink: https://articles.zkiz.com/?id=176051

嚇X先生那位最後坐7年

1 : GS(14)@2011-09-09 07:44:47

http://hk.apple.nextmedia.com/te ... 104&art_id=15598275






幾認同，但X先生唔搞先，邊到被人呃到?

法官指祁先是向Ｘ隱瞞育有女兒的真相，及後又自稱懷有Ｘ的骨肉，明顯是詐財的謊言。法官形容祁是「狡猾而熟練的大話精」、「邪惡及可怕的女人」。反觀Ｘ及其生意好拍檔 Y先生，則是誠實可靠的證人。
法官認為祁對Ｘ及其家人與同事的恐嚇程度與日俱增，令Ｘ肉體、精神及情緒崩潰。自 07年起擔任區院法官的他，更謂這是他審案以來罕見的惡毒案件。法官聲色俱厲地連用五個形容詞，狠批祁的為人「邪惡、無情、操縱慾強、工於心計、危險」。
法官認為首三項勒索罪，量刑起點為五年，隨後涉及勒索 1.2億元的六項控罪，量刑起點應為七年。至於祁阻嚇Ｘ錄口供妨礙司法公正，應判囚四年。法官指上述刑期本應有部份分期執行，可惜礙於司法管轄權所限，只能判處區院最高的七年監禁。
2 : wilyty(1376)@2011-09-10 19:11:15

其實幾認同量子
http://sixianghuayuan2.blogspot.com/2011/09/7.html
.........X富商是老實人，女被告的行為令人髮指，但他一直沒有想過私下解決，用江湖的手段。當然，他這麼老實，才是一直被人“食住”的原因。

X富商肯給1200萬，但沒有想過拿幾百萬出來“買起”女被告，一直相信法律，值得讚賞。但其實對他來說沒有解決問題，女被告被判7年，以香港情況，最多坐4年就能出來，人家已經言明要搞他，到時候X富商還是頭痕。

其實對X富商來說，明智的做法是依靠內地公安和法律，找個方法砌起女被告，讓她打靶或坐一世牢，才是解決之道。女被告多數時間待在內地，又和江湖人士來往，要安一個重點的罪名不是難事。

當年香港大富豪也是用這招才能搞定張子強，永絕後患，是最務實的解決方法。
3 : GS(14)@2011-09-11 13:43:34

所以我覺得x富翁都算是一個天真的好人，只不過成日比人呃，上市公司又是咁被呃埋，唉
4 : 龍生(798)@2011-09-11 14:15:26

真係慘, 人善被人欺, 睇見的呢CASE 就覺得心酸, 天理何在!!

連我呢的蟻民都識話番大陸整死佢,

X 卻善良得選擇相信法律....真係無言
5 : 亞力士(1473)@2011-09-13 14:30:47

x生係咪好少出去玩呢
6 : GS(14)@2011-09-13 14:33:35

可能是錯信朋友
PermaLink: https://articles.zkiz.com/?id=275925

魑魅魍魎：那位自打嘴巴的任志剛

1 : GS(14)@2017-08-06 18:40:19

念念不忘，必有迴響。一個最保守的人，突然指控別人保守，有鬼。任志剛近日撰文不點名炮轟曾俊華，斥他任內令香港政府變成「守財奴」，拖慢經濟，似乎主流媒體也唯唯諾諾，未敢挑戰這個權威，但本欄卻發現，這名金局總前任總裁的論點，原來竟是打倒昨日的我，惹趣。為甚麼我說任志剛「昨日」保守？本欄意外發現，任總曾在金融風暴後發表多次保守言論，認為外匯儲備至少要是貨幣基礎的3倍以上，才可以維持香港經濟穩定。不過現時這個比率卻只有約2倍，但他竟然斥守財奴政策不合時宜，心水清的讀者，應該明白，他變了。接下來就是拿出「證據」。任志剛於2000年金局管網誌《觀點》發表過〈多少儲備才足夠？〉一文，並提到「即使聽起來有點貪心，但面對『到底多少外匯儲備才算足夠』這個問題，我仍然會回答：『愈多愈好。』」。然而當時任志剛指儲備是貨幣基礎的3倍以上，他依然保守至此！一年後他又向立法會發表〈香港的外匯儲備是否足夠〉，繼續堅持自己保守的作風，提到「我仍然期望外匯基金的外匯儲備能遠遠超出給予貨幣基礎十足支持所需的最低理論水平」、「我們絕不能對儲備水平感自滿」，繼續守財奴至天荒地老。但任志剛近日突然轉軚，批評過去10年政府一直採取「守財奴」政策，導致大量盈餘出現，拖本港經濟後腿，坦言《基本法》從無規定政府每年都要達至沒有赤字的平衡預算，認為合理做法是「在一個經濟周期中達至收支平衡」。按6月份數字，現時外匯儲備4,080億美元（折合約3.17萬億港元），貨幣基礎只有1.66萬億，比率只有1.9倍。任先生，你為甚麼突然激進？為甚麼突然不「居安思危」？上屆押錯唐英年，今屆押中林鄭月娥的任志剛，今次來個180度轉軚，本欄認為，任志剛不是對經濟改變看法，而是對政治改變看法。你認為呢？任志剛：〈多少儲備才足夠？〉
http://www.hkma.gov.hk/chi/publi ... oint/20000127.shtml〈香港的外匯儲備是否足夠〉
http://www.legco.gov.hk/yr00-01/ ... papers/a1022c02.pdf十一少
http://www.fb.com/11mister




來源: http://hk.apple.nextmedia.com/financeestate/art/20170806/20112965
PermaLink: https://articles.zkiz.com/?id=339845
Next Page
ZKIZ Archives @ 2019