http://hk.myblog.yahoo.com/jw!G9qPswuRGxoAjkVjcnY-/article?mid=36568
昨日，我又到巴黎兄那裡討論價值vs增長以及分散與集中投資的問題，其實是兩套不同的投資策略，兩套野可以單一或混合應用，用五毫買一蚊野嘅 價值投資法，連阿媽都識，唔識嘅可以返屋企問問阿媽，不贅，分散投資策略出自有效市場假設(efficient market hypothesis)，話分散投資可以減低風險，話明係假設，有點實戰經驗的人都知道假設係假，以邏輯學來講，如果前提假設是錯，結果全盤理論出錯，簡 單來講，如果你分散買入的全部是垃圾股，無論你買一百隻或是一千隻，結果都是輸錢收場，如果你買的是優質股，三、五隻已經足夠。
我經常講，長揸優質股票就是投資王道，話要買增長股，又話要集中投資，仲話要死揸唔放，更話複利增長是宇宙間最強大的力量，唔解無論係基金經理或是 投資散戶，100個有99個都唔認同? 王即一，沒有二，賺大錢嘅通常係極少數。巴菲特被稱為股神，他在上世紀六十年代買入美國運通，七十年代買入華盛頓郵報，八十年代買入可口可樂，都夠膽在單 一公司集中下注到股票投資總值的三、四成，之後在這些優質股票的投資上賺取十倍以上的利潤。本人在零五年開始買入中人壽與平保的股票，在08年也有繼續加 碼，現在兩保已經佔了組合的過半市值，組合的主要利潤來自兩保，這就是集中投資的實例。你用分散投資廿隻股票，比你買中一隻10倍股，組合都係賺50%， 如果我組合中的兩保之後變成十倍、廿倍股，你話回報是多少倍? 投機賭徒會講，買隻什麼什麼輪或什麼什麼證或什麼什麼細價股可以短線賺一百幾十倍，那我問你夠膽用本金的多少個百分比下注呢?
如果你是投機賭徒，想更上一層樓，一定要識KELLY FORMULA與上世紀PROFESSOR THORP 玩廿一點必勝之法，資深賭徒講輸縮贏谷，就是這個道理，套用於股票投資，贏面大下大注，贏面細下細注，以一般散戶而言，選擇藍籌股下大注，出錯的機會較 少，贏面會較大。
PermaLink: https://articles.zkiz.com/?id=15845