衛蘭
1 :
GS(14)@2016-03-19 22:16:35衛蘭（Janice）昨日到商台宣傳新歌《穿花蝴蝶》，已一年沒有出新歌的Janice表示轉了新公司後，多參與歌曲的製作，新歌是以她的成長之路為主題，她說：「我對自己太大壓力，好多方面冇信心，覺得自己嘅信仰幫到我，唔知點發洩嘅時候就會祈禱，亦會搵其他嘢安慰，可能未必咁好，就係食嘢。」見Janice確實圓碌碌，她亦直認胖了一點。問到有否跟前老闆黎明聯絡？Janice說：「冇呀，知佢就嚟開騷，都想去睇，會搵佢攞飛，我都想佢聽吓我嘅新歌，見到都唔會尷尬。」更指妹妹衛詩現正在韓國錄音，5月便會有新作推出。採訪、攝影：羅慧敏
來源:
http://hk.apple.nextmedia.com/entertainment/art/20160319/19535771
發脹衛蘭唱黎明歌
1 :
GS(14)@2016-08-14 14:29:24衛蘭前晚在九展舉行音樂會，這是她加盟華納後首次開騷，當中翻唱了舊老闆黎明的《情深說話未曾講》，現場有男fans大叫：「我愛你！」衛蘭即回答：「愛你！」已經兩年沒開騷的她心情興奮：「好開心大家陪住我，我覺得音樂符號係充滿生命同色彩，可以安慰、有治療作用，希望大家聽我嘅歌都可以聽到唔同嘅色彩，感受到佢嘅生命。」衛蘭發脹了不少，問為何唱黎明的歌？她說：「想唱番啲大家熟悉嘅歌。」今次九展騷反應不俗，問會否考慮重返紅館開個唱？她說：「其實我都唔係太多機會開啲咁親民嘅騷，希望可以多啲機會啦。」採訪：羅慧敏攝影：陳慧安
來源:
http://hk.apple.nextmedia.com/entertainment/art/20160814/19735239
34歲衛蘭佩服老竇媾掂33歲女友
1 :
GS(14)@2016-09-27 07:14:46■衛蘭和衛詩前晚跟爸爸及其女友一起在亞博館欣賞EWF演唱會，十分融洽。
美國殿堂級組合Earth,Wind& Fire（EWF）前晚在亞洲博覽館開騷，吸引大批星級歌迷捧場，包括甄子丹與太太汪詩詩、袁偉豪、單立文、杜德偉、雷頌德等，許晉亨亦撐住枴杖低調入場。
EWF陪成長
現年34歲的衛蘭（Janice）和衛詩（Jill）帶爸爸一齊看騷，透露自小受父親感染，由EWF的歌陪伴成長。記者讚兩人的爸爸好後生，感覺似哥哥，身邊還拖着一位比女兒更年輕的女朋友，Janice說：「音樂令爸爸好young，佢而家仲有夾band彈結他，我諗佢唔會再婚，好佩服佢咁老都媾到……（指女友），我爸爸50幾歲……59歲啦，女友好似細我一年。」問相處如何？Janice表示不是與爸爸同住，但合照時大家似一家人，而Janice透露正忙於籌備巡唱，笑言已無時無刻進行減肥。另外，甄子丹透露剛由泰國拍戲返港，但今次不准太太帶子女探班，他說﹕「今次去偏遠地方，又餵蚊，唔想佢辛苦，我都曬到甩晒皮。」
■EWF在演唱會上高呼我愛你，全場氣氛熱烈。
■甄子丹剛由泰國拍戲返港，透露今次不准太太汪詩詩帶子女探班。
高呼「我愛你」
演唱會準時開場，EWF大唱《Jupiter》、《Let's Groove》等多首經典金曲，其間螢光幕不時播出EWF昔日片段及相片，主音Philip Bailey不但飆高音晒唱功，還邊彈拇指琴邊唱出《Kalimba Story》。首度來港開騷的EWF表示一切都好正：「雖然我們花了45年才來到這裏開騷，但希望大家有一個美好時光。」之後又叫用手機拍照的粉絲記得在twitter貼相分享。最後，EWF以《In The Stone》結束演唱會，並兩度高呼「我愛你」才離去。採訪：卓寶花攝影：陳俊強
來源:
http://hk.apple.nextmedia.com/entertainment/art/20160926/19781769
《勁爆》160個獎減至55唔夠分Gin Lee衛蘭平分女歌手獎
1 :
GS(14)@2016-12-24 10:42:36■李幸倪昨晚首奪勁爆女歌手金獎。
【新城勁爆頒獎禮2016】本年度首個樂壇頒獎禮《新城勁爆頒獎禮2016》，昨晚假會展舉行。隨着前高層朱明銳被退休，今年頒獎禮完全改頭換面，不但將每年12月26日頒獎日提前舉行，亦將過往一晚狂頒160個「豬肉獎」，縮減剩三份一，全晚只頒共55個獎項（主要獎項見附表），但入座率及現場氣氛皆一般。
■衛蘭將自己比喻為蝴蝶，曾有一段長時間困在繭內，等時機破繭而出。
■欣宜演唱《女神》時不禁灑淚，感謝歌迷不離不棄。
■連詩雅以一首《舊街角》贏得勁爆歌曲獎。
■劉德華雖然沒有出席，昨晚仍錄短片打氣。
華仔拍片撐
昨晚出席歌手名單，跟頒發的獎項一樣大幅削減，雖然找來天王劉德華拍短片，安排在開場前播，再找本地rapper MastaMic夥拍Big Sammy為頒獎禮打頭陣，但始終天王天后級歌手欠奉，英皇及太陽娛樂全線缺席，場面冷清。新城首個宣佈獎項是新城勁爆25周年音樂大獎，兩位得主陳奕迅及容祖兒都沒有出席，率先上台領取突破洪荒男、女歌手獎分別為陳柏宇及鄭欣宜。
張敬軒奪金
出席歌手買少見少，造就陳柏宇及Gin Lee成為大贏家，二人全晚輪流上台，連去年過檔華納、一年成績平平的衛蘭亦與Gin Lee看齊，雙雙奪勁爆女歌手金獎，張敬軒則奪勁爆男歌手金獎。相反，上年被各界力捧，新城亦頒年度新人王的吳業坤，幾乎坐冷板凳，坐足一晚只與衛詩、胡鴻鈞、糖妹等人拿了一個2017勁爆十二樂勢力的豬肉獎。太陽娛樂對於旗下歌手許志安、薛凱琪（Fiona）等全部缺席，高層黎先生否認杯葛，他說：「兩三星期前回覆檔期唔得，全部有工作在身，一直冇拖佢哋，安仔同Fiona都有工作，好多商演，純粹檔期問題，而劉浩龍就忙電影，其他方力申、鄧麗欣、J.Arie都冇歌，所以絕對唔係反面，我哋都支持新城，樂意合作。」而跟新城不和的英皇，發言人則表示：「冇回應。」採訪：王連連、曹家誠攝影：沈健程
新城勁爆頒獎禮2016部份得獎名單
【勁爆25周年音樂大獎】陳奕迅、容祖兒
陳柏宇
【勁爆男歌手】（金）：張敬軒（銀）：陳柏宇（銅）：許廷鏗
【勁爆女歌手】（金）：Gin Lee（銀）：衛蘭（銅）：JW【勁爆樂隊】（金）：Dear Jane（銀）：Supper Moment（銅）：RubberBand【勁爆組合】（金）：C AllStar（銀）：小塵埃（銅）：Super Girls【勁爆唱作人】
AGA、林奕匡【勁爆國語男歌手】方大同【勁爆國語女歌手】楊丞琳【勁爆國語歌曲】《一點點》林宥嘉【勁爆合唱歌曲】《獨一無二》Gin Lee、AGA
來源:
http://hk.apple.nextmedia.com/entertainment/art/20161223/19874147
衛蘭幸避過倫敦恐襲
1 :
GS(14)@2017-03-25 10:34:31衛詩昨日在新城擔任節目主持人，她找來家姐衛蘭及同一唱片公司的歌手Jude做訪問，兩姊妹感情很好，但衛詩覺得訪問家姐感覺有點奇怪，自己準備了一些輕鬆的問題，其中問到自己有否傷害過家姐，衛蘭說：「有，佢有試過激得我好嬲，嬲足一星期，?家嬲少啲1分鐘啦！」她們還自爆小時候曾經鬧交，甚至大打出手。另外，日前英國倫敦遭恐怖襲擊，以致多人死傷，而事發前一陣子，衛蘭和Jude曾在當地拍MV，衛蘭說：「聽到呢個消息好唔開心，遇意外嘅人好唔好彩。我哋有喺嗰條橋拍MV，幸好避過咗一劫。」採訪、攝影：王連連
來源:
http://hk.apple.nextmedia.com/entertainment/art/20170325/19969060
衛蘭怕嚇走追求者
1 :
GS(14)@2017-06-10 12:41:02衛蘭昨日到商台宣傳新歌《一格格》，並透露下月底推出EP：「都有一段時間冇出碟，多數放上網，我鍾意出碟多啲。」近日到內地登台的她，直言遇到很多欣賞的歌手及音樂：「之前去青島唱音樂節，好多band原來好有型，好indie。我好欣賞袁婭維，希望可以合作，將佢哋嘅音樂帶嚟香港。」早前衛蘭被妹妹衛詩爆有追求者，衛蘭昨說：「佢都有人追呀，（追求者）都OK嘅，識咗半年，仲係觀察中。有時都會單獨出街，又會互相text吓，佢係圈外人。」她自爆對方年紀較小，加上她愛保護自己：「都擔心自己太小心嚇怕佢，希望自己可以改進啦。」採訪、攝影：盧妹
來源:
http://hk.apple.nextmedia.com/entertainment/art/20170606/20045468
自封哈利電單車衛蘭感謝黎明：人有起落係好事
1 :
GS(14)@2017-06-16 01:47:49■Janice宣佈將於明年一月在紅館舉行個人演唱會。
【《蘋果》專訪】衛蘭（Janice）早前在網絡紅人King Jer舉辦的網上靚聲王投票中，擊敗容祖兒、陳奕迅及張敬軒等公認的靚聲王冠軍。早前她接受本報訪問，談到被封為靚聲王，她自言感到意外，Janice說：「真係好開心同埋有少少驚訝，全部都係我欣賞嘅歌手，我諗緊個投票嘅系統係咪有問題出現咗。」
■黎明當年一手一腳發掘出衛蘭加入樂壇。
■Janice被選為靚聲王，開心知道仍有人留意她的歌。
明年再踏紅館
Janice成為靚聲王後，專登拍片多謝King Jer之外，更宣佈明年一月會在紅館舉行演唱會，談到靚聲保養之道，她說：「平時都係飲室溫嘅水，唔好太熱，煎炸同辣嘅食物就盡量唔好開騷前食。」她表示聽過不少人指自己是樂壇嘅滄海遺珠，認為是件好事，因為起碼有人記得自己的存在，這次投票，亦代表不少樂迷網友沒有遺忘，她說：「呢次投票令我知道仲有人欣賞我唱歌。」
「唔係由佢控制」
對於有網友評論Janice是「成也黎明，敗也黎明」，她有不同看法：「Leon（黎明）佢真係好相信我，喺事業上幫我好多，我覺得有啲嘢，都唔係可以由佢控制。人有起落係好事嚟，提醒我仲可以喺呢個樂壇唱歌，係一種榮幸。」舊老闆黎明曾以「肥過電單車」來揶揄Janice，她笑笑口說：「真係唔介意，我初頭以為佢讚緊我，我覺得電單車幾型吖，所以?家我都係用呢個角度嚟睇。」Janice表示如果要用一款電單車來形容自己，她會用Harley-Davidson（哈利）來表達。採訪：倩宜攝影：仇志德髮型：Haysses Ip＠HAiR化妝：Samuel＠江中平化妝室服裝提供：5cm、Plotz場地提供：Maison ANT Nouveau啟斯藝術坊
來源:
http://hk.apple.nextmedia.com/entertainment/art/20170614/20054828
【帶挈親人】衛蘭孖衛詩簽華納
1 :
GS(14)@2017-06-25 11:26:55娛樂圈中有不少藝人憑自己的名氣，順便帶挈家人曝光，增加工作機會，助家人更快被人認識。
衛蘭、衛詩【拉攏簽約】
衛詩09年在日本被爆藏毒後，被唱片公司解除合約，星途盡毀，之後洗底勤返教會。家姐衛蘭前年加盟華納唱片公司時，成功拉攏妹妹一起簽約。
黃日華、黃芷晴【齊入港視】
黃日華帶女兒黃芷晴入行，12年一起簽約王維基旗下的香港電視，曾合作拍劇集《開腦儆探》，惜最後港視不獲政府發牌。
麥潔文、陳薔天【母女登台】
麥潔文與江華的女兒陳薔天唱歌有天份，且有意加入娛樂圈，麥潔文早年在外地登台時，曾邀女兒擔任表演嘉賓。
汪詩詩、湛琪清【結伴搵銀】
甄子丹早年成立電影公司，曾力捧太太汪詩詩的表妹湛琪清（右），汪詩詩亦經常帶表妹一起出席活動。
來源:
http://hk.apple.nextmedia.com/entertainment/art/20170625/20067631
Next Page