戴蘊慧35D最靚三點式萬綺雯43吋超長腿
1 :
GS(14)@2017-06-16 01:47:45李蕙敏（Amanda）復出喇！46歲嘅Amanda早前收身成功，着住比堅尼拍MV都仲係咁索。「呢個世界只有懶嘅女人，冇唔靚嘅女士」呢個金科玉律，唔係得個吹字，真係有好多實證。好似今年47歲嘅至索嫲嫲戴蘊慧，14年抱孫，估唔到同一年，佢影咗人生第一輯比堅尼相，35D上圍，25吋腰，拍得住好多少女。佢當時講過為咗keep住身材，要成日跑步、唔食煙唔酗酒、早睡早起，真係好俾足心機。溫碧霞上年已經「入五」，但千祈咪睇小呢位一代性感美女，因為佢無論係文青打扮，定盛裝出席各項大少活動，都一樣咁搶眼。早幾個月佢出席「第十一屆亞洲電影大獎」，佢着住一件大露背長裙，就被指疑似飛釘透底。亞姐出身、曾經喺亞洲力捧花旦之一嘅萬綺雯，最出名係擁有一對超長美腿，佢曾經喺節目度過有幾長……係43吋呀！不過萬綺雯喺好少晒社交網站晒腿，反而劇集入面就有唔少呢騷腳嘅造型。39歲嘅黎淑賢，都係前亞姐，亦係四子之母。不過成為人母，依然可以好索，佢除咗承認有打boxto、做埋線條之外，都好勤力做運動。成績係點？佢以行動講你知，早幾日佢喺沙灘開工，着住三點式大汗淋漓盡影相，狀態相當唔錯。
來源:
http://hk.apple.nextmedia.com/entertainment/art/20170614/20055765