|
||||||
|
五月去新加坡睇 過新航國際賽後，收到日本輕種馬協會（Japan Bloodhorse Breeders' Association簡稱JBBA）嘅邀請，出席七月十八、十九連續兩日在北海道舉行嘅優選一歲馬拍賣會。三幾年前，JBBA已來港推銷日本培育嘅新 馬，但係日本人講唔掂英文，香港馬圈人士講唔掂日文，溝通困難，兼且香港嘅澳洲幫、南非幫喜歡返祖家買馬，本地幫覺得日本人生路不熟，唔似得澳紐方面早有 聯繫，故此JBBA失望而回，以後就只係間中向馬主協會會員發出邀請，馬主協會曾經組團去日本考察過。前兩年有一位移民澳洲嘅日本女士Satomi（里 美）比較積極咁代表JBBA來港活動，左丁山得與她相識，在馬場見過幾次面，之後就不斷接到北海道買馬嘅邀請信。 日圓現時處於高位，一百港元只兌得一千日圓，係歷史新高，到日本旅行，已經牙痛咁聲，何況買馬？但回心一諗，澳元、紐元何嘗不是屢創新高，如果要計匯水，到英國、愛爾蘭買馬就最啱，或者買美國馬吖，港元攬住美元一齊跌，冇賺冇蝕噃。 香港馬主唔買日本馬，睇落係與言語及生疏有關，左丁山心思思想去日本見識吓種馬，適逢肥仔K有假期，於是搵埋佢一齊去北海道，事先向日本輕種馬協會聲明，此行旨在探討，考察日本種馬事業，未有買周歲馬嘅打算，彼方話照樣歡迎，於是買機票上機，直飛北海道札幌。 七 月十七日，飛咗五小時之後，到達新千歲機場，此機場國際航線地段，航班甚少，唔駛排隊就過咗移民關卡，攞完行李過海關，關員要我地打開手提行李檢查，見到 「北海道優選拍賣會」本官方指南，關員立即話聲歡迎，唔再檢查，可以行得。出到入境大堂，里美小姐已在等候，招呼我倆出外上七人車。日本種馬協會業務部國 際課課長柳美和廣獸醫師做司機，同車者還有一位新加坡裔馬來西亞練馬師P，直奔拍賣會所在地Shizunai（靜內），位於北海道南岸，與港人熟悉嘅函館 隔海相對。 |
||||||
3樓提及嗰場好易中
派錢....
借馬會過橋?
馬會會唔會就咁算??
4樓提及3樓提及嗰場好易中
派錢....
借馬會過橋?
馬會會唔會就咁算??