內地打貪 澳門止步 港八賭船爆海戰搶客
1 :
GS(14)@2013-07-17 01:13:14http://www.sharpdaily.hk/article/news/20130715/212611
一艘賭船每日營業額驚人，偌大金礦惹來黑幫垂涎，由於在船上焗賭，不少自由行客被「斬到一頸血」，眼見船上治安惡化，警方也不敢怠慢加強打擊。
撰文：高捷、任敬輝
攝影：金文
內地近幾年嚴禁公務員和國企高層出境賭博，並且不斷收緊赴澳門自由行的措施，近日更盛傳要入境人士申報所攜現金數目。連番打擊後，香港賭船已成內地賭客避風塘。根據入境處數字，2011年上賭船的內地客人次為46.6萬多，比2010年增加17.4﹪，至今年首三個月人次就達10.5萬多，比去年同期增加7.4﹪。
。
報稱來港消費 高官上船豪賭
香港賭船售票代理阿娥更向《爽報》透露，她不少客人都是內地高官和國企高層，指他們原本在澳門賭場耍樂，為掩人耳目，近年轉到本港賭船博殺，「舊年開始，公務員都唔准去澳門賭場啦，習近平上場之後，氣氛仲緊張，我有個客，喺中國工商銀行做貸款部經理，一樣唔畀去澳門，於是乎轉嚟香港。佢話上香港賭船過關唔需要另外扱印，放低護照就行得」。阿娥說，這些貪官都報稱來香港正常消費，避過上級追查。
由於賭船業近年好景，上月29日，又有一新船「金都會」首航並到處搶客，綽號「刀文龍」的船主下午已邀請賭界好友上船耍樂，乳豬、海鮮放滿尖沙嘴公眾碼頭一角。刀文龍本來已有「大都會」、「名都會」兩艘賭船，但近年被其他賭船搶去不少客人，於是數月前買下本屬旅遊性質的郵輪「東方神龍」，易名「金都會」加入香港賭船迎戰。其他競爭對手包括集美郵輪、澳門實德郵輪、中華之星、雙魚星號及寶瓶星號。
內地打貪，觸發香港賭船爭霸戰。
尖沙嘴公眾碼頭淪為「賭船碼頭」，傍晚聚滿叠碼仔及賭客。
船票連泥碼吸客 被踢爆搵笨
尖沙嘴公眾碼頭是各賭船接駁船的上船點，卡片黨一向重兵駐守附近街道，向途人攔路兜售船票連泥碼的套票，然後安排客人在碼頭乘駁艇上賭船。「有新船試航喎，金都會大船嚟㗎，買5,000蚊泥碼就可以上船，抵玩呀。」代理一邊向途人展示相片，一邊落嘴頭。
正在派卡片的霞姐，坦言是因為在船上輸錢，才走出來派傳單幫手填數，目前大約有7,500元月薪。她指賭客幫襯她上船需要300元房租錢，但買幾千元泥碼上船就有免費住宿及三餐，她還教記者如何搵着數，「你用泥碼上船分別買莊閒，換番現金碼，就點都唔使輸，最多蝕幾十蚊水腳，但就有免費食宿」。
一行10人來自廣州的旅客，卻踢爆霞姐的說法是搵笨，他們上船後，被職員禁止同時分別落注買莊閒，結果輸了錢。「我哋喺廣州經朋友介紹嚟香港上船，以為買咗幾千蚊泥碼，就有免費住宿，點知換嚟一肚冤屈氣，連相機都俾人偷埋」。
「金都會」首航當日，一批西九龍反黑組探員正暗中監視，待遊客晚上8時乘駁艇抵達賭船，探員就登船查牌。「班黑幫為咗爭客，經常大打出手，佢哋恃住喺公海做生意，亂咁嚟以為冇王管，但如果個個星期有差人嚟查牌，煩住佢哋，睇吓仲可以有幾囂張？」一名反黑警官說。
立法會旅遊界議員姚思榮表示，賭船帶來不少社會問題，包括賭風加劇、衍生家庭問題、引發黑幫火拼，威脅本港治安，當局須嚴肅處理，「賭船駛到『冇王管』嘅公海活動，執法上係有一定困難，有灰色地帶，但駛埋岸，如果涉及違法活動，執法部門就要加緊調查，唔可以出現無法無天嘅局面」。立法會保安事務委員會委員謝偉俊認為，政府須加強宣傳，教育沉迷郵輪上賭局所蒙受的禍害，以免賭風在本港年青一代蔓延，「而家賭客主要係內地人，佢哋好清楚風險，加上涉及內地機關，處理有難度，反而賭船熱潮對本港年輕人嘅影響更令人擔心，佢哋心智未成熟，容易俾人蒙騙，染賭癮，不能自拔」。
2 :
passport(1491)@2013-07-17 01:28:15兩個人…一邊莊一邊閒唔得咩？
3 :
hh0610(1603)@2013-07-17 05:14:29賭股?!
4 :
Sunny^_^(11601)@2013-07-17 07:32:58賭錢好大機會輸突比莊家
唔使錢有野食,邊有咁筍既野
5 :
味皇(1196)@2013-07-17 16:32:34大陸官係少左D,但有電話投注同賭外圍呢樣野,反正賭場會包庇,我地亦不能舉報
而且有仲外國官,好似我上星期做過據說係菲律賓前總統的兒子同一些國會議員
6 :
ng caddy(36072)@2013-07-17 17:12:13賭船股..有沒有?
7 :
ng caddy(36072)@2013-07-17 17:14:145樓提及
大陸官係少左D,但有電話投注同賭外圍呢樣野,反正賭場會包庇,我地亦不能舉報
而且有仲外國官,好似我上星期做過據說係菲律賓前總統的兒子同一些國會議員
,賭是中國人惡劣行為....除非將澳門/其他賭船整死...
8 :
ng caddy(36072)@2013-07-17 17:26:23內地打貪,都是呃人,多年前已是這樣,一般不大不細官員,身家億元-50/60身家,涉及工程/影響社會是千-萬億計,好似溫家保的老婆等人,可能已是過百億身家,而且官員愛買樓/金,這些是會升值,如果睹輸,可以再貪,長貪長有,
9 :
ng caddy(36072)@2013-07-17 17:30:32而且最重要是官員樓/地,都幾多,中國樓市問題恐怕是官員做出來,重有好多害人貪污,做百姓,只好被人玩/為奴...
10 :
GS(14)@2013-07-17 23:39:146樓提及
賭船股..有沒有?
234
11 :
GS(14)@2013-07-17 23:39:299樓提及
而且最重要是官員樓/地,都幾多,中國樓市問題恐怕是官員做出來,重有好多害人貪污,做百姓,只好被人玩/為奴...
唔好講到咁黑好唔好