ZKIZ Archives


中環在線:蔡老闆解畫「20旺旺」年有段故 李華華

2011-3-9  AD





 

台灣米餅大王蔡 衍明(圖),上年為亞視單嘢同查懋聲撐到「行」,一句冇乜香港人聽得明嘅「炸能狗狗」(閩南話「吃人夠夠」,即係欺人太甚),令佢紅遍全港。不過呢排佢又 變番低調,始終亞視股權糾紛已經擺咗上法庭解決,蔡老闆似乎叠埋心水,唔再俾香港人呃,返台灣搞吓佢盤生意好過。

噚日蔡老闆隻中國旺旺 (151)公佈業績,表現唔算理想,始終o依家全世界都講緊通脹,原材料價係咁升,今年生意都係難做。不過,蔡老闆似乎非常睇好今年嘅表現,點解?蔡老闆 喺通告嘅「2011年展望」中就咁解釋,佢話由於「2011」嘅英文讀音(two-O-one-one),好似「20旺旺」,所以公司內部都決定將 「2011」年叫做「20旺旺」年!

就係因為咁,所以對「20旺旺」年特別充滿希望同信心。華華覺得,若蔡老闆退休唔做生意,可改行去測字睇風水,相信佢好有呢方面天份。

 


PermaLink: https://articles.zkiz.com/?id=23113

童童升呢做紋身師傅面上直線有段故

1 : GS(14)@2017-04-13 00:23:59

竇靖童一向形象前衛,喜歡中性打扮,但就遺傳天后王菲和竇唯嘅音樂天份,近年專心唱歌事業,日前更憑主唱電影《七月與安生》主題曲《(It's Not A Crime) It's Just What We Do》角逐金像獎「最佳原創電影歌曲」,雖然最終落敗,但童童完全唔介意,話只係一心諗住學吓嘢。童童興趣都幾廣泛,昨日佢就喺instagram上載一條幫人紋身嘅片段,見佢戴晒手套,拿起工具幫一名全身都有紋身嘅男人(應該係)紋身,童童似乎係初學者,戴住眼鏡同黑色膠手套,紋嘅圖案唔算大,見童童對準幾次先落到手,個樣好認真。唔少網友留言大讚童童好厲害,仲話願意俾童童用嚟練習。講起童童嘅紋身,其實佢由18歲剛成年開始已經有第一個紋身,之後喺前臂、肩膀位置都有紋身。而去年更喺臉上紋上一條黑線,由下唇畫到頸,被網友稱為「死亡風」紋身。原來呢個紋身背後有一個感人原因,童童透露因為妹妹李嫣(王菲與李亞鵬所生嘅小女兒)出生時患有先天性唇腭裂(俗稱兔唇),為咗鼓勵臉上有缺憾而感到自卑嘅小朋友要勇氣面對,所以佢專登喺臉上紋咗條直線,真係一位好窩心嘅姐姐。




來源: http://hk.apple.nextmedia.com/entertainment/art/20170412/19988269
PermaLink: https://articles.zkiz.com/?id=330272

【情與義】畢菲特3億美金救按揭公司 原來有段故...

1 : GS(14)@2017-06-25 09:30:07

彭博報道,股神畢菲特旗下巴郡斥資4億加元(折合3億美元、約23.4億港元)入股一間加拿大的按揭信貸公司Home Capital,並提供20億加元、年息9厘的信貸額度。這次的投資舉動,全因為一封來自「老朋友」的電郵?一位加拿大蒙特利爾銀行BMO資本市場分部的董事會成員約翰遜向畢菲特發送電郵,介紹Home Capital這次投資機會,更加附上兩人23年前的合照,喚起畢菲特與他昔日情誼。最後畢菲特亦願意以很大折讓,購買38%的Home Capital股權,並為其提供額外20億加元的信貸額度。
Home Capital近期陷入財政不穩,源自監管機構對其按揭詐騙的指控,使到股價大跌,加速存款外流,而約翰遜的蒙特利爾銀行就為Home Capital提供這次畢菲特注資的融資方案。睇完呢個故事,莫非股神真係會為一張相救老友?畢菲特貴為股神,當然每單刁都諗過度過,相信Home Capital真的有投資價值,才是股神入股的原因。



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170624/20066885
PermaLink: https://articles.zkiz.com/?id=336732

【文化籽】無端發達 李可染巨幅歸宿有段故

1 : GS(14)@2017-10-09 03:25:10

李可染六呎巨幅山水《千巖競秀萬壑爭流》,原是香港著名收藏家楊永德舊藏,黃貴權醫生27年前建議友人用110萬買下,如今是蘇富比中國書畫部歷來估價最高拍品,市場估價過億。



【文化籽:詠物誌】萬般帶不走,但咏物可言志。數天下不知幾多藝術品,創作想法、流傳經歷以至前世今生,可遠觀更可窺聽。最近看到李可染一幅六呎巨幅山水佳構《千巖競秀萬壑爭流》真身,同時又讓我索到它背後一則無端發達的過癮事。



《千巖競秀萬壑爭流》是李可染盛年的山水代表作,也是蘇富比中國書畫部歷來估價最高的拍品,起標7,800萬港元,收藏界估計過億落槌。待會才由專家解畫作品勁在哪裏,最近和收藏家兼著名攝影師黃貴權醫生閒聊,就聽到畫作歸宿的前世今生。1989年東西德統一,翌年黃醫生一位居港的德國友人想回老家,臨走前希望用手頭200萬閒錢買些中國藝術品作個紀念,知道黃醫生收藏有心得於是請他指點迷津。適逢黃醫生在拍賣會看到一幅楊永德舊藏的六呎李可染山水畫讚嘆不已,就建議德國老友分散投資,100萬左右買下這佳作,餘錢再配兩張林風眠。結果?結果就係有人好似低位扑中騰訊股票咁,再一次驗證識字不如識人,識人又不如識到貴人。問眼光獨到的黃醫生有無恨自己無買?豁達的他淡然一句:「無。好開心教到人去買好嘢㖭,不過現在是賣家主導市場,好難再淘到寶了。」他肯定見到我眼神一陣失落。


六呎整紙創作少 27年沒公開過

蘇富比中國書畫部主管張超群替我安排私人導賞時解畫,李可染創作態度極嚴謹,歷來傳世山水作品很少,六呎整紙的創作更少,而他能於盛年寫出如此精品,也與環境與世道有關。李可染在1978年寫此作,當時文革十年動亂已過,政局穩定,對外文化交流漸次恢復。當時榮寶齋與日本西武百貨店洽商,得中國文化部對外文化司批核,確定於1979年底在東京舉辦大型藝術推廣活動,以賀中華人民共和國成立三十周年,由榮寶齋負責人及專家、畫家代表,以及文化部工作人員組成的12人代表團赴日參加。時任該團秘書長的米景揚就曾撰文回憶,「具有三百年歷史的文化老店榮寶齋首次在海外的展覽,得到文化部的支持……引起了中日文化界的廣泛矚目。」故是次展覽遴選的35個最能代表當時中國畫創作水平的藝術家作品參展,響朵之作水平定必有番咁上下。張超群亦提到李可染在畫上提上《世說新語》晉人顧愷之回答客人的問題,「兩者有種時空交錯的感覺,把畫家在山陰道上的第一身體驗與文學意像結合,展現筆下。」這張畫於1979送到日本榮寶齋是第一次面世,當然即刻被藏家搶藏了;第二次出現是上世紀80年代後期在中大文物館的展覽;第三次是1990年11月在香港一場大型拍賣會上,就是黃醫生友人執到寶的那次,迄今整整27年從來沒再公開過。食幾多着幾多整定。你信不信?最近和文青朋友拯救舊書,朋友就無意中在書堆中執到一張趙少昂和一張高劍父小品,這些天降橫財故事我日日聽,失諸交臂的憾事亦眼見無數,下回再講。



撰文:鄭天儀 攝影:張志孟、徐振國編輯:施明慧




來源: http://hk.apple.nextmedia.com/su ... t/20170930/20168115
PermaLink: https://articles.zkiz.com/?id=342187

Next Page

ZKIZ Archives @ 2019