ZKIZ Archives


中環在線:梁錦松叫執平貨郭樹清便宜莫貪 李華華

2008-09-29  AppleDaily


上 個禮拜同老婆伏明霞返四川考察嘅前財爺梁錦松,周末以黑石(Blackstone)大中華區董事長身份去咗天津,出席2008天津夏季達沃斯論壇。梁錦松 話,對於包括中投(中國投資有限責任公司)在內嘅全世界主權財富基金嚟講,o依家係百年一遇嘅投資機會,因為好多國外資產,價錢比較低,而且仲有可能繼續 跌,所以應該投資喺有戰略意義嘅資產上。

長揸投資好時機

佢話到明唔係叫大家去摸底,只係如果作為長揸嘅資產,咁o依家係一個 投資好時機,對中國嚟講亦係一個好機會。問題係,梁錦松究竟信唔信得過?事關中投投資黑石損手嗰次,梁錦松被千夫所指。問到中投投資黑石損手,佢有冇從中 吸取教訓,梁錦松話:「我不是中投的參謀,但是中投我有好多朋友。」佢仲話,中投係國家成立嘅一個對外投資公司,作為一個長期投資者,資金量好大,佢唔可 能好似散戶咁日日計算蝕咗幾多,因為你都唔可能每日喺股市買進賣出。呢一邊,梁錦松話家陣係執平貨時機,另一邊國務院國資委主任李榮融亦呼籲國企趁經濟危 機收購歐美企業。佢喺江西江銅集團考察時話,家陣歐美經濟不景氣,加上人民幣升值,國企應大量走出去收購歐美的優秀企業。不過買嘢還買嘢,最重要係防範法 律風險,何況之前啲國企「走出去」配置全球資源,一直都面對西方跨國公司巨大壓力,仲要面對唔發達國家嘅法制唔健全同政局動盪嘅風險。

收購歐美企業涉風險

有 人伺機入市撈貨,亦有人話便宜莫貪,建行(939)董事長郭樹清就話:「(海外的)資產不知道質量如何,如果看着便宜就去買了,但買了之後還要進一步減 值,那就不便宜了。」大企業併購投資唔係講兒戲,去馬之前就梗係計清楚先啦!李華華[email protected]
PermaLink: https://articles.zkiz.com/?id=2408

中環在線:梁錦松「賺錢咪靠拉關係」 李華華

2009-04-27 AppleDaily






 

上 個禮拜紐約有個「亞洲領導精英」午餐會,好耐冇見嘅特區前財爺梁錦松有份演講,佢家陣係黑石(The Blackstone)大中華區主席,自然有唔少人想聽佢講內地發展。中國向全球第二大經濟體系方向發展,先要幫內地公司成長,包括投資金融服務公司,所 以阿松對《21世紀經濟報道》話,中國私募基金呢行「好大發展」,但佢提醒行內咪只係靠拉攏關係賺錢,應該做多啲為公司增值嘅事。被問到呢行未來5年會發 展成點?佢就學當年毛澤東答基辛格對法國大革命嘅睇法時話:「o依家時間太短,唔可以畀評價。」

家陣冇嘢可取代美金

對於人民幣幾時成為全球儲備貨幣,阿松話中短期內唔使諗,冇嘢可以取代到美金,因為人民幣仲未有好多投資工具,o依家只可以獨沽一味買美國國債,相信要好長時間,等中國為人民幣發展多啲海外投資工具,令人仔喺全球經濟嘅比重上升。



PermaLink: https://articles.zkiz.com/?id=7656

中環在線:梁錦松、葉澍堃坐鎮安迪蘇 李華華


2010-11-04  AD




 

已經開始咗上市 前推介嘅藍星安迪蘇,除咗有作為全球第二大蛋氨酸生產商呢個賣點之外,原來仲有一個selling point,就係董事會有兩個猛人坐鎮。第一個係前財政司司長梁錦松,第二個就係香港經濟發展及勞工局前局長葉澍堃,佢哋兩個都係做獨立非執行董事,都係 啱啱加盟。

兩人老友鬼鬼

梁錦松去做安迪蘇獨董華華一啲都唔意外,因為百仕通(Blackstone)喺上市前間接揸住安迪蘇20%股份,咁梁生假假哋都係百仕通嘅大中華地區主席兼高級董事,入board坐吓都無可厚非,但葉生又入board,華華就覺得好奇怪。

有老友同華華講,查實佢兩個一向老友鬼鬼,大家又鍾意飲飲食食,咁梁生叫埋老友入嚟坐吓,又有幾咁奇呢!

咁呢檔嘢第時會唔會變成退休高官俱樂部,大家就真係要走着瞧喇!

李華華


PermaLink: https://articles.zkiz.com/?id=19051

中環在線:馬時亨、梁錦松公開互揼 李華華

2010-11-17  AD





 

「肥馬」馬時亨 同「阿松」梁錦松兩個前高官兼同學仔公開互揼?係揼,之不過係揼骨!

萬威(167)喺國金一期嘅Oregon Scientific旗艦店噚日開幕,老闆陳煒文請嚟老友肥馬、阿松、「洗手之后」董太、「豪嫂」廖碧兒同王䓪鳴剪綵。點解陳老闆咁把炮請得到兩位前高官 撐場?聽老闆娘講,陳生同兩位係朋友,同埋兩位係佢哋大客仔咁話……

肥馬噚日異常風騷,主人家都未到,肥馬同阿松晨早已經現身,滿場飛請纓 做咗半個東道主,向大家喪Sell啲產品,仲拉埋阿松做示範,佢就坐喺按摩椅上,阿松就用個按摩槌幫佢揼骨,肥馬話前財爺為人民服務,其實係想練好揼骨技 術,夜晚服侍老婆伏明霞喎!

李華華


PermaLink: https://articles.zkiz.com/?id=19373

總壇猛人抵港惹分工揣測梁錦松:黑石亞洲我睇晒 李華華


2010-12-22  AD




 

花旗私募基金黑 石集團(Blackstone)有我哋嘅前財爺梁錦松坐鎮,做香港主席係人都知,但實際上阿松負責啲咩,原來大家好似唔係好知喎!尤其係黑石總壇嗰邊,將 會調佢哋駐紐約嘅高層Michael Chae嚟香港,負責亞洲私人股本業務,大家更關注阿松同Michael點樣「分工」!

噚日阿松現身撐中國動物保健品(940)掛牌,當然畀大家追問呢個問題,阿松係咁講嘅:「Michael係我哋黑石集團合夥人之一,佢會負責亞洲個私募股權基金業務,咁我負責呢個區嘅業務,大家係唔同嘅……」

Michael專睇亞洲私募

咁有幾唔同呀?「因為黑石集團喺香港除咗私募基金,仲有其他業務,包括房地產、財務顧問、對冲基金、市場推廣,同埋第三方嘅基金籌款等等……我睇嘅業務範圍係所有業務!」明晒。即係成個亞洲佢睇晒,唔知係咪仲睇埋Michael呢?

查實大家關心阿松先問唧,事關呢個Michael實在猛料,42歲嘅佢係哈佛高材生,1997年已經入咗黑石,有黑石「最卓越領導人之一」嘅美譽,威水史一大籮,阿松哥呢,除咗伏明霞、小母牛同偷步買凌志,sorry,真係recall唔到,佢究竟有咩輝煌戰績!

李華華

[email protected]


PermaLink: https://articles.zkiz.com/?id=20607

專訪特首跑馬仔梁錦松:佔中係大轉機

2014-11-06  NM  
 

 

有人辭官歸故里,有人漏夜趕科場,有人辭完官又再想趕科場。這些年高官劏房囤地不用避嫌,特首秘收五千萬報酬不用申報,民意跌至新低,今年7.1五十萬人上街、過萬人佔中超過一個月……無人問責,賴死不走,完美示範「人無恥便無敵」的精神。這時候,有人開始懷念舊人。○三年因偷步買車而下台的前財政司長梁錦松,最近忽然成為下一屆特首的大熱人選。去年底幾場政界飯局,加上好友馬時亨積極「馬拉松」,阿松參選的傳聞甚囂塵上。上月中,前特首董建華組成民間智庫,找來梁錦松做顧問,被解讀是為對方造勢,立時成為特首黑馬。本刊記者與梁錦松進行專訪,今年六十有二的他,形象是個好爸爸、好丈夫;棱角磨掉,囂張性格亦變得圓滑。對於參選,他從不閂閘,把波交給上帝,「上帝有最好安排,佢俾我機會,我只能接受。」講到佔中,他說:「係大轉機……唔好讓一個咁好嘅事,浪費咗佢。」留後路、講民意,係比現任特首梁振英高一皮。

「松哥!松哥!握吓手!沾番啲財氣先!」上週日,國際扶貧組織小母牛在大埔大尾督舉行慈善競步賽,由巴士站行入船灣淡水湖的一段五分鐘路程,猶如落區的阿松多次停下,迎面而來的市民熱情非常,又要握手又要影相。「松哥我哋支持你,企出嚟帶領香港!」梁錦松淡淡然,繼續笑笑口:「香港人其實好可愛,好理性,好和平。」十年前的「杜松」變成今日的「松哥」,香港人其實也很善忘。

論佔中「係大轉機」

○三年阿松因偷步買車下台,當時區區十九萬元,今日看來「罪行甚輕」,最重要是,當時他順了民意落了台。到今日,香港人以佔領表達民意,佔中發展了一個月仍未完結;梁錦松對佔中的睇法,意外地並不「官腔」。他向記者說:「我諗(學生)要多啲思考呢件事,你的目的,你想達到的後果,應採取咩手法,所謂有理有利有節。我嗰日先同朋友講,唔好讓一個咁好的事件,浪費咗佢,我希望事件能夠盡快解決。之後各方面要思考問題出喺邊度,點避免事情發生,在處理上雙方的策略啱唔啱,係好多嘢學。」作為一女兩子的父親,他說小朋友年紀尚小,未明白佔中,「有時都問點解會阻住佢返學,我都話凡事睇兩面,要理解人哋角度,唔能夠淨係諗自己嗰邊。」他認為現在社會活動,將香港嚴重撕裂,「但從另一角度睇,又可能係好事喎。好多人好心痛,可能係大轉機前的好狀態。因為當社會差唔多每一個人,甚至北京都有人覺得,以往咁嘅做法可能不能繼續落去,要諗吓點變,可能準備到以後有大轉變,而社會亦會接受大轉變,從呢個角度係好事。」

論參選「等神感召」

梁錦松出任國際小母牛香港分會主席十年,不時和家人身體力行,到山區體驗農民生活,最引以自豪的,是成功將善款暴增二十多倍,至今日的四千萬元。不過荏苒十年,他似有所暗示,「我以前成日都講,一個人响一個位做得太長,到咁上下江郎才盡,有冇考慮做其他嘢呢?」去年底,一向低調的梁錦松,被揭出席政界飯局,又開始接受不同傳媒訪問,被指為參選下屆特首選舉鋪路,上月加入全國政協副主席兼前特首董建華的「團結香港基金會」,成為智庫顧問,參選一事甚囂塵上。阿松最初以「傳媒太好想像力同創意」否認,後來說「無計劃」參選,今次訪問再「行前一步」,擺上帝上枱,「上帝有最好的安排,佢俾我的機會,我只能接受,所以真心盼望有好多嘢做……但呢件事的可能性係……因為上帝你唔能夠話佢無(可能),但極低啦。我六十二年人生裡面,好多轉變你諗都諗唔到,就發生咗。」與十年前相比,離開政府又信主的阿松,變得謹慎而圓滑,不似心高氣傲的葉劉淑儀把參選說到口邊。「上帝論」進可攻退可守,給自己留一個下台階,亦不完全閂閘,有空間繼續讓傳聞發酵,訪問中他繼續笑說:「天大地大幾大空間呀,你話上帝創造成個宇宙,你話大唔大空間?」梁錦松自言是個停不下的人,○三年下台,到○五年當上小母牛主席,做到今日,「我已同朋友講咗、同太太講咗,我唔打算退休,因為我退過休,好悶。」因為怕悶,之後再做工商銀行(1398)獨立董事和美國私募基金黑石的大中華區主席,現職南豐集團行政總裁,「做番嘢好開心,香港係好多機會的地方,從來無諗過無嘢做。」

論政界「老董係我老領導」

梁錦松處處露口風,再加上他與政商界的關係,「特首黑馬」自然被睇高一線。去年他與曾鈺成最少三次出席政界人士的飯局,傳聞政協常委戴德豐、政協委員紀文鳳、前政務司司長唐英年、前律政司司長梁愛詩、前金管局總裁任志剛、行政會議成員羅范椒芬等人,都有出席。梁錦松承認設過飯局,「有飯局,十幾個人,係傾普選o架嘛。呢班人間中都聚吓,為咗香港可以往前走,我哋真心覺得應該。」一二年曾獲梁錦松站台的唐英年,飯局後亦「禮尚往來」,開腔大讚梁能幹及有心服務社會,鼓勵對方參選。同為「特首黑馬」的曾鈺成,則形容梁是「叻人」、「有心人」,若出來選都是好事。對於曾鈺成,梁錦松直言很敬佩他,「佢係我師兄,佢讀書叻我好多好多,佢係好有立場,非常之友善,佢係好聰明,同佢傾偈好多得着。」但要數梁錦松最大後盾,不得不提董建華。眾所周知,梁與董淵源甚深,七一年,梁被選中參加董建華父親董浩雲創辦的海上學府,整個學期乘坐海上學府郵輪遨遊四海。○一年,梁在董建華提攜下,出任財政司司長,他形容董建華是真心為香港,「佢無私心的,佢淨係諗點可以幫到國家,幫到香港發展。我對佢極之敬佩,同埋佢係好支持啲下屬嘅。唯一係佢勤力過我,佢有時忍到好緊要,諗我差唔多起身先打俾我傾公事。」即使是離開政府之後,二人不時聯絡商討香港發展。上月董建華成立民間智庫,邀請梁做顧問,梁直言「無得say no」。那如果董生叫你做特首呢?「呢啲假設性問題,我覺得唔需要答,我諗亦都唔會發生,哈哈哈,你問阿董生啦。」

論家庭「最大顧慮」

梁錦松的諸多顧忌,其實不難理解。這幾年「黑材料」經常從天而降,江湖傳聞曾鈺成、金管局總裁陳德霖,亦被威脅要揭黑材料,嚇得不敢參選。梁錦松承認這也是他所憂,「我好擔心會有人喺度,可能種種原因,唔知做啲乜嘢啦,所以千祈唔好炒作……(擔唔擔心自己?)我實會……就算而家我話無計劃(參選),我諗都有好多人做緊古仔o架啦!(點應對?)我唔選咪無事囉,係嘛?哈哈!」梁錦松的最大顧慮,是家人。訪問中被打斷三數次,有時是大仔皓嘉不耐煩要回家,有時是細仔家瑋叫肚餓,老來得子的梁錦松不忍發脾氣,看見他們就忍不住笑,「大仔個樣最似阿媽,身材似足我成條藤。」自與跳水皇后伏明霞結婚、誕下三個仔女後,曾經緋聞多多的梁錦松,成功打造一個好丈夫、好爸爸的形象。對於參選,他直言伏明霞不肯放人,「佢話為咗屋企,你最好唔好去啦。」他解釋,從政最大的代價,不是男人付,而是家人付,「無晒自由,細蚊仔出入都有安全問題,太太唔可以出去同女朋友飲茶食飯。每日見到自己男人喺出面被攻擊,造謠、抹黑,屋企人咩都做唔到,只能默默承受。」他又聽過前政府同事的仔女被取笑,「响學校聽到同學仔嗌佢哋花名,話佢哋爸爸係乜乜,即係好多花名,好難受。」所以他說很同情梁振英,「我好同情o架,我覺得佢好努力。佢屋企我覺得傳媒唔應該去做咩新聞,因為屋企有屋企的事,希望傳媒朋友能夠體諒吓佢。」說到家庭,梁錦松會較「放」,尤其說到和太太伏明霞的相處和矛盾:「你話兩公婆完全無矛盾就假嘅,佢成日話我:『你唔話俾我聽呢樣,又唔話我聽嗰樣。』好多嘢我last minute先話要同邊個食飯,有啲嘢我做咗,又無話佢聽。咁我話:『我忙吖嘛』,佢會話忙係藉口咩?你要話俾我聽吖嘛。佢好處係隔一陣就唔嬲,我諗佢性格好直,我哋有共同信仰(同為基督徒)係好好。」

評價自己「唔夠圓滑有做錯」

下台十年,回望過去,梁錦松承認,沒有申報買車是錯,但下台是恩[!8FF5],「有啲人用英文講嗰件事係『blessing in disguise』,即係隱晦的好事,我話係『blessing, full stop』,淨係恩賜。」○二、○三年,政府財赤六百多億元,梁錦松在財政預算案中手起刀落,要十八萬公務員減薪、減綜援,又加稅。最難聽的是,他形容香港人「有咁耐風流,有咁耐折墮」,結果得罪全港市民,被罵要「杜松」,「因為以前信心滿滿,以為為香港做到好事就得,有時唔係好理人哋感受。」換了今天,他說可以做得圓滑一些,「多啲時間傾,效果可能會好啲。當時要減公務員人工、減人手呀,其實經濟上嚟講完全啱o架,但就得罪好多人,咁係咪要做得咁急呢?件事可以做得圓滑啲。」加入政府前,梁錦松在商界打滾四十年,在投行摩根大通位至亞洲區主席,落台後繼續投身商界。商界中人形容,梁最叻炒匯,但不是管理高手。○七年梁加入黑石,代表作是拉攏中國投資公司,以二百多億入股黑石不多於一成股權。但黑石上市後,遇上金融海嘯,股價由三十美元一直插水至最低四美元,中投一度損手過億港元,被內地投資者大罵他倒錢落海,但他不以為然,「市場永遠都係預測唔到o架啦,如果每日都預測到,呢個世界無窮人。」今年黑石股價才重返家鄉,加上派息,中投不至蝕錢,「當年中投同黑石簽咗戰略備忘錄,黑石為中投提供技術協助和培訓,所以中投都講過,投資黑石係好好的投資。」展望未來,梁錦松除了想做更多的工作,還要兼顧好家庭。他強調沒有外國護照,亦不會移民,暫時亦不會送子女出國讀書。起跌十年,他說有所感悟:「千祈唔好諗人哋點睇你,尤其是所謂歷史點睇你,因為歷史唔會記得你。」

松鋪特首路

曾幾何時,梁錦松被視為董建華的特首接班人,惟○三年「偷步買車」一役引發民憤被踢走。蟄伏十年,阿松蠢蠢欲動回歸政壇,試金石是去年兩大動作:一是透過「老死」兼屬李嘉誠陣營的馬時亨試水溫;二是他與立法會主席曾鈺成私下多次飯局,更得到一眾政壇老手撐場。梁錦松本是「唐營」一員,曾撐唐英年選特首並與傳統商界友好,他另一個身份,是李嘉誠打高球的波友。去年突然傳出梁錦松選特首,政界耳語是由李嘉誠陣營人士,透過同屬「長江X號」的阿松港大同學馬時亨放風。眾所周知李嘉誠和689之間貌合神離,689上台後一直未能深得以李嘉誠為首的「唐營」舉腳支持。阿松要做特首,北京開出的考牌條件就是要真真正正統戰一個建制「香港營」。有知情者透露:「阿松係李嘉誠為首嘅傳統商界接受嘅人選,如果佢修補番破裂嘅關係,阿爺會准佢入閘。」

李嘉誠陣營撐

梁錦松與李嘉誠的關係,亦可憑一些蛛絲馬跡看到端倪。○二年梁錦松前妻譚淑芬,將中漢投資公司的股份轉讓給梁錦松,中漢另一名股東余立發,是李嘉誠頭馬霍建寧的同學,亦曾幫李嘉誠打理加怡融資。此外,說自己甘願「馬」拉「松」的馬時亨加入政府前,曾任電訊盈科(8)執董及財務總監,與李嘉誠、李澤楷關係密切,他亦承認與新鴻基地產(16)的郭家,及信和(83)的黃家都是好朋友。梁錦松的人脈,正是其政治籌碼。阿松近日備受注目的同時,拉「松」的「馬」又頻頻亮相。對於梁錦松上週說無計劃參選特首,馬時亨回應本刊時大唱反調,重申有關解釋不會有任何作用。「最近我見過佢,佢話無計劃參選,但我話你咁講根本無用,最近董生同你咁多動作,大家都覺得你為競選鋪路,揣測會繼續出現。」與阿松同是基督徒的肥馬,暗示阿松或會改變主意:「佢係一個有心有力嘅人,我唔係佢肚內條蟲,佢一直話唔選,但係我記得佢公開講過,好多嘢係神嘅旨意,呢方面我就唔知佢想演繹啲咩,你要問佢先知。」如果阿松真的選特首,肥馬坦言全力支持,卻意有所指屆時老友的班底非常雄厚,未必需要自己出手:「到時可能佢都唔使我幫,大把人會出嚟,你知呢個世界喇,佢一旦出選,實會有好多人幫手,有啲仲叻過我,同埋有助選經驗。」與當日他說會捱義氣做其競選辦主任的說法有異。

與曾鈺成飯局

雖然梁錦松口口聲聲話無意重返政壇,但原來過去一年,他與一眾政界元老不時打交道。政界盛傳,曾鈺成是其中一位撐阿松去馬的左派中堅。曾鈺成一度被視為下屆特首黑馬,早在去年十一月,他和另外兩名左派核心兼梁錦松由細玩到大的好兄弟,定期有飯局聚會,兩人是全國政協戴希立、香港政策研究所行政總裁馮可強。梁、戴、馮三人都是六、七十年代學運的國粹派,相識於微時。飯局之初梁錦松未有加入,只有戴、馮和曾鈺成,後來才演變成十二人,曾鈺成曾向友好傳媒透露,十二人食過三次飯,討論政改,此時梁錦松有加入,其餘人士包括「689梁粉」羅范椒芬、張志剛、紀文鳳;以及程介南、梁愛詩、馬逢國、張家敏等。曾鈺成說過,戴希立找來梁錦松等人,他只找了程介南一個。而飯局的共識,是希望向北京表達二○一七年無普選,香港會出現很大的管治問題。

搵詹培忠傾偈

馬時亨放風加曾鈺成飯局,梁錦松去年一度被估計會搶先出閘,更有傳在添馬艦的689也要忌他三分。但踏入今年初卻突然轉趨沉寂,肥馬更改口話被阿松責怪,不少人覺得「馬」拉「松」玩完。政界流傳一種說法,指梁錦松對外宣稱無意參選,只是韜光養晦策略,事緣去年底689赴北京述職後受壓,梁營打擊異己部署行動升級,被梁營列為主要追擊目標的梁錦松,隨即刻意淡化角逐消息。但相隔數月,梁錦松再次靜極思動,加上佔領運動全城高呼689下台,阿松的跑馬仔指數隨即急升。來自北京中間人指,當老董接獲北京聖旨,開始廣邀各界加入智庫時,阿松亦於七、八月四出拜訪及約見一些具分量的建制派中人。見微知著的政界人士,近日看到楊柳隨風擺向另一邊,就回想起去年底的曾鈺成飯局,估計與會的曾班底,或能順水推舟變成松班底。有人回想「曾飯局」當中兩名中堅分子都是梁錦松由細玩到大的砂煲兄弟,就「叮」一聲想到飯局的本意,難道是由他們幫好兄弟擺英雄宴。此外,近日政界熱傳外號金牌庄家、前立法會議員詹培忠,曾幫阿松搞過一些政治飯局。記者致電「金勞詹」查問,他先說:「傾偈啫,咁嘅做法,如果董生係叻嘅,就唔使腳痛啦,講得出呢句說話,我自己係唔係有意(幫手)一諗就知啦。」他又透露,和阿松見面是幾個月前的事:「佢自己都成日唔認(有意參選特首)o架啦。」但自稱不會再表態撐任何人做特首。

擺公僕和頭酒

董建華正籌組的智庫,被視為挺松機器。知情者透露,北京指示董智庫其中一項任務,是要重新凝聚及整合建制派及傳統商界力量,透過智庫建立香港營。梁錦松則是老董挑選的香港營共主,未來兩年要「考牌」。有參加兩次會議的基金會成員透露,阿松會前及會後均表現輕鬆,但與會大部分時間,不發一言,專心聆聽別人意見,完全投入一個領袖的角色。自「馬拉松」撲出後,梁錦松亦開始接受訪問漏口風,說反思昔日為官最大失誤,是滅赤過分進取而得罪不少人。阿松覺今是而昨非,明顯想化解當年公務員隊伍對他的不滿,這也是他在政壇復活前,必須拆解的一個結。多名和梁錦松有交情的政界人士均指,○一年五月梁錦松加入董建華政府做財政司司長時,意圖一展抱負,但致命傷是減公務員人工。一位政界元老近日私下形容:「阿松係叻仔,不過佢忘記咗入政府之後,唔再係美資銀行嘅大班,唔再係老闆,得罪班公務員,最怕佢之後江山易改本性難移。」這位元老又透露,當年「偷步買車」是某位極高級公務員整蠱阿松,如今他希望東山再起,最重要是修補和公務員的關係。本刊得悉,過去兩三個月阿松曾多次和公務員團體飯聚,席間表達當年提出減薪方案的歉意。政界都指阿松已整裝待發,只欠「北」風。

「馬」拉「松」三勁敵

馬時亨直言除梁錦松外,新民黨主席葉劉淑儀、政務司司長林鄭月娥及行政會議成員陳智思,均有力競逐2017年特首寶座,他更認為葉劉必定去馬:「實出嚟選,無論一人一票或千二人投票都會。」綜合政界分析,三人各有優劣:

PermaLink: https://articles.zkiz.com/?id=118388

獲梁錦松注資千萬配對平台情人節推掟煲箍煲服務

2017-02-16  NM

在今天這個什麼也講求「智能」的年代,爆水管、壞門鎖、家居清潔等,已經可以透過手機應用程式找幫手解決。不過,有公司認為香港的「專家」不限於這幾方面,於是成立中介平台「HelloToby」,為三百多項服務提供配對,包括補習、進修、運動、商業服務、美容、攝影、舞台表演,較冷門的連感情顧問及以色列自衞術也有!平台推出幾個月,斜號青年(slash)或自由工作者可能不會感到陌生,但一般市民未必有留意。不過,如果告訴你,平台之前獲前財政司長梁錦松等人旗下的公司注資一千萬,你可能便會說有印象!究竟這配對平台有什麼特別﹖我點sell﹖專家先付錢報價

人們可以選擇以用家或專家身份登記。用家在配對前要先回答幾條問題:以清潔家居服務為例,問題包括單位大小,房間的數量,有否養寵物,清潔用品是否由專家提供等。之後,這些資料便會發送至已註冊的專家,讓他們決定是否接訂單。如果有興趣接,專家便要以先到先得形式向用家報價;一旦報價,平台便會視乎服務種類及單價,收取一定數量的虛擬金幣,價值六至七十港元(每個金幣值兩港元)不等。例如清潔等單價較便宜的行業,HelloToby會向專家收取十個金幣,即二十港元。每次最多只有四名專家可以「暗標」報價,而用家在查閱專家的報價、資歷及評分後,再決定選擇哪一位專家。HelloToby的收費模式跟市面其他中介平台大相逕庭,創辦人兼首席執行官譚君傑(Ed)解釋,公司成立初期已預料「跳單」的情況,所以為保障收入,他們要從第一張訂單中賺錢。而專家看用家資料時是完全免費,讓他們作出謹慎考慮後,覺得有信心才參與競投,變相提高命中及回報率,增加專家競投意慾。至於為何報價名額只有四個,Ed補充是不想客戶因選擇太多而難於決定,同時可以避免專家之間競爭太激烈。

最多人補習進修

HelloToby現時提供六大類服務包括家居服務、健美、商業、學習進修及娛樂活動等,而當中最多人配對的是補習及進修。不過,HelloToby禁止有機會變成賭博甚至色情的服務,「例如私人按摩,好容易會變質,所以為了減少風險,我們不提供這個服務。」平台現有三千個專家及五千個用家,每天有大約百多個服務需求,平均可以向每個用家提供兩至三個報價。用戶數目可觀,但得來不易,Ed表示邀請專家加入平台是最辛苦,過程是「盲舂舂」慢慢摸索。HelloToby另一創辦人兼業務總監郭立凱(Kevin)指出,公司之前曾為不熟悉使用電腦或智能手機的服務專家提供培訓,讓他們學習如何使用平台。他們指,增加專家數目便能帶動用家需求,形成網絡效應。

情人節幫掟煲及箍煲噱頭吸引眼球

新年前,HelloToby吸引不少媒體採訪,原因是他們推出一系列具話題性的配對服務,當中包括代上頭炷香。而他們於情人節也會「照辦煮碗」,推出代寫情書、掟煲或箍煲專家、情歌訓練等服務。推出一星期,每項服務已接到四至六張訂單。記者好奇提供這類服務的專家要具備什麼條件,Ed指代寫情信的專家較多是從事翻譯工作的人;而掟煲及箍煲專家主要是大學生,因為掟煲及箍煲的意念來自用家,而專家只是負責執行,所以門檻不太高。他又補充,每個專家註冊時,HelloToby會進行基本認證,核實其身份證;如果是公司,便會檢查其商業登記。另外,平台會監察專家的評分,如果得分低於三分(滿分是五分),會作出跟進。

每星期跟梁錦松開會

除了「節日限定」服務,HelloToby背後的「金主」——由梁錦松等人創辦的創業投資公司New Frontier也惹來不少關注。Ed笑言,不知道原來有這麼多人因此而留意HelloToby,但希望大家着眼於公司的業務,而不是背景。他透露每星期也會跟梁錦松見面,匯報進度及展望新工作。「(資金)不是無條件給我們,而是要每星期、每個月達到不同的checkpoint(目標),不是一般人想的那麼簡單。」談及未來計劃,Ed說已經有六至八個投資者承諾新一輪的融資,以拓展台灣市埸。

專家盤問

A:Catalyst Builder聯合創辦人鄭思行(Alex)E:HelloToby創辦人譚君傑(Ed)

A:市場有不少類似的線上線下平台,似乎行業競爭頗激烈﹖E:香港及台灣暫時未有同類的競爭對手,不過,有些startup已經加入我們的平台,例如一些提供洗衣及清潔服務的app,有在我們的平台「搵食」。所以我們也同時成為一個聚集startup的平台,讓他們尋找新客源,大家互相幫助「炒起」市場。

A:facebook也有群組,進行類似的配對,會員人數也不少,對你們構成競爭嗎﹖E:我認為它們跟我們不是競爭,而是互補的關係。因為我們也會常常到這些網站,了解用家的需求,甚至希望透過這些群組介紹HelloToby的服務。它們的優勢是可以迅速傳播訊息,但是不能夠提供優質的配對服務,也不能容許買賣雙方在那裡討價還價。

A:平台的技術成分不太高,會否擔心市場容易有新競爭者﹖E:我認為HelloToby也有一定的技術性,要進入這個市場有一定門檻,其他人可以抄襲,但不容易。另外,跟亞洲其他類似的平台相比,我們的優勢是執行性較強,所以專家數目才可以由零擴大到今日的三千人。

用家意見

鋼琴學生、跳舞專家Crz坊間有不少鋼琴班,但要自己打電話查詢,而HelloToby可以預先選擇某些條件,例如年齡、有沒有學過,然後幫你配對,節省不少時間。Crz是跳舞導師,宣傳途徑較少,未來希望透過此平台尋找客源。

美甲專家Kumi從事美甲六至七年,主要提供上門服務,之前主要靠客人或朋友介紹累積顧客。一星期會在HelloToby競投幾次,視乎自己時間。網上也有類似平台,但HelloToby可以在報價後,直接接觸及聯絡潛在客人,收費也較抽佣便宜。

終極判決

市面上確實有不少同類的線上線下配對平台或中介服務,但HelloToby能夠在短時間內擁有如此龐大的用戶數目,可見他們在營運上是比較迅速及實在,這點是值得欣賞。不過,因為進入市場的門檻確實不高,他們要盡快爭取一定的市場份額。我會給八分,另外兩分是因為欠缺獨特性。如果能發展獨特之處,其他的對手便難以競爭。

撰文:王敬蓮

攝影&攝錄:關永浩

[email protected]

PermaLink: https://articles.zkiz.com/?id=235867

Janice Man搬屋 新仔梁錦松partner

1 : GS(14)@2015-06-18 14:33:17

2015-06-18 NM

去年,文詠珊(JM)的人生作出大反轉,事業上,收三千萬轉會費投太陽娛樂,感情方面則同梁錦松partner吳啟楠(Carl)撻着。和男友發展愈來愈穩定,愈搵愈有的JM最近將搬去元朗住大屋,二人早前為安樂窩添置傢俬,Carl全程陪住女友,有商有量,sweet爆!穩定發展

轉投太陽娛樂後,自組公司做老闆的文詠珊,剛與在內地爆紅的陳偉霆拍完古裝劇《蜀山戰紀之劍俠傳奇》,事業有新發展,愛情更得意,跟梁錦松partner、金融才俊Carl拍拖數月,感情穩定。上週日(六月七日),JM和男友孖咇出動,約了一班朋友,包括趙雅芝兒子黃凱傑的女友,到灣仔食法國菜。化了個淡妝的JM當日穿上露腰小背心,索!落車行去餐廳期間,與男友邊行邊講,雖然沒有親蜜動作,亦默契十足。

有商有量

食完飯,JM逐一跟Carl的朋友道別,非常得體。離隊後,二人在附近行傢俬店,將搬屋的JM主力試梳化,Carl就不斷在旁俾意見,大家有商有量,但無論男友說什麼,JM都報以甜笑,冧爆!「JM本來住屯門,但業主收樓,佢喺元朗搵咗間獨立屋。Carl本身住粉嶺,大家都方便。JM唔鍾意同居,覺得保持各自空間好啲。雖然成日要出trip,之前喺大陸拍《蜀山》又走咗幾個月,但Carl一有時間就飛上去探JM,感情發展得好穩定。」知情者說。

iBANK筍盤

JM的男友吳啟楠現年31歲,自小在外國讀書,由於成績優異,中學時跳班,16歲已經中學畢業的他,以拔尖直入LSE(The London School of Economics and Political Science)主修經濟,並獲甲級榮譽畢業。大學畢業後,獲投資銀行UBS招手任分析員,07年加入黑石(Blackstone),得前財爺梁錦松賞識,現於黑石私募股權擔任執行董事。此外,在粉嶺和半山都有豪宅的Carl亦有投資月租儲物箱公司Boxful,梁錦松、康師傅以及鷹君等都是主要股東。

結婚對象

現年二十六歲的JM曾表示希望在三十五歲前結婚生仔,她亦視Carl為結婚對象,只是想在婚前搏殺多幾年,做出成績。「JM覺得男人最緊要有目標、有方向、有自己諗法,Carl完全符合佢要求。佢哋亦有晒共識,現階段都要努力工作,Carl除咗做金融,自己仲有月租儲物箱公司,而JM套《蜀山》明年初會喺湖南衞視播,電視台方面好有信心,所以JM好大機會喺大陸爆紅。」知情者說。《蜀山》是重頭劇,劇中與爆紅的陳偉霆做一對,絕對有助剛在內地起步的JM,加上外界對她在電影《赤道》中的表現一致好評,甚至有機會爭取到提名,出道十年的JM,將進入收成期。

寧缺勿濫

出道十年,JM的感情生活不算多姿多采,寧缺勿濫的她,雖然多人追,但只要發覺身邊人不是Mr. Right,即閃,不愛騎牛搵馬。

七年初戀

跟初戀情人李冠峰離合多次,二人拍拖七年,直至11年底才正式分手。

見光死

13年3月,經歷一年真空期的JM被拍到跟美國留學回港,打理家族製衣生意的衞以德食飯撐枱腳,不過戀情見光死。

霧水情

13年12月,有指JM跟謝霆鋒在朋友刻意安排下認識,不過兩人未有進一步發展,當時仍單身的霆鋒亦公開稱讚對方是「好女仔」。

台灣甜蜜旅

14年8月,被拍到跟iBank筍盤Carl和友人到台灣旅行,當時男方正力追JM,現在感情 穩定。
PermaLink: https://articles.zkiz.com/?id=291083

與港淵源深 女兒曾和梁錦松傳緋聞

1 : GS(14)@2016-07-12 03:19:21

■葉靜子(左)曾與伏明霞關係甚好。


【家世顯赫】葉劍英有六名有名份的妻子,昨日去世的葉選寧是葉劍英第三任妻子曾憲植的兒子。曾憲植家世顯赫,是清朝名臣曾國藩九弟曾國荃玄孫。葉選寧的女兒葉靜子,在香港星際文化集團擔任董事總經理,其夫是中共開國上將王震長孫。葉氏家族在政商界均甚有影響力,紅色基因甚為濃厚。葉劍英有三子三女,葉選寧是次子,由曾憲植所生。曾憲植出身曾國藩家族,本身甚具聲望,1927年投身革命運動,後來擔任宋慶齡秘書,文革後出任全國婦聯副主席及婦聯黨組副書記,1989年在北京去世。葉選寧妻子錢鈴戈也是革命先驅之後,在內地是著名的抽象派畫家,亦傳她多年來在港澳化名「林戈」活動,是澳門葡京賭場的主要投資人。葉劍英在廣東土生土長,有「南天王」之稱,葉家與香港淵源深厚。葉選寧在香港出生,他的女兒葉靜子早年相當有名,登上報章新聞;2002年葉靜子是中國跳水皇后伏明霞經理人,當時伏與時任香港財政司司長梁錦松公開戀情,葉靜子後來與梁傳出緋聞,並出現在對方新入伙的財政司官邸,後來傳出葉靜子與伏不和,辭任經理人。葉靜子後來與中共開國上將王震長孫王京陽結婚。兩名「紅三代」雖結成姻親,但有指因王震家族代表人物、王京陽的叔叔王軍,被視為與江派及薄熙來關係密切,故遭挺習的葉選寧疏遠,兩家來往不多。



姪女葉晴晴在港當歌手

葉選寧的姪女葉晴晴則是香港出道的二人組合「Robynn& Kendy」其中一名成員,前年參加內地節目《中國好聲音》被內媒起底,其姊是名媛葉明子。《蘋果》記者





來源: http://hk.apple.nextmedia.com/international/art/20160711/19690032
PermaLink: https://articles.zkiz.com/?id=303247

與梁錦松搞生意JM男友揭秘 大伯為吳康民

1 : GS(14)@2016-10-21 05:28:06

■JM最近拍拖頻頻被偷拍,戀情忽然變高調。資料圖片



文詠珊(Janice Man)說話時喜歡加入英文單字,其「JM Tone」最近更成為網民茶餘飯後討論的話題。不過,JM一於少理,密密在內地賺人仔搵真銀,有時間就跟被指「富二代」的男友吳啟楠(Carl)甜蜜蜜拍拖。本報收到消息,與JM拍拖兩年多、現年33歲的Carl原來不單是富二代,更加是「官」二代,前港區人大代表吳康民是他大伯。據知,前財政司司長梁錦松亦因為看中Carl這個背景,一直跟他保持緊密合作,最近兩人還合作成立一間創業投資公司。雖然,梁錦松被問及會否參選特首時曾表示要待上帝決定,但據悉過去一年,他相當積極鋪橋搭路,Carl為幫老友兼生意拍檔亦不介意助他穿針引線,之前怕怕醜醜,出街被拍到的他,最近亦變得高調,經常與JM親密出巡。



■JM被網民模仿她用「JM Tone」講英語。資料圖片

■有傳梁錦松(中)因為看中JM男友吳啟楠(左)背景,故一直跟他保持緊密合作關係。資料圖片

■JM男友吳啟楠的大伯正是前港區人大代表吳康民(圖)。資料圖片


隨時幫梁錦松

知情者向本報透露:「佢(Carl)想高調番啲嘛,一來要做生意,二來又隨時準備幫梁錦松造勢,JM亦好幫男友,唔介意俾記者影到佢哋拍拖!」吳康民是著名左派「元老」,92年成為民建聯創黨黨員,97年獲委任為全國人大常委會香港基本法委員會委員。2013年曾力撐人大釋法捱轟,去年曾撰文指「梁振英是連任特首的理想人選」,又公開讚梁振英為政府「頂子彈」;惟今年再被問到梁振英能否連任特首時,吳康民只說要看民意及中央想法,未有再力挺。採訪:林立




來源: http://hk.apple.nextmedia.com/entertainment/art/20161021/19807183
PermaLink: https://articles.zkiz.com/?id=313027

Next Page

ZKIZ Archives @ 2019