ZKIZ Archives


數惡行向添丁前夫贈興劉明軒鬧王傲山係屎

1 : GS(14)@2016-09-09 05:36:45

【單身生活】■劉明軒日前獨自駕Benz,到跑馬地五金店買勞工手套。



保險才俊王傲山當年與李彩華分手,即戀上有線前主播劉明軒,兩人閃結閃離,王傲山今年再與任職證券的女友Janny奉子成婚,大前日一索得男,前妻劉明軒爆大鑊贈興,寸爆男方「反轉豬肚就係屎」,同時爆一年內遭前夫三次趕出門,試過熟睡時被王傲山用床頭燈照醒,至今仍活在離婚陰霾下!


【前夫湊B】■王傲山的現任太太Janny剛為他誕下囝囝,昨日王傲山更在fb晒B仔腳(小圖)。

李彩華舊愛、保險才俊王傲山今年5月與任職證券的女友Janny奉子成婚,大前日在facebook報喜8磅半囝囝出世。其前妻劉明軒日前接受本報訪問時,大爆離婚內幕,一年婚姻被前夫先後趕出家門3次,似要向新任爹哋王傲山贈興。日前劉明軒到跑馬地五金店買勞工手套,離婚後她未見第二春,原來有離婚陰影,她日前在電話中說:「都怕咗,有乜嘢男人係信得過?追你嗰刻對你好,變得好快!我想澄清同佢(王傲山)上年11月初先辦妥離婚手續,唔係之前報道所講兩年前離婚。」她續說:「呢一年所謂婚姻好痛苦,婚姻代表乜?一張紙?張紙再簽多個名,就係廢!好多嘢反轉豬肚就係屎!」


李彩華暗寸

當年李彩華隔空被飛,兼被王傲山寸做人應「腳踏實地」,對於舊愛如今被前妻數臭,問她可覺沉冤得雪?李彩華昨在電話說:「我從來都係正義嘅朋友,寧願人負我,我都唔負人,自己唔鍾意向後望,而家開心就得。」採訪:王梓嫚、小米攝影:梁繼光、朱志聰




來源: http://hk.apple.nextmedia.com/entertainment/art/20160909/19764813
PermaLink: https://articles.zkiz.com/?id=308336

劉明軒爆前夫:一年趕走我三次

1 : GS(14)@2016-09-09 05:36:47

【一年婚姻】■劉明軒大爆與前夫王傲山離婚內幕,曾在一年內被趕出家門三次。



劉明軒又爆一年內被王傲山趕出家門三次:「第一次,結婚未夠一個月,年初四佢約同事嚟拜年,由朝早到晏晝。5點幾佢突然話要約朋友嚟打牌。」她以攰為由拒絕,卻惹王傲山當眾大鬧。翌日清晨5時,熟睡的劉明軒遭王傲山弄醒:「佢攞床頭燈照到我醒為止,跟住話『我未嬲完,要繼續同你鬧!』跟住就趕我出門口,我拖住三個篋去酒店住咗一個禮拜。」


逼埋牆指罵

劉母獲悉女兒爆喊受苦,勸她返娘家,其後夫妻和好。數月後劉明軒二度遭王傲山趕走:「佢鬧親我,會雙眼通紅指住我,逼我埋牆,嚇到好驚!」及至第三次被趕,劉明軒曾回家想跟王傲山傾談,當時他出埠不在,並叫家傭把東西入箱,準備獨自搬走,其時夫妻還沒離婚。




來源: http://hk.apple.nextmedia.com/entertainment/art/20160909/19764891
PermaLink: https://articles.zkiz.com/?id=308339

郭台銘一抱成名失婚劉明軒轉攻「飲食」

1 : GS(14)@2016-09-09 05:36:47

有「翻版關心妍」之稱嘅劉明軒(Vivian),講起佢,大家會諗起佢係有線娛樂台嘅前主播,同埋佢係王傲山嘅前妻。其實佢喺美國南加洲大學財務學系畢業後返港,當初佢就去咗銀行做客戶服務,04年投考有線娛樂台做主播,直至07年去台灣採訪台灣富豪郭台銘時,被郭台銘嘅熱情舉動而一抱成名,成為人氣女主播之一。但去年佢就離開咗工作11年嘅有線,咁佢家陣又做緊乜?Vivian就話主要接啲司儀工作:「都係做吓美容活動嘅MC!」除咗做司儀,佢亦有做food blogger講飲講食。




來源: http://hk.apple.nextmedia.com/entertainment/art/20160909/19765043
PermaLink: https://articles.zkiz.com/?id=308340

劉明軒巡舖教護膚

1 : GS(14)@2017-02-08 22:31:33

■劉明軒(中)向店員講解產品的用法。



有線前主播劉明軒去年數臭前夫王傲山,曾被對方一年趕出家門三次,兩年前離婚後自力更生的她,日前單拖現身銅鑼灣希慎廣場,她先到一間護膚品店,與店員有傾有講,之後她更拿出一本小冊子,向店員講解產品的用法,又教對方如何冧客,不知是否榮升老闆娘。日前劉明軒接受電話訪問表示:「呢間舖係我嘅,啱啱開咗3個月,自己第一次做生意。」問到租金是否好貴?她說:「因為只係pop up store,所以租金都會比較平,租約去到3月就完,4月會去到朗豪坊開舖。」她坦言投資了七位數字,剛做第一個月有點氣餒,幸好之後生意好轉。採訪、攝影:梁繼光、黃曉程




來源: http://hk.apple.nextmedia.com/entertainment/art/20170208/19920908
PermaLink: https://articles.zkiz.com/?id=325996

劉明軒偷會人夫解畫稱生意夥伴

1 : GS(14)@2017-06-10 13:09:28

■劉明軒被指與人夫盧永仁(右),多次在跑馬地私竇短敍。資料圖片



前有線主播劉明軒前年與保險高層王傲山閃婚閃離,她曾自爆被前夫三度逐出家門。昨日,有報道指她再逢第二春,對方是大她18年的無綫非執董、已是人夫的盧永仁,二人被影到上月現身跑馬地服務式住宅作「私竇」,有指他們在十一日內密會六次,每次短敍約兩小時,離開時由盧永仁送女方返住所,不止一次在車廂咀嘴斷正。盧永仁昨日凌晨3時在fb解畫,指劉明軒是生意夥伴,而上述地方是同事屋企,故多次在他家開會,而劉明軒的Ig於兩日前曾貼相宣傳美容生意。其實二人確有生意合作,於前年成立公司搞美容生意,劉明軒佔股六成。撰文:唐如




來源: http://hk.apple.nextmedia.com/entertainment/art/20170608/20048003
PermaLink: https://articles.zkiz.com/?id=334974

Next Page

ZKIZ Archives @ 2019