26歲做老竇？鹿晗被「中國第一狗仔」爆有私生子
1 :
GS(14)@2017-04-15 23:27:56韓團男團EXO嘅前中國成員鹿晗，現時專注喺內地發展，仲越撈越掂，早前網上就瘋傳一份內地當紅明星嘅片酬身價，當中鹿晗嘅叫價仲高達成億人仔，認真誇張。人紅自然多是非，近日「中國第一狗仔」之稱嘅卓偉就大爆鹿晗已有女友兼一個小朋友，令下周四27歲牛一嘅鹿晗忽然升呢做爸爸。據知因為有網民喺微博留言問卓偉，話佢跟咗鹿晗多時都食白果，拍唔到佢任何嘢，卓偉於是就大爆鹿晗已經有女友兼育有一子。對於卓偉嘅爆料，鹿晗方面自然大感憤怒，鹿晗嘅經理人公司壹心娛樂合夥人楊天真就喺微博話：「對於道聽塗說的執念，訴說的力量也許不足以對抗，真相這事，需要時間沉澱。敢撂狠話，是因為那種打臉的感覺很爽。」經理人方面亦怒嬲：「造謠可恥，胡說八道！」
來源:
http://hk.apple.nextmedia.com/entertainment/art/20170415/19990661