方健儀賺多咗夠供樓
1 :
GS(14)@2016-01-19 23:06:38方健儀、許廷鏗、黃修平及鍾景輝，昨日在炮台山舉行的Roadshow頒獎禮活動，獲頒最愛藝術文化大獎，方健儀說：「踏入16年，之前攞咗100毛，今次又有獎，好似發夢咁。」經過一年自由發展後，她坦言收入比以前好，足以餬口及供樓：「唔係要賺好多，唔使好奢華。初時跳出嚟未太適應，而家已經操控好，可以有生活質素模式。」談到南韓女團TWICE成員周子瑜道歉事件引發哄動，方健儀說：「我唔評論，但對奧巴馬講嘅說話我好記得，做所有事將來有機會俾人拎出嚟時要諗多步。」此外，許廷鏗自稱沒女友，求學時會視林心如為女神：「係我童年回憶，入行後就好欣賞劉嘉玲，好有風範同魅力，視佢為學習對象。」採訪、攝影：卓寶花
來源:
http://hk.apple.nextmedia.com/entertainment/art/20160119/19457287
【主播帶你遊】方健儀悉尼小店艷遇
1 :
GS(14)@2016-01-19 23:07:57遊澳洲悉尼，除了歌劇院、達令港、漁市場和食海鮮，還有哪些好去處呢？一連四集《主播帶你遊澳洲》，會帶你發掘澳洲城市旅遊的另一面！第一集方健儀發揮記者本色，帶你去悉尼尋幽探秘，與你搭住地鐵食買玩。
不能忽視的舊區
悉尼除了大家熟悉的景點外，其實近年還銳意把一些毫不起眼的舊區翻新，搖身一變成為文化藝術集中地。方健儀大力推薦Alexandria的The Grounds，由市中心搭348號巴士就可以來到。裡面已經改建為綠色花園、花店、農場及新派美食Cafe，足夠讓你消磨一整天。有時間的話還可以租架單車踩進來，路程不但不遠，更可以換到一杯免費咖啡。
悉尼近年銳意把一些舊區翻新成為文化藝術集中地，The Grounds of Alexandria是其中一個最好的例子。
The Grounds of Alexandria環境一絕，飲料和食物也十分有特色。
位於Rosebery小區的一家咖啡廳– Black Star Pastry。它的麵包、酥餅餡餅和蛋糕在本地十分有名，其中以草莓西瓜玫瑰蛋糕見稱。
Surry Hills有很多不同類型的小店，每間店舖商品都各有特色。
悉尼小店好「皮氣」
另一個僻靜的小區Surry Hills，是時裝設計及小品店的集中地。方健儀還在這裡遇上「艷遇」﹗不好弄錯，雖然這區多型男，但所指的是在這裡購物充滿驚喜艷遇！這一帶標榜自家設計，大部份服飾都追求簡約剪裁，名牌子在香港就買得多，來悉尼不如支持一下本地設計吧﹗
去陽光海灘的地方不一定要長途跋涉，離開悉尼市中心，搭半個小時巴士便到達Bondi Beach。
Bondi Beach附近有一間專售全天然食品的餐廳，餐廳的Pancake早餐非常高水準，店內更有售賣純天然產品，作為手信最適合不過，強烈推介大家一到。
來到Chippendale就可以欣賞到法國建築師 Ateliers Jean Nouvel聯同法國藝術家及植物學家 Patrick Blanc打造的One Central Park。
下一集《主播帶你遊澳洲》，另一位重量級主播會帶你潮遊布里斯本，敬請密切留意﹗
詳細行程可以參考網站：
http://www.cityexplorer-aus.com（特約報道）
來源:
http://hk.apple.nextmedia.com/su ... t/20160119/19457348
仙氣女王 方健儀
1 :
GS(14)@2016-02-03 14:06:582016-01-27 EW
「多謝支持，後會有期。」方健儀當年在無綫新聞部當主播的最後一日，淡定地向觀眾道別。言猶在耳，今天果真在不同的媒介都看到她，歌影視、電台、廣告、司儀、皮革製作瓣瓣齊，曝光率比不少藝人更高。
由新聞主播轉型做自由工作者，迎來大豐收，最近再因唱改編歌，被某搞笑頒獎禮頒發「最受歡迎女歌星」獎，更讚她有「仙氣」，名利登上高峰。如今半隻腳踏進娛樂圈，方健儀卻不自覺是「明星」，身為人妻閒時仍會去街市買餸，在魚檔仍能「野生捕獲」她。
形象入屋，大方淡定，方健儀多次提到「有人夠膽搵我，我就敢試」，跟昔日鏡頭前的她絕不一樣。不過，「仙氣女王」接job亦有底線，對社會沒正面影響的工作，她不會做，避免破壞她多年來辛苦建立的良好形象。
有傳方健儀過去一年賺過千萬，豬籠入水，記者向她求證，她淡定地說：「無認真計過，咁一定多過做主播時既。」
觀眾緣爆燈的方健儀，當新聞主播時已有不少「粉絲」，轉型自由工作者一年多，人氣高漲。繼在「第一屆十大勁曲金曲分獎典禮」上，擸走三獎成大贏家，訪問當日再下一城，獲媒體頒發「最愛藝術文化大獎」。
「前幾天看着家裏一堆獎座，發夢都無想過有如此成果！或許大家以往每天看我報新聞，有集體回憶吧。」方健儀說自己非刻意高調，只是「有人夠膽搵我，我就夠膽做」。
她在網上的高人氣，亦折射至現實生活，「近一星期出街多了人認出我，搵我合照。」但她堅持昔日的生活方式，仍會坐巴士、港鐵出入，在街邊拮魚蛋。「做冬那天到魚檔買魚，有年輕人與我合照放上網。」
成為新一代網民偶像，方健儀邊答問題，邊將當日的得獎照片上載到臉書，與網民分享喜訊。由傳統媒體跳入網絡世界，她說是為突破自我框框，「好多人以為我好嚴肅，其實這不是我真實性格，但就令好多想找我合作的機構卻步。」
夠膽試
記者年代的方健儀，外表嚴肅，加上聲音較低沉，感覺不易親近。退下主播包袱的「真．方健儀」，其實相當親民兼爽朗。
近期網上潮興「仙氣」一詞，方健儀被讚「仙氣」逼人，她卻對這形容詞有特別的解讀：「覺得『仙氣』是指不平凡，可能我沒有傳統大眾期望的主播面孔，是『非一般地唔靚』。」她的靚，不是明星那種五官標緻，更不是新聞小花類的嗲聲軟語，卻勝在淡定大方，有種正氣，讓人容易信賴。
方健儀甚愛靚，每次出活動，打扮都令人眼前一亮。她說自小已有時裝觸覺，對色彩很敏感，就算花厘碌的民族服裝，都夠膽穿上身；無論是套裝，還是前衛設計也敢試。「以前出鏡報新聞前，都很用心襯衫，會花錢去買，不會只穿黑色套裝。離開電視台，最煩惱就是如何處理公司約七十件衣服，最終是平賣畀舊同事。」
正統科班訓練出身，中大新聞系畢業後，她在香港電台做了六年記者，○六跳槽至無綫新聞部，剛好遇上趙海珠、林燕玲等人氣新聞小花離巢，她不久就坐上主播檯，「從無想過會做主播，覺得自己不是主播材料，又無做電視新聞經驗，最初表現也不理想，寫的稿被批評，壓力好大，不過我的優點是不會讓人看到驚青一面。」她笑說。
食鏍絲
她演譯惡搞歌《中東與綜》，把主播讀稿「食鏍絲」戲劇化，她身同感受，「首歌講主播報道失誤，都驚會否將失誤放大，但我覺得可以正面些一試，才知自己不喜歡，「始終係新聞人，見到舊同事等採訪對象、追車，自己就心癢癢」。
無時停
兩年合約一過，她就跳出工作框框，未有甚麼大計前，先試試自由身工作，時間立即回復充實，每天由早忙到晚，做電台節目、司儀、教書等，雖然很累，卻符合她「跳跳紮、無時停」的本性。
方健儀倒是想也沒想過，自己會被「明星化」，「暫時這方向是OK的，之前搵咗經理看，每個人都會失手，從中吸取經驗，下次唔好錯就得了。」
做主播表面風光，其實壓力很大，「我都試過讀錯，有次在除夕夜報新聞，原本應該說仲有一分鐘就踏入新一年，但我講錯咗仲有一星期，好在夠淡定即時更正。」她的舊同事陳珍妮，曾將國務院總理李克強講錯成「李克勤」，即時被放入雪櫃。她這失手，不過小菜一碟。
一二年，她已貴為首席記者，再升便是採主，但她不喜歡做管理，也突然厭倦了一時返早、一時返夜的主播生涯，毅然轉到廉政公署做公關，「想試下做公關穩定些的生活，不用清晨返工。」
人同我接job，所以好多機會都有，不過後來有些醫學美容廣告，就唔太想接，始終做新聞出身，之前儲下好多市民對我嘅好感，所以對社會有正面影響嘅野至會做。」
當日客串做100毛主播，她亦想了好久，始終是惡搞節目；但沒想到幫她跳出傳統主播的框框，網民亦相當受落，工作空間即時無限擴闊。現時大受歡迎，或許這是前主播的優勢，但她深明花無百日紅，亦有兩手準備，「都諗緊開間製作公司，做下宣傳廣告。」
近年不少主播紛紛踩入娛樂圈，她亦有點擔心，「都驚好多年輕人，會以新聞報道員做跳板，但自己又正正走這條路。」正在大學教書的她，也勸喻同學仔要先打好根基，裝備自己。
婚姻背後
方健儀另一首惡搞歌《婚姻背後》，改編自徐小鳳的《婚紗背後》，訴說人妻心聲，笑中有淚。做了五年多人妻，她笑說歌詞非其婚姻的寫照，起碼丈夫洪楚恒不是「賤人」，只有「望着梳化瞓着的臉」與他最貼切，老公亦曾打趣稱：「你都無煮餐蛋麵給我吃！」
提起丈夫，方健儀流露出罕見的甜絲絲，「事業上任何選擇，他都會為我理性分析，無論我最後有何決定，他都會支持。」 她說，丈夫也不會像歌詞中描繪的黐身，知道她有工作，一整天都不會打電話煩她。保持各自空間，就是他們夫妻相處之道。
丈夫是方健儀當年加入無綫新聞部，第一位認識的工程同事，「他好敦厚，似舊『薯仔』，無想過會同他開始，更無想過他是終身伴侶。但他很大膽，認識不久就直接對我說：『我想追你！』」她欣賞丈夫性格純品，對她照顧有加，當年為了叫她起牀上班，會特地捱夜到凌晨。他們恨要小孩嗎？她立即大叫說：「湊小朋友太辛苦，怕怕！我仲同老公洗腦，叫佢都唔好諗啦！」
撰文：鄭斯虹︱攝影：張恩偉︱設計：林彥博
方健儀河國榮踩《毛記》年宵六八犬龍蝦精做手信
1 :
GS(14)@2016-02-03 14:43:27■河國榮與方健儀昨日去到維園年宵，與一班毛記主播合照。攝影：沈健程
年宵昨日開鑼，現年50歲的河國榮和39歲方健儀落區到維園，直踩《毛記》的攤檔，主播東方昇、盤菜瑩子、黃慘盈、利君牙、羅若Off和銀紙彤，見到兩位香港區最受歡迎男女歌星，好似馬騮上身飛撲selfie，還送上「六八犬」和「龍蝦精」妖魔夫婦公仔做手信，方健儀獨愛「鍾樹妖」衝口而出說：「我要樹根！」
河國榮和方健儀在毛記電視《第一屆十大勁曲金曲分獎典禮》上，各分得香港區最受歡迎男女歌星獎，昨日兩人落主場香港區維園行花市，大受市民和檔主歡迎，不停被邀selfie兼收禮，成功測試受歡迎程度完勝過關，之後更直踩毛記的年宵攤檔打氣，吸引40多人包圍，場面墟冚。
河國榮方健儀踩旺100毛場。
■河國榮與盤菜瑩子selfie，叫對方唔好再喊。
■河國榮與方健儀首先去花檔睇蘭花。
利君牙羅若Off爭攬
方健儀見人頭湧湧即說：「呢度超級多人。」而毛記揸弗人之一林日曦（腦細）用大聲公維持秩序：「各位觀眾行埋少少。」方健儀見到笑說：「你好！腦細，我哋嚟呃like。」林日曦亦雀躍說：「最受歡迎歌王歌后，呢次真係要呃like，你哋喺晒度。」利君牙和羅若Off爭相抱抱河國榮，河國榮對盤菜瑩子笑說：「唔好再喊啦，好掛住你哋。」而戴馬騮頭套的東方昇喪跟兩人selfie，眾主播送上五隻妖獸公仔，包括「六八犬」、「龍蝦精」、「鍾樹妖」、「鼠王獸」和「麒麟怪」，方健儀衝口而出：「我要樹根（鍾樹妖）！」羅若Off抵死介紹六八犬：「呢個同龍蝦精係最受歡迎嘅，因為佢哋係夫婦。」還揭起六八犬的衫展示：「佢係太監嚟！」之後眾人圍着兩人大叫攞利是，河國榮笑說拜拜，他們又一輪嘴講恭賀說話，腦細忍唔住開聲：「你哋係咪以為自己係無綫？都話媒體多咗人留意就迷失自己，隨波逐流。」
呢張相扼到好多like啦一定。
一講利是，耍手擰頭。
果然係最受歡迎男歌手。
採訪辛苦慘被扑頭
河國榮表示已十多年沒行花市，方健儀則說：「以前逢年三十晚嚟呢度拍外景，鏡頭前笑容滿面好好氣氛，但其實好慘不停俾公仔打頭。」她坦言出街多了途人認得：「有時冇化妝戴晒帽都認到，不過啲人話我一出聲就認到，我要毒啞自己。」河國榮笑說：「咁你收聲啦。」林日曦被問到年宵銷情？他說：「真係唔知，書賣咗幾百本，我啲書一直都好賣，係全港最top2000本入面。」採訪：盧妹、譚倩宜髮型：Vincent Yeung of Salon Osmosis服裝提供：Marella
腦細簽書簽到手軟。
■最受歡迎的六八犬（圖）和龍蝦精是一對夫婦，惟六八犬真正身份是太監。
龍蝦精
來源:
http://hk.apple.nextmedia.com/entertainment/art/20160203/19476471
河國榮方健儀玩轉年宵遭廢青瘋狂集郵
1 :
GS(14)@2016-02-03 14:43:30有檔主一見河國榮，即時唱出《香港地》。
年宵今日開鑼，方健儀同河國榮呢兩個真香港人當然要快人一步率先去維園年宵逛下啦！一去到維園門口，河國榮呢個香港區最受歡迎男歌星就歌興大發，忍唔住將《香港地》再二次創作Rap返幾句，搞到方健儀都頂佢唔順，叫佢唔好再唱，快啲行年宵好過。
不少檔主找河國榮和方健儀做「生招牌」。
方健儀和河國榮所到之處，都有FANS舉機自拍。
方健儀祝福香港人「風生水起」。
來到100毛檔攤，當然第一時間找林日曦自拍。
佢兩個先行濕貨攤檔，見佢哋好似對啲年花好有興趣咁，河國榮仲同方健儀走咗入檔蘭花店慢慢研究，其間又問花店老闆點揀靚花。問到河國榮係咪想趁機買花送俾老婆？佢即話：「如果我買貴咗會俾佢鬧，其實自己冇買開年花，因為屋企冇位擺。」過年唔少人都會喺屋企擺桃花，方健儀話以前都有擺過，仲話擺完之後桃花運真係好咗好多：「嗰一年都真係幾多，之後嗰年冇擺又真係冇晒，不過依家自己唔需要喇。」行完濕貨檔，方健儀同河國榮就殺入乾貨區，沿途有唔少市民截停佢哋要求合照，佢兩個咁nice，當然無托手㬹啦。行到攰攰地，方健儀就見到檔懷舊小食檔，即時去買咗兩塊麥芽糖餅同河國榮開心Share，方健儀搞笑咁同河國榮講：「你結咗婚，我就唔會派利是畀你啦，請你食塊餅啦！一食真係童年回憶返晒嚟！」
河國榮自從唱完《真·香港地》之後，《香港地》呢首歌又再hit過，佢同方健儀行年宵嗰陣，唔少人見到河國榮都會即場Rap返幾句，有啲仲係拎住大聲公去唱，方健儀聽到就扮嬲嬲豬話：「下次你哋要唱《中東與綜》！」相當搞笑。今年年宵有唔少公仔檔，其中賣馬騮公仔同另一檔賣豬仔錢罌嘅攤檔就最得方健儀同河國榮歡心，佢兩個玩完一輪啲公仔之後，檔主仲送咗個福袋同斜孭袋俾佢哋，認真大豐收。一場嚟到年宵，兩位最受歡迎男女歌星當然要去廢青集中營踩下場啦！想睇佢兩個同班廢青有咩交流？睇下一條動新聞啦！
來源:
http://hk.apple.nextmedia.com/entertainment/art/20160203/19476514
方健儀開金口開多瓣
1 :
GS(14)@2016-02-09 12:17:01方健儀前晚在觀塘apm出席猴年倒數活動，穿上一身金色衣服的她，獻唱《中東與綜》、《婚姻背後》外，還選唱了徐小鳳的金曲《喜氣洋洋》應節。以往多是以司儀身份出席活動的她，罕有地以嘉賓身份獻唱，她說：「第一次公開唱歌，希望大家停下腳步聽聽，冇諗過可以做表演嘉賓，之前都係做司儀，希望猴年一路有工作。」方健儀又笑言自己的首本名曲不算吉利，不過好多朋友都喜歡在節日中選唱《中東與綜》：「首歌要背熟歌詞，唔係好易咬親條脷。」人氣越來越勁，她坦言今年派利是會倍增：「以前派好少，今年準備多啲當慰勞大家，畀父母同老爺奶奶都有增加，希望4位老人家可以開開心心，以前派4位數，總之大家開心。」採訪、攝影：盧妹
來源:
http://hk.apple.nextmedia.com/entertainment/art/20160209/19484454
黎明爆肚：我跳線累方健儀狂兜
1 :
GS(14)@2016-03-01 18:57:33■方健儀昨日首次跟黎明合作，便要應付對方的爆肚，幸好她招架得住。
黎明、方健儀、吳雨和田啟文等，昨日在尖沙嘴海港城出席「第十一屆香港影視娛樂博覽」記者會，黎明更獲邀做「香港影視娛樂大使」，他雖事先聲明不接受訪問，但台上與司儀方健儀互動時，他還是不忘發揮金句王本色。當方健儀介紹黎明上台時，她指台下不少人都高舉智能手機拍攝黎明的風采，還形容黎明非常活躍於新媒體，黎明即爆金句說：「每人對智能手機科技都有唔同感覺，智能有啲人反應慢啲，有人一日影100張靚相，用得50張，有人影100張只用得1張，我就反應慢啲，我玩facebook時，差唔多人哋唔玩時我先開始，但好處係對手少啲。」
■黎明（中）在未埋位時，獨自在台下嘆茶。
■吳雨（左）昨日與羅孝勇在台上分享意見。
自揭唔跟稿
方健儀問到黎明對電視、電影、音樂和新媒體4大界別的靈感時，他答：「我好清楚位置，我係推介影視娛樂博覽，好簡單講，講得出嚟嘅說話，做唔到，唔好講；搏命做出來嘅嘢，人哋睇唔到，唔好做。香港影視娛樂博覽就係聽到做咗出嚟，可以畀大家睇到，希望大家多啲支持。」黎明認為博覽同時可以促進多國在娛樂事業上營商交流，他忽然又說：「唔好意思，頭先我跳咗線，但我冇離題。」方健儀還介紹博覽的宣傳車及網上宣傳平台，問黎明有甚麼意見，黎明說：「香港政府不斷肯去做嘢，以前呢種流動宣傳車只會喺12月31日見到，而家喺影視娛樂博覽期間都會見到。」突然他爆肚指：「我哋兩個頭先示範有啲嘢唔可以跟稿讀，如果唔係好易犯錯。」方健儀即答：「我完全對你有信心。」
後台被集郵
對於黎明自稱「跳線」，方健儀代為解畫：「每次司儀講出一個point，好多嘉賓都未必按大會提供資料去講，而黎明想帶出訊息係流動巴士可以到各區宣傳。」方健儀首次跟黎明合作，在後台更不忘集郵。此外，提到無綫被揭前晚新界東補選結果時，只引用民建聯數據，方健儀回應：「我投完票就返屋企，冇睇電視，唔同公司有唔同取態，以前大規模選舉都會睇吓，而今次補選就冇細心去研究，亦唔方便講舊公司。」採訪：馬建華攝影：陳志嵐
來源:
http://hk.apple.nextmedia.com/entertainment/art/20160301/19510755
邵仲衡獲方健儀讚靚仔
1 :
GS(14)@2016-03-06 16:12:14「大佬孝」邵仲衡日前跟前主播方健儀及演員駱應鈞合作，為一財經雜誌拍攝宣傳廣告。故事橋段大玩電視劇《大時代》和電影《竊聽風雲》的情節，邵仲衡和駱應鈞飾演投資公司老闆，他們在公司度落盤買賣股票，但電話被竊聽，飾演商業罪案調查科的方健儀亦同時間上公司拉人。邵仲衡接受電話訪問時透露跟方健儀合作好開心，不單止因為對方讚自己靚仔，更指想不到方健儀做主播出色、唱歌又有一手，他說：「方健儀話我靚仔喎，我都唔覺嘅。反而我覺得佢好有笑感，唔好以為佢好硬，佢極之好笑，同個樣喺兩個人。」採訪：李森
來源:
http://hk.apple.nextmedia.com/entertainment/art/20160306/19518158
【add】紅人主場：方健儀 非主播時代
1 :
GS(14)@2016-05-21 17:49:48Ports1961條紋上衣白褲、白鞋
傳媒寒冬越吹越寒，進入大洗牌轉型時代。記者轉行或被轉行？39歲的方健儀(Akina)，由TVB新聞主播，轉做ICAC，打個圈四年後的今天，又坐上得啖笑的毛記主播之位。「我覺得香港其實係冇主播嘅！用主持或者報道員，比較中肯。」兼職做歌手、做演員拍片，轉行不是末路，正能量希望在明天。「希望選擇留低嘅朋友，繼續努力！」撰文：林妙萍造型：陳蔚渝攝影：周樂恒攝錄：郭賢興、陳志嵐髮型：Vincent Yeung of Salon Osmosis化妝：Herman Ng「多謝支持，後會有期，再見。」2012年2月24日報完最後一日TVB新聞，方健儀告別了第一回合的主播生涯，投考ICAC。「嗰時係唔捨得，因為我知自己係好鍾意做記者，但真係愉快地離開，嗰時諗法，係做咗十幾年記者，重投勞工市場，未必有人會吸納我㗎喎，結果證明到自己唔會被淘汰。」
Max Mara粉紅套裝Ports1961恤衫、白鞋
Giorgio Armani拼色外套、黑色長褲
我是真‧報道員
傳媒出現一體化汰弱留強新生態，方健儀寄語同行，「而家分界好模糊，係一個整合階段。大家都好辛苦，選擇留低嘅朋友，畀心機繼續努力，毋忘初衷，鬥快之餘，也要快而準。」在TVB年代、港台年代，以至毛記電視「永遠榮譽女主播」，方健儀和主播已經畫上等號，「好多時啲人仲會介紹我係前主播乜乜乜，我話，千祈唔好咁叫！我覺得香港係冇主播嘅！」她認為，主播之名被濫用，主播應有掌控及主宰新聞時段的權能，「我哋報新聞係逐字逐句去讀，冇咁嘅權限去改字、加分析，我覺得用主持比較貼切，所以你形容我係一個新聞報道員，比較中肯，或者形容我本業：記者。」
偽‧主持好厲害
顏值年代，主播或主持都要求靚女、年輕，跳得唱得，「毛記就係玩，冇乜後顧之憂，得啖笑，開心吓！佢哋主持個個好厲害，百般武藝，盤菜瑩子唱歌又得，真係飆高音！ViuTV嘅Angela，我認得個樣，幾有型。」當年做正規電視台，一字一句，用字嚴格，遺體不能用不尊重的「運送」，應用「移送」；交通意外後車撞前車，也只可報道「兩車相撞」，不能未審先判，方健儀職業病未改，「有時睇新聞聽到，會諗，嘩，咁都出街！」
■2012年2月主持最後一晚TVB新聞，當時仍是長髮及肩。
《導火新聞線》
■由無綫主播變毛記主播。
淡定姐‧撈過界
方健儀台前形像太正面，加上廉署打過工「身家清白」，後主播工作，全部正派正氣，客串電影《寒戰２》，就做女警。「我係做一個談判專家，一個小腳色，臨尾先出現，最初副導cold call搵我，話叫我報價，我仲以為電話騙案，到現場見到唐寧、黃德斌，再見到對手梁家輝，先知係真！」唱《中東與綜》騷歌喉後，今年有份做演唱會，主持旅遊節目、拍片，「總之，我每日都係一個新鮮人，有得試就試，唔識就要問，唔好充大頭鬼！」
宅女愛柴犬
「我係一個幾宅嘅宅女。」外表精明幹練，off duty最愛着花綠綠民族衫，跳跳鄭多燕、郊外踩單車、西貢飲咖啡睇狗仔，「我好鍾意狗，但我唔敢養。今日咁啱係我隻狗仔生忌，死咗十二年喇，由小學六年級開始，到我英國讀完書返嚟，送佢離開，養咗16年，就算而家過咗咁耐，我都過唔到嗰關。」特別鍾情柴犬，因為眼細細似笑，樣子更似足老公！
■方健儀愛狗愛喝咖啡，假日節目四處搵柴犬玩。
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20160519/19617529
Next Page