📖 ZKIZ Archives

拆了菜園村　扔下盲婆婆

1 : GS(14)@2012-08-15 18:35:25

http://hk.apple.nextmedia.com/news/art/20120815/16605032
【本報訊】08年高鐵項目引發菜園村抗爭，衝擊後村民另闢家園，工程順利展開，但遺下一間「孤屋」，住在裡面的失明婆婆，半年間被折磨得瘦了一圈、臉容憔悴，面對多次來訪的《蘋果》記者顫抖著說：「冇曬人聲，蛇蟲鼠蟻走曬出來咬我，求嚇你哋幫幫阿婆！」記者：梁琬珊、麥超億、邱錦綉
孤屋位於元朗八鄉上村630號，記者今年1月到訪時，在南慶西路下車，沿一條窄小的行人路走入，一邊是地盤高高的圍板，另一邊則是大片荒地，五分鐘後來到一間石屋。
樓高兩層的石屋，方圓百里外只有地盤和荒廢農田，其他房子早已清拆，鄰居亦紛紛討了賠償搬走。屋的前園放滿凋謝的花，雖已日落黃昏，但屋內依然沒透半點光。記者嘗試敲門，閘門打開，漆黑的空間出現一個80歲的婆婆，她叫謝珠英。
「有冇人可以幫到我」
謝婆婆的家從來不用燈，全因她雙目失明，入黑後只剩神枱上的紅光，牆上掛的鐘亦停頓了，屋內了無人氣，活像死城。風霜烙印是她臉上的一道道火車軌和老人斑，嘴裡的牙也幾乎全掉了。
謝婆婆三十年前與陳姓亡夫儲錢，買下上址一塊面積逾千呎土地，並蓋了兩間屋。後來丈夫跟內地太太的孫兒來港，搬入隔壁的房子。08年政府興建高鐵，收購了謝婆婆附近一帶的土地，鄰居與「孫兒」遷出，她才突然醒覺，剩下自己一人。「一早知道我就夾硬要佢收埋，家收剩我伶伶仃仃，俾啲地盤圍住我咁陰功」。
謝婆婆最初不考慮遷出，一直堅持留守，但隨著地盤工程越來越頻密，一切面目全非，記者其後替她聯絡不同政府部門，但大多無回應。而社署表示曾聯絡過婆婆欲安排她去盲人安老院，但婆婆婉拒。
記者上週再探望被扔（粵音：型）下的婆婆，發現她不但瘦了一圈，頭髮蓬鬆，臉頰更顯蒼白。甫打開門，婆婆有氣無力的喊：「有冇人可以幫到我，我真係好慘！」
與老鼠同眠嚇得失措
原來自從地盤開工後，工程深入地底，蛇蟲鼠蟻四處亂跑，匿藏在謝婆婆黑漆漆的屋裡。「好慘呀，朝早要淋熱水先可以入廚房，唔係洗兩條菜都俾佢咬死！」謝婆婆口中的「佢」，正是兔子般大的老鼠。一次，婆婆坐在椅上睡著，一隻老鼠跳到她大腿上，嚇得她驚惶失措。
除了有老鼠騷擾，早前十號風球就像地動山搖，婆婆一直緊抓木柱無法入睡：「譁！成晚嘭嘭嘭，驚到唔知點算好。」即使平日沒有風球，婆婆亦不見得睡得好：「地盤一開工就好嘈，講句說話都聽唔到，多塵又污糟。」經歷了一年孤島生活，謝婆婆雖然捨不得石屋，但仍希望政府將其收購：「如果賠到就去盲人院。」
屋外的路，短短一年變得非常陌生，謝婆婆足不出戶，只能靠慈善機構員工每天為她送飯。以後的路該如何走，婆婆說不知道，惟有繼續用一雙耳朵，靜聽屋外天秤的升降聲。

---

2 : GS(14)@2012-08-15 18:36:00

http://hk.apple.nextmedia.com/news/art/20120815/16605033


「對老人家係一種欺凌」

謝婆婆跟丈夫於30年前才儲夠錢，買下上村一塊土地建屋，之後丈夫申請內地的孫兒來港定居，並在農地另起屋讓他們一家居住。「佢個孫帶埋老婆嚟，後嚟生咗三個女，嗰時好熱鬧，家死嘅死，搬走嘅搬走」。謝婆婆的丈夫10年前因病過世，其「孫」一家所住的屋被政府收了，獲分配上樓，現只剩下她一人「最掛住嗰三個曾孫，家搬到天水圍咁遠，好耐都唔探我一次」。
謝婆婆的胞兄和胞弟已相繼去世，大嫂住在上村附近，她亦慨嘆婆婆「好慘」，有時會去探望，但礙於地盤工程，電話經常打不通，希望政府能盡快安排她上樓。
附近村民大部份都認識謝婆婆，竹姐說：「收剩佢，政府都唔知咩意思，係咪見佢傷殘恰佢。」她指地盤將路改掉，婆婆已經整年沒有出來走過：「感覺好似住喺孤島，對老人家嚟講，係一種欺凌！」《蘋果》記者

---

3 : GS(14)@2012-08-15 18:36:27

http://hk.apple.nextmedia.com/news/art/20120815/16605043


無份抗爭即被遺忘

住在上村的謝珠英，菜田被政府收了，但屋卻落在收地範圍外，當時「蒙查查」的她對事件一知半解，還慶幸可以繼續住在村內，卻沒想到「村」只剩下她一間屋。
土地正義聯盟成員朱凱迪坦言，菜園村抗爭行動只為受影響村民爭取利益，「婆婆間屋冇被收，所以當時冇為意丟低咗婆婆。」朱凱迪說去年1月港鐵職員到婆婆家門外燒焊和加裝圍板，引發警民衝突，他們才得悉謝婆婆的存在，「淨係知佢好慘，受盡工程滋擾，但港鐵乜都唔理」。
記者聯絡菜園村兩名村代表黎偉雄和鄧貴有，兩人均表示不是他們的「管轄範圍」。鄧貴有更從不知道婆婆的存在，直至記者告知後，他說︰「我家點幫？我咁細職位，點同政府鬥？你哋記者幫嚇手啦！」
對於為何扔下婆婆一人不顧，運輸及房屋局回覆︰「政府為拓展公共工程而進行徵收土地時，會按照徵收最少土地面積的原則進行，以減少工程對鄰近社區的影響……貴報所提及之村屋位處高鐵香港段工程範圍以外，有關土地毋須被收回。」

---

4 : 肥B(18468)@2012-08-15 19:01:53

個哎吔阿孫掉低自己哎吔阿「女麻」,係咪應該找找佢d家人出黎搞返掂佢??

---

5 : calvinx(8907)@2012-08-16 09:31:20

見報出名就會有人埋身架喇,

嘩一陣有政客幫手 1200 / 呎同你收地........哇哇哇, 阿婆真係要小心睇路呀, 一陣好多人想幫妳-----------駛左的錢佢架.

保家園? 有錢有感情, 無錢, 自已顧自已.

---

6 : greatsoup38(830)@2012-08-18 14:02:47

http://hk.apple.nextmedia.com/news/art/20120818/16615059

八鄉上村永慶圍村代表黎偉雄（右）昨拉著婆婆的親嫂和姪子到訪，堅稱婆婆是捨不得祖屋和親戚自願留守。



【本報訊】經歷一夜風雨，被扔下「孤島屋」的八旬盲婆婆謝珠英，徹夜未眠。「個風唔大，噚晚冇食飯，半夜肚餓瞓唔著，又俾蟻咬！」婆婆膝蓋痛，起床做飯很吃力。慶幸八號風球除得早，否則惡劣天氣送飯服務便會暫停，「自己煮囉，唔係周身痛我鍾意自己煮，佢哋啲飯好硬」。
報導刊登後，慰問如雪花飄來，「唔識我都問候我，社署今朝話嚟探我，我都多謝佢哋關心」。謝婆婆感慨陌生人尚且關心，但跟她隔屋同住廿載的二房孫兒，卻一個電話也沒有。「打畀佢都唔聽，仲話打畀我！」婆婆屋內仍放著曾孫的玩具，「我好掛住三個曾孫女，有時聽到門外有人喊，都以為係佢哋」。

著記者不要騷擾婆婆

曾聲稱不認識婆婆的八鄉上村永慶圍村代表黎偉雄，領著婆婆的大嫂和姪兒，還有六名食環署滅蟲鼠組人員到場，幫忙滅鼠除蟻外，還藉機「發爛渣」，「呢單嘢搞到我身為一個村長俾人怨，搞到好冇面！」
婆婆被大嫂拉出屋外，坐在椅上像被審判，黎偉雄暗地責怪婆婆︰「點會冇人理你！大嫂又喺度，啲姪又喺度，點會冇人理你？」黎又硬當婆婆「代言人」，「你係唔捨得呢度，唔捨得大嫂，先唔搬走，係咪？」婆婆解釋無奈留守的原因︰「我行開，呢度俾人霸咗嚟住，或者拆咗都唔知！（黎插嘴︰有大嫂喺度！）大嫂都唔知，你估佢好得閒。」
為了擺脫「罪人」角色，黎偉雄竟發惡叫記者不要再騷擾婆婆，更指她有最親的大嫂照顧，惟當記者詢問何以沒親人為婆婆爭取收地時，黎即推卸：「係嗰班土地正義聯盟喺度搞？」眾人在屋內上演一場20分鐘「大龍鳳」後，便匆匆離開，屋內再次回覆孤寂。

---