攬財神沾旺氣城城：想畀媽咪抱孫
1 :
GS(14)@2015-02-25 00:23:25
■自言沒有被郭媽媽（小圖）催婚的城城，昨日在賀歲活動中抱起小女孩時雞手鴨腳。
郭富城昨日年初五到尖沙嘴海港城出席賀歲活動，穿上金黃色棉襖的他騎着電單車駛上紅地毯，型爆現身。城城上台時見到財神，他風騷攬到實，狂沾旺氣，大會安排了小朋友扮十二生肖出現，城城忍不住逗玩小孩，父愛氾濫，他主持敲鑼開巿儀式，大會又給城城送上福袋和金元寶。
做孫悟空冇飯食
單身的城城見到可愛的小朋友，不停陪玩，還抱起一位小朋友，城城搞笑說：「咁客氣，知我冇小朋友，送個仔畀我。」城城即場大派利是，問到喜歡小孩的城城何時造人？他說：「隨緣，今年都係電影為主，工作排到好密，四月又去大馬開演唱會，我想做多啲慈善嘢。」郭媽媽有催婚嗎？城城說：「媽咪唔講呢啲，佢唔會催我，等上天安排，我都想自己將來成家立室，畀媽咪抱孫。媽咪只會叫我工作上小心啲，舊年我傷腳都未好番。」難道城城不想婚後有人照顧嗎？他說：「公司助手照顧我好好。」
■城城與打扮成十二生肖的小朋友合照。
■城城看到財神，即風騷飛撲上前攬實。
城城近日在內地趕拍電影《西遊記之孫悟空三打白骨精》，農曆新年有假期即回港陪家人過年，他扮演孫悟空，因為化妝要黐毛，有時被迫超過十二小時不能吃東西，他說：「黐咗毛，嘴部張唔開，阿媽知我拍戲冇啖好食，返嚟整燕窩我食，一碗碗咁食，好似食飯咁。」城城自爆有戴口罩和帽往行年宵。採訪：張俊銘攝影：陳順禎
來源:
http://hk.apple.nextmedia.com/entertainment/art/20150224/19052167