嘆多前輩殞落嘉玲：隻馬騮幾猛
1 :
GS(14)@2016-03-09 16:26:03歌神陳奕迅（Eason）、劉嘉玲、名模周汶錡、馬詩慧和甄子丹老婆汪詩詩等，昨日在銅鑼灣時代廣場出席「香港Figure王」劉建文（Michael Lau）的展覽活動。雖然Eason畀面撐場，但卻不肯接受訪問。劉嘉玲在活動開始前先到達，參觀完又先行低調離開，她大讚展覽概念好，她認同現代人對科技過於依賴，她說：「我都離唔開上網，唔知睇乜嘢㗎，近日又鍾意睇書，有啲書仲可以讀埋畀你聽。」劉嘉玲鍾情藝術品，她指收藏品可看到一個人的品味。
■Eason（右）昨不肯接受訪問，他出席只是力撐Michael Lau場。
■大批圍觀巿民昨日一見到嘉玲等人出現，即拿出手機狂拍。
提王菲：唔係佢代言人
近日有不少圈中前輩，包括昨日逝世的資深電影人、杜如風父親杜惠東、盧大偉和馮克安等相繼離世，嘉玲說：「隻馬騮幾猛，呢輪天氣唔好，大家要小心，我都病咗一輪。認識杜Sir（杜惠東）幾十年，佢係呢行前輩，佢除咗係電影宣傳人員，又係專欄作家，記得我細個都接受過佢訪問，杜Sir可謂睇住我大，接到佢死訊好難過、好突然。」對於閨蜜王菲被傳答應謝霆鋒求婚，嘉玲說：「我其實唔知，唔好再問我，我唔係佢代言人，一來唔知佢係咪好想我講，我講都係我立場發表意見，唔關佢兩個人事。」有傳王菲為嫁三次忐忑，嘉玲說：「邊個講㗎？啲人應該估估吓。」此外，汪詩詩近日做跟得夫人，陪老公子丹到多倫多接拍荷李活電影《3X反恐暴族3》（xXx: The Return of Xander Cage），該片還有雲迪素（Vin Diesel）主演，汪詩詩說：「當地氣溫負45度，真係好凍。子丹之前拍《葉問3》要瘦啲，呢部新戲就要練大隻啲。」有報道指電影《葉問3》內地票房造假，汪詩詩答：「唔知，我聽到內地票房OK，好多地方都破紀錄。」採訪：曹家誠攝影：沈健程
■「恒生新抱」何倍倩昨晚打扮靚靚現身，畀足主人家面子。
■林作昨晚單拖往看展覽，對鏡頭四萬咁口。
來源:
http://hk.apple.nextmedia.com/entertainment/art/20160309/19521498