【名家搶先睇】家姐買樓 我睇淡都冇得輸
1 :
GS(14)@2018-01-08 00:28:16我兩個家姐突然買樓，傳媒知道之後當然大肆報導，有人話我口是心非，講一套做一套，睇淡樓市但家人又買樓，我認為他們辭不達意，就算我講一套做一套，都只能話我口非心是，並不是口是心非。其實，我兩個家姐買樓又有什麼出奇，二家姐廖太要買隨時都可以，買十億八億都冇問題，又唔使問銀行借錢，至於大家姐，年尾分到錢都唔知點用，買樓最實際，每個月收十幾萬元租金，回報亦不俗，況且樓價長遠必升，所以，根本不存在口非心是。其實，我講了很多次，只是細價樓爆煲，而非樓市爆煲，我講的與高官講的不同，他們話樓市有下行風險，如果要將軍，就請將他們，唔好將我。有消息傳出，不少睇好樓市的專家，包括測量師、學者、分析家，他們原來是租樓住，大家是否很震驚。其實，他們當中有不少人是曾經是業主，但在幾年前早就將自住單位賣走，不過，他們將單位賣走之後，反而不敢睇淡樓市，否則記者就會話他們將單位賣走之後唱淡樓市，迫不得已唯有口是心非，不斷發表有利樓市言論，而且有幸言中，內心其實很痛苦。事實上他們的處境與我正好相反，雖然大家誤會我睇淡樓市，但無論睇好睇淡，我都不會出售手上物業，倘若樓價下跌，我可以話已經提醒了大家，但若果樓價上升，我雖然被人笑到面黃，其實，我內心不知幾開心，嚴格來說，我是立於不敗之地，而那些租樓住而又唱好的專家，他們的情況與我剛好相反，樓價上升，他們可以取笑我，但內心是痛苦，倘若樓價下跌就有失專家這個名銜，不敗之地變成不勝之師。湯文亮蘋果財經，關心你飯碗
http://fb.com/appledailyatm
來源:
https://hk.finance.appledaily.co ... e/20171219/20249199