📖 ZKIZ Archives

妙齡女戴1個月大眼仔眼皮底生10幾粒石仔

1 : GS(14)@2015-03-18 22:18:00





浙江金華一名23歲黃姓女子，網購俗稱「大眼仔」的彩色隱形眼鏡配戴一個月，導致眼內長出10多顆眼結石。涉事的黃小姐，有感自己的眼睛太細。個多月前，上網以十幾元人民幣購買一對大眼仔配戴。當時她已感到眼睛有點刺痛，還很癢。不過客戶服務人員解釋說，戴大眼仔要有適應期，情況屬正常。黃小姐斷斷續續又戴了一個月，眼睛變得紅紅，就像充了血似的。昨日，她到醫院檢查，眼科主任翻開她的眼皮一看，上面長了好多顆黃白色的小顆粒，兩隻眼睛加起來，有10多顆。醫生解釋指，這是眼結石，又稱結膜凝集物，是結膜上脫落的上皮組織或者黏液的分泌物，角質素殘屑等細胞變性產物堆積在結膜上所致，一般常見於慢性結膜炎病人的瞼結膜上，可以只有一粒，也可以聚集成群。剛發病時，沒有症狀，只有當眼結石突出結膜表面，或硬度提升時，患者在眨眼睛時才會感覺到有摩擦感。醫生推測，罪魁禍首是黃小姐配戴的大眼仔，但不是所有人配戴都會出現問題。若本身不適合戴隱形眼鏡，又挑了大眼仔這種帶有染色成份的，一旦接觸到眼睛後，就會使結膜產生慢性炎症，從而導致結石。浙江在線





來源: http://hk.apple.nextmedia.com/international/art/20150318/19080402
PermaLink: https://articles.zkiz.com/?id=288657

伊能靜又引罵戰幫B女戴套引媽媽級狂轟

1 : GS(14)@2016-07-06 07:59:01

又係伊能靜。與是非似是脫不了緣份嘅伊能靜，又成為網民熱烈討論嘅人物。事緣昨日一大早，香港時間7點左右，身在美國嘅伊能靜喺社交網站share一張囡囡覺豬相，寫道:「每次喝完媽媽的milk，都像喝醉的米粒～～這姿勢～～奶醉～美人醉臥～」飲完媽媽奶做睡寶寶，好甜美溫馨的畫面，有乜嘢好鬧呢？問題就係，伊能靜為呢個幾日人仔(上月28號出世)，戴上手套同穿上襪仔。小米粒一身fashion打扮，加上甜甜酣睡look確是標緻可愛，但網民更關心BB的成長。有人留言指咁細個B根本唔應該戴手套，理由係BB喺呢個階段係全靠觸覺感受世界，戴手套會影響發展。有媽媽喺伊能靜微博留言:「我的寶寶剛出生也戴手套，後來被體檢醫生說了，手套阻止了寶寶手接觸世界，不能靈活運動，阻礙大腦的發育，忠告忠告。」、「靜媽媽去掉襪子手套吧！你這樣會影響她觸摸感。女生為了防寒，可以穿襪子，但是手套千萬別戴，我家寶寶四月份出生生下就沒穿過褲子，襪子，手套，帽子，他需要感受世界，不能捆綁著，女生建議穿襪子。」、「親愛的，不要給妹妹戴手套，一來是她是靠吸允手指來感知這個世界，二來是手套對手指有束縛。」但都有人話，自己個B戴手套長大，手指特別靈活，冇受影響咁話。咁，到底伊能靜係覺得得意/靚而為BB戴手套，定係覺得有呢個需要呢？其實…冇咩好嘈。尊重父母決定啦。但仍有不少人認為，要怎麼做應該是媽媽自己決定，外人不應該干涉太多，只要小孩能健康長大就好。





來源: http://hk.apple.nextmedia.com/entertainment/art/20160705/19681256
PermaLink: https://articles.zkiz.com/?id=302577

【胸城計】強國女戴Bra假大胸　戰鬥力谷贏港女

1 : GS(14)@2017-06-10 13:46:48

國內女生揀內衣追求戰鬥能力，即使本身只屬A Cup，穿起來也要有C Cup的效果。(網上截圖)



據地圖網站TargetMap有統計顯示，全球各國女性之中，香港女性的胸部平均僅A Cup大小，甚至連電視劇《不懂撒嬌的女人》內，都有一幕講由孫慧雪飾演的內衣店員，向好姊妹唐詩詠表示：「香港係A Cup之城﹗」現實係咪咁？先聽聽普羅大眾嘅睇法。趙小姐：「OK嘅，認同嘅，你行街經過都唔係個個女仔個胸咁大架嘛。」龍小姐：「又唔係喎，我身邊啲Friend都幾豐滿喎。」蘇先生：「都唔算完全A晒嘅。」單小姐：「都唔係呀，我都有去其他國家留學過，見到其實都差唔多，哈哈。」麥先生：「外國嗰啲身形可能佢哋營養多囉，可能會大啲咁囉。」王先生：「A Cup之城可能係編劇作嘅一句對白嚟嘅啫。」究竟「A Cup之城」係咪編劇亂作？有請兩位曾合著《內衣先生》一書嘅女性內衣專家Joe Leung同Ben Hui為大家解說。



於《不懂撒嬌的女人》中，阿雪向唐詩詠表示：「香港係A Cup之城﹗」(網上截圖)

趙小姐對「香港係A Cup之城」表示認同：「你行街經過都唔係個個女仔個胸咁大架嘛。」

身為本地內衣品牌行政總裁，Joe對市場自然最了解：「喺香港最主要嘅幾個品牌，好多喺日本、台灣同中國大陸都有賣，基本上各品牌嘅杯形都差不多，而據佢哋嘅統計，比較上香港係偏細。」與Joe長期合作的設計總監Ben就有補充：「其實除咗本身真係細之外，香港好多女仔本身就算係B杯，喺佢哋嘅發育過程開程中，由於介意畀人睇，就會選擇一啲較細嘅胸圍，又或者真係擋不住嘅話，好多寧願自己寒背，所以風氣上香港女仔係較保守。」



王先生認為「A Cup之城」可能只是編劇創作出來的一句對白。

Joe及Ben均從事內衣業超過十年，曾合著《內衣先生》一書。

至於《不懂撒嬌的女人》所講「內地客買親都係C、D、E」，Ben則認為有點誤導：「相對香港女仔，國內女仔嘅內衣文化就開放好多，就算係一個A Cup嘅女仔，佢點都要買一個胸圍著出嚟起碼有C Cup效果，佢哋要求嘅係一個勢，佢哋要有好強嘅戰鬥能力。香港女仔就唔係，所以比較上整體喺條街見到嘅話，就會畀人普遍都係A Cup嘅感覺。」
Joe還說好多香港女性都愛減肥，而減肥不會只減身，胸部難免都會細，加上工作、學業等壓力都有機會令人消瘦。所以大小唔係最重要，自信而健康先係最靚，正如讀者袁先生所講：「A唔A Cup其實係天生，就好似膚色都係天生，我覺得冇乜所謂嘅。」採訪：Rick攝錄：馮峰、Neo剪接：Roy編審：Kaman




來源: http://hk.apple.nextmedia.com/entertainment/art/20170610/20050950
PermaLink: https://articles.zkiz.com/?id=335215
Next Page
ZKIZ Archives @ 2019