周海媚進軍幕後製作
1 :
GS(14)@2015-03-27 08:40:21
周海媚昨日到大埔接受電台訪問後，隨即返內地繼續工作，稍後她亦會到德國拍廣告。問到今次訪問的內容，她笑說：「我會分享自己嘅心情，
周海媚僅21歲嫁呂良偉曾同黎明擦出愛火
1 :
GS(14)@2016-08-13 14:59:41點解周海媚唔老？天生麗質嘅海味喺圈中打滾多年，為圈中一線姐仔，自1985年選港姐入行以來，情路崎嶇，多次傳佢陷三角關係，曾傳黎明撬呂良偉牆腳、情陷有婦之夫做第三者等，近年傾向發展姊弟戀。呂良偉1985年拍《小島風雲》時日久生情，拍拖兩年就被爆喺拉斯維加斯秘密註冊，海味當時僅21歲，不過兩人未有喺一年內完成註冊，所以婚姻未有生效，海味從冇後悔呢次烏龍『出嫁』。黎明1990年合拍《回到未嫁時》擦出愛火，有傳海味情傾黎明，而導致同呂良偉分手。林偉亮1994年對游泳教練林偉亮一見鍾情，當時男方已有女友。永瀨正敏1997年去日本拍廣告，傳同已婚嘅永瀨正敏撻著，日本雜誌更指海味介入永瀨正敏同小泉今日子嘅婚姻。伍士榮1998年同迪生集團執行董事伍士榮拍拖，有傳海味之後染上紅斑狼瘡症，二人感情變淡。周家文1999年被影到同當時任職亞視編導、有「麵包王子」之稱嘅周家文結伴行街，拍拖半年後分手。陳龍2004年疑與屬同一經理人嘅大陸演員兼歌手陳龍拍拖，被影到溫馨食tea再雙雙返女方香閨，可惜周海媚情傾建築師，陳龍等足海味9年，都等唔到，最後另娶他人。李貴府除咗陳龍，海味仲與細佢18年嘅歌手李貴府傳出緋聞，經常出雙入對，李小朋友當時仲喺網上刻意晒二人合照(疑博宣傳)。翻版「鄭中基」2006年4月在北京被拍到與貌似「鄭中基」嘅男子拍拖嘆茶，翌年周海媚應承俾佢細小10幾歲嘅北京建築師男友同居。
來源:
http://hk.apple.nextmedia.com/entertainment/art/20160813/19734416
紅斑狼瘡症纏身多年周海媚事業一波三折
1 :
GS(14)@2016-08-13 14:59:4149歲周海媚（海味）前年拍大陸劇《武則天》演楊淑妃一角，再次爆紅，前日忽然自爆單身，同細佢7年劉姓建築師男友分手，海味早年北上掘金，這個轉變令佢識到Mr. Right，仲搬埋去北京定居，海味圈外男友劉先生喺北京經營建築公司，佢哋都好重視呢段姊弟戀，願意遷就同包容對方，未想到最終分手收場。海味早年接受訪問講起男友每次都甜絲絲，劉先生係經朋友介紹認識，彼此一見鍾情，雖然男方年紀比佢細，但思想成熟，與海味十分投緣。海味曾自認係愛笑嘅儍大姐，隨着人生閱歷多咗，明白知足常樂嘅真理，「開唔開心在乎自己心態，我係好簡單嘅人，我好易o氹，請我食粒糖已好開心」，平時海味唔使開工，最愛做煮飯婆，親自下廚煮住家菜冧男友，「為佢入廚，煲啖湯，炒啲廣東餸，整吓蜜糖雞翼」。此外，楊恭如於2006年衰多口，喺網上爆海味患紅斑狼瘡症，加上大台當時重播海味演女鬼「小芙蓉」嘅經典舊作《大鬧廣昌隆》，令觀眾關注海味「失蹤」後嘅近況，海味自早年患紅斑狼瘡症後，工作量都日益減少，近年康復嘅海味亦繼續努力工作。海味在1998年同迪生集團執行董事伍士榮拍拖，有傳海味之後染上紅斑狼瘡症，二人感情變淡，2010年曾傳紅斑狼瘡症復發，當時正同劉姓建築師男友拍拖，對方多年亦不離不棄。
來源:
http://hk.apple.nextmedia.com/entertainment/art/20160813/19734330
49歲周海媚感情事隨緣 感激家人冇俾壓力
1 :
GS(14)@2016-08-21 08:11:03曾經為細7年嘅建築師男友而北上發展嘅周海媚(海味)，日前喺台灣出席活動，自爆同男友分咗手，事後佢嘅經理人回覆《蘋果》只係話相信大家都係成年人，一定係經過思量，做最好嘅決定。昨日有周刊報道，講到呢段10幾年嘅感情完結，海味話其實喺舊年已分咗手，大家嘅感情慢慢轉淡，曾經有試過挽救，不過唔成功，所以最後和平分手。海味仲話曾有人影過疑似係男友嘅相片，查實只係一個美麗嘅誤會：「我哋拍拖好少影相，分咗手之後都剷走晒啲相，我唔想因為自己而影響佢嘅生活，嗰個疑似男友係一個做製作人嘅朋友。」回復單身後嘅心情，海味話冇情傷，亦都冇時間唔開心：「其實喺呢段時間，男友都有求過婚，佢亦都想我退出娛樂圈，不過我唔鍾意做家庭主婦，嗰陣大家都有傾過，最後係我唔想結婚。」佢仲話好感激屋企人從來都冇俾任何壓力，好多事喺佢角度去諗，只要佢開心就可以。至於追求者方面，海味話：「冇呀，我覺得結唔結婚都冇乜所謂，隨緣喇！」
來源:
http://hk.apple.nextmedia.com/entertainment/art/20160821/19744775
廿歲出頭嫁呂良偉周海媚同「明福俠」有段情
1 :
GS(14)@2016-12-30 02:58:0750歲嘅周海媚入行三十年，當年仲係大台當紅花旦，多年來梗係有唔少人追啦，當中仲包括：林偉亮、富商伍士榮、大陸演員陳龍等等！講到最為人所熟識嘅，應該就係曾經同呂良偉結婚，又同黎明傳過緋聞。呂良偉周海媚1985年入行，翌年即刻有機會同呂良偉拍劇《小島風雲》，仲因為咁而日久生情，拍拖兩年佢哋喺1988年一齊去咗美國拉斯維加斯秘密申請註冊結婚。不過當時仲擺咗個烏龍，原來當時喺當地申請結婚，要喺一年內結婚先有效，最後佢哋嘅申請失效。而二人亦都係「婚後」一年分手。黎明周海媚喺1990年同黎明合作《回到未嫁時》，翌年再度合作拍《今生無悔》，有傳二人因為多次合作撻着，仲令到周海媚同呂良偉分手。永瀨正敏除咗香港，周海媚嘅緋聞去到日本都有，97年佢去日本拍廣告，仲有傳佢同已婚嘅永瀨正敏撻著，喺2004年有日本雜誌指，周海媚介入永瀨正敏同小泉今日子嘅婚姻，當時周海媚否認事件，同永瀨冇再聯繫，但因為咁小泉覺得丈夫不忠，夫婦關係開始破裂咁話。
來源:
http://hk.apple.nextmedia.com/entertainment/art/20161229/19880324
【《蘋果》專訪】半百經歷九段情周海媚唔要男人：我又冇錢
1 :
GS(14)@2016-12-30 02:58:09■周海媚的另一半要心地善良和喜歡動物。攝影：葉君海
凍齡女神周海媚（海味）今個月剛度過50歲生日，海味13年前回歸祖國發展，並認識比她年輕7歲的建築師男友，不過二人拍拖12年，今年8月海味宣佈回復單身。日前海味趁聖誕假期，自掏腰包請公司同事來港旅遊，並接受《蘋果》訪問。她自言不心急拍拖，皆因她有狗萬事足。
■今年8月，海味宣佈與拍拖12年的建築師男友分手。資料圖片
■海味去年在內地開工作室，簽了新人張宥南（右）。攝影：陳順禎
■海味表示如果香港有好劇本，不抗拒返港拍劇。
同期都未嫁
半生人經歷九段愛情，海味每段戀情都百分百投入，可惜最終分手收場，至今孑然一身，並承認如今沒有追求者，她說：「我?家冇人追，做乜要追我啫？我又冇錢，又冇跌錢！」問海味對未來的另一半有何要求？她說要好人、心地善良、鍾意動物便可以。她又自爆家中養了六隻金毛尋回犬，她已經升呢做婆婆。她謂：「搵男友順其自然啦，有就有，冇就冇，我都享受自己一個人㗎，佢哋（寵物狗）愛我愛到不得了，最細嗰隻，一秒都唔可以離開我。」有指她與同期的鄧萃雯、邵美琪都未結婚，海味即說：「咦，係喎！我又真係冇諗過，我仲以為Maggie（邵美琪）結咗婚㖭！」前年海味在內地劇《武則天》演楊淑妃一角，谷胸上陣勁有睇頭，去年她成立工作室，同時兼顧幕前幕後工作，今次來港簽約旗下的內地男星張宥南也有同行。
唔要抄襲劇
聖誕節當日，張宥南在中環碼頭影宣傳相，海味到場探班落手落腳為對方整理衫褲。她說：「暫時我只係簽一個藝人，因為想專注啲，怕分心。」問她可會考慮返港拍劇？她表示：「最緊要製作同劇本，唔要抄襲嘅嘢，其實我都等緊一個優良嘅作品拍畀大家睇，如果求求其其接一個就唔想。」採訪：羅慧敏、黃曉妍
來源:
http://hk.apple.nextmedia.com/entertainment/art/20161229/19879506
【緋聞女友】周海媚甩拖冇着落
1 :
GS(14)@2017-01-17 01:55:19周海媚
多年來黎明傳過不少緋聞，不少緋聞女友已為人妻，只有周海媚感情路較崎嶇。
周海媚
90年拍《回到未嫁時》傳撻着，更傳周海媚為黎明撇呂良偉。之後周海媚有多段感情，50歲的她去年宣佈與年輕7歲、相戀12年的建築師男友分手。
李嘉欣
93年拍《原振俠》後緋聞傳足4年。08年嘉欣與許晉亨結婚，11年誕下兒子許建彤。
金喜善
95年黎明赴韓宣傳電影時認識金喜善，傳他展開追求，但黎明從未承認過這段情。07年金喜善嫁給朴駐英，09年誕下女兒。
舒淇
98年在電影《玻璃之城》演情侶，現實中二人拍拖已是公開秘密，感情維持7年分手。去年嫁給馮德倫。
樂基兒
05年認識樂基兒後拍拖，09年被揭在美國拉斯維加斯註冊結婚，有指二人性格不合，於12年離婚，去年傳樂基兒已答應男友的求婚。
來源:
http://hk.apple.nextmedia.com/entertainment/art/20170116/19898042
Next Page