甩拖後首度同場吳浩康黐實鍾舒漫博復合
1 :
GS(14)@2015-03-24 19:08:30
■鍾舒漫承認與吳浩康有溝通，但已不是情侶關係。
英皇昨晚於九龍灣展貿筵開六十三席，慶祝英皇電影成立十五周年，同時宣佈連串已落實計劃，包括Twins合體舉行演唱會、黃秋生及吳君如合演舞台劇《躁狂父母》及開拍新一輯《十二道鋒味》等。分手後又行街斷正被傳復合的鍾舒漫（Sherman）及吳浩康（Deep）同場現身，宣傳人員刻意分開兩人見傳媒，台上大合照都各站一方，但在台下則同坐一桌兼鄰坐，又貼頭密密傾偈。Sherman受訪時說：「要講嘅之前都講咗，冇變，情侶關係斷一斷，需要時間休息。將來嘅事冇人知，
吳浩康開騷鍾舒漫送果籃
1 :
GS(14)@2016-03-30 14:42:14吳浩康前晚在觀塘其有份投資的音樂學校舉行音樂會，獲王宗堯、鍾舒祺、陳國坤及鄭希怡（Yumiko）等捧場。他表示事隔8年再開騷，加上自己學生也來捧場，所以心情好緊張：「好多朋友都叫我唔好放棄唱歌，其實我冇放棄過，只要有觀眾，我依然會唱。」舊愛鍾舒漫僅送果籃到賀？他說：「實在唔方便，佢到場個焦點就去咗感情度，之後就有延續篇，反而佢個妹（鍾舒祺）就係我請嘅，因為佢幫我學校教唱歌。」此外，陳國坤前晚大談湊仔經：「出院一個星期之後，開始唔餵夜奶佢飲，等佢一晚瞓到天光，而家都好得心應手，自己都有睇育嬰書，最大趣事係個仔鍾意周圍射，一打開（尿片）就請我飲茶。」採訪、攝影：黃曉妍
來源:
http://hk.apple.nextmedia.com/entertainment/art/20160330/19549314
【粥粉麵飯】謝珊珊搞散吳浩康鍾舒漫
1 :
GS(14)@2016-08-14 14:29:17孫慧雪出身於無綫節目《美女廚房》的伴碟女子，與謝珊珊、黃卓慧、謝兆韵及陳文靜合組成「粥、粉、麵、飯、糖水」，眾人發展平平，當中「飯」雪雪成績算較為突出。
【粥】謝珊珊（Yetta）
29歲的謝珊珊前年加盟港視，拍過《來生不做香港人》、《選戰》和《Night Shift》，約滿後未有新工作，但去年與吳浩康傳緋聞，令對方與鍾舒漫婚事告吹。
【粉】黃卓慧（Lena）
32歲的黃卓慧已改名為黃欣，09年離開無綫後轉做歌手，12年加盟港視，拍過《童話戀曲201314》、《大眾情性》、《惡毒老人同盟》等，前年約滿港視便返回無綫。
【麵】謝兆韵（Wasa）
30歲的謝兆韵，做過《一擲千金》中的千金小姐，多在劇集飾演小角，包括《師奶兵團》、《秀才愛上兵》及《突圍行動》，08年完成《法證先鋒II》後未見新作。
【糖水】陳文靜（Cha Cha）
33歲的陳文靜於02年中，做過周星馳生力啤廣告中的啤酒女郎，之後加盟無綫，參與過劇集有《律政新人王》及《學警雄心》等。12年離開無綫加盟港視，前年約滿。
來源:
http://hk.apple.nextmedia.com/entertainment/art/20160814/19735368
張致恒偷食到話要「睇醫生」吳浩康婚前媾六女
1 :
GS(14)@2016-09-23 08:10:06張致恒(Steven)近年信奉基督教嘅Steven睇嚟好似好專心事業咁，喺大台拍劇、主持乜都做，連感情都低調埋，轉咗同莊端兒玩地下情，但係日前就爆出佢原來背住女友偷食台妹Doris過夜斷正，事後佢當住傳媒向莊端兒道歉，仲話考慮喺性方面想向醫生求助。吳浩康(Deep)自認花心嘅Deep04年同胡定欣拍拖時就搭上莊思敏，之後2013年就同鍾舒漫一齊，兩個仲去到談婚論嫁嘅地步，可惜Deep一個月內被爆連媾6個女仔，最後取消埋婚禮。最近Deep接受本報專訪時，公開向莊思敏道歉。崔建邦「散打王」崔建邦好耐之前就有一個對佢死心塌地嘅女友唐詩詠，但佢就背住詩詠搭上「中巴」鄺敏慧，點知就暴力對待中巴，之後仲搞到上差館。之後崔建邦就搭上廣州模特兒陳嘉莉（Kelly），但有指佢再用暴力，用iPhone掟瘀Kelly手臂，仲背住Kelly搭上林姍姍嘅細女李怡。
來源:
http://hk.apple.nextmedia.com/entertainment/art/20160923/19778875
【爆相爆片】戒夜蒲目標結婚吳浩康拖女茶記擦蟹
1 :
GS(14)@2016-10-30 14:35:56■吳浩康早前在訪問中表示已屆適婚年齡，拍拖都以結婚做目標。資料圖片
現年33歲的吳浩康（Deep）過往夜蒲「闖禍」，早前在訪問中聲言要修心養性，表示：「搬早啲去玩，咁就冇嘢。」他的感情生活多姿多采，先後跟胡定欣、莊思敏拍拖，其後戀上鍾舒漫更到談婚論嫁階段，但因婚前被爆連媾六女，婚事撻Q，分手收場。Deep早前承認有新戀情，並謂適婚年齡，拍拖都以結婚做目標。
【有商有量】■吳浩康和新歡到茶餐廳撐枱腳，先在門口慢慢揀蟹。讀者提供圖片
【十指緊扣】■吳浩康和女友拍拖未夠半年，非常恩愛。
【並排而坐】■為免食相被看到，吳浩康和女友選坐背着門口的卡位。
穿街坊裝
拍拖未夠半年的Deep，被讀者施小姐透過本報的「爆相爆片」，分享了大前晚孖新歡在順利邨撐枱腳擦蟹。施小姐形容Deep的新歡樣子平凡，是年逾30歲的熟女。當時穿上T恤短褲街坊裝的Deep，孖女友到一間門口有養海鮮的舊式茶餐廳開餐。Deep與新歡手拖手，先在門外水缸揀了幾隻蟹，然後便入餐廳坐卡位，兩人排排坐，齊齊背着門口，未知是否怕被看到食相。
「幫我好多」
記者昨日致電Deep，他大方承認和女友撐枱腳：「同我食飯嗰個女仔係我女友，呢段時間幫我好多。」Deep近日忙着替ViuTV拍歌唱節目及打理唱歌學校工作，他很感謝女友在身邊支持。他未有仔細講及兩人拍拖的甜蜜事，他說：「都係生活點滴，我同佢知就OK，至於將來，我哋會好好去經營一下先。」並自爆與女友因為跟同一位唱歌老師而認識，那麼女友可會出道做歌手？Deep說：「佢自己諗喇，如果佢需要support，我就會幫手，暫時我都係做番自己工作先。」採訪：非非、皓騫
來源:
http://hk.apple.nextmedia.com/entertainment/art/20161030/19816708
鍾舒漫留意吳浩康戀情
1 :
GS(14)@2017-01-26 18:22:16■鍾舒漫戥舊愛吳浩康有拖拍開心。
鍾舒漫、洪卓立和胡鴻鈞等昨日參與在灣仔舉行的創意年宵活動，對於舊愛吳浩康的新歡Michelle被指家底厚又是華埠小姐，難怪鍾舒漫當年被飛時，鍾舒漫即笑說：「你諗清楚邊個飛邊個，我都有睇段新聞，都戥佢開心，又唔會話邊個拍拖就追住要去拍拖，我有我生活態度，對愛情有信心期待。」對於吳浩康今次拍拖有何寄語，鍾舒漫表示相信他今次會認真面對人生。現時她身邊都有追求者，但她覺得並不能成為結婚對象。對於張敬軒被內地官媒在網上批評，鍾舒漫與洪卓立均表示對事件沒有回應。採訪、攝影：馬建華
來源:
http://hk.apple.nextmedia.com/entertainment/art/20170126/19908638
華姐政府主播酒樓太子女吳浩康女友來頭猛
1 :
GS(14)@2017-02-12 15:31:402017-01-26 NM
昔日夜蒲「闖禍」，近年吳浩康修心養性，專心工作，被視后胡定欣、拿督女莊思敏、同門鍾舒漫戀過的他，最近更與全美華埠小姐的第二公主、華盛頓主播李昭南撻着，女友家人為海城大酒樓夜總會老闆之一。女友猛料有學歷，難得有情人嘅吳浩康發力！港美兩邊飛
據了解，吳浩康（Deep）和女友李昭南（Michelle）因為跟同一老師學唱歌而認識，雙方拍拖已有半年。廿七歲的Michelle絕不是鬥靚攞獎花瓶，於加州大學戴維斯分校傳理系以高等榮譽畢業的她，一一年在華盛頓政府總部實習時，曾擔任新聞節目《VA News This Week》主播；觀眾以退伍軍人和公務員為主，播出頻道包括Pentagon Channel及其他公開頻道。
「Michelle喺香港出世，父母係美國公民，所以中學同大學都喺美國讀。喺華盛頓政府總部實習嗰陣，本來政府請佢做長工，但Michelle發覺自己最鍾意都係唱歌，所以決定回流返香港搵機會。
「佢中、英文同普通話都好流利，喺美國已經做過唔少司儀job，因為開始多人搵佢做MC，所以經常要香港美國兩邊飛。Michelle喺香港仲有為荷里活電影做casting director，幫手物色演員；而佢自己亦可以自彈自唱，仲有鋼琴、風琴、結他都好有水準，同阿Deep好夾，佢有喺男友間音樂學校幫手。」知情人說。
未來新抱仔
吳浩康已經三十三歲，恨飲新抱茶的吳父更當正Michelle是準媳婦。早前，阿Deep帶埋女友出席家庭聚會，到鯉魚門食海鮮；行經濕滑小巷時，阿Deep攬住著高踭鞋的女友行，十分細心，沿途Michelle跟吳父及阿Deep姑姐有說有笑，相處融洽。之後一行人坐七人車返回阿Deep麗港城屋企，愛錫Michelle的阿Deep繼續扶到實。無論公事私事都經歷過高高低低的吳浩康，對自己能夠遇上Michelle，極為珍惜。被問女友來頭，吳浩康回應：「追佢嗰陣唔知佢咁多嘢，但佢確實好努力，讀書同做嘢都好勤力，唔只學歷同背景，Michelle對人對事都好上心，好有責任感。」
海城=紅館開騷阿梅哥哥小鳳姐的平台
吳浩康女友父母曾是香港兩間大酒樓股東之一，包括家族的海城大酒樓夜總會，以及跟有樂壇教父之稱的張耀榮合資的海洋皇宮大酒樓夜總會。海城擁有一個具規模的大舞台聞名的高級消費場所。紅館落成前，海城是七、八十年代紅星、歌手等開騷的舞台，李母跟不少娛中人諗熟，當年簽下不少紅歌星登台，徐小鳳、鄭少秋、汪明荃，甚至後期的黎明等曾在此海城演出，一做數十場。海城到90年後期結業。李氏夫婦離異，01年李父移居西雅圖，在當地繼續經營飲食業，與此同時，他更完成大學課程和取得工商管理碩士（MBA）學位，並以華人身份，在州政府的社會服務部牌照局當審核員。
難得有情人
年少輕狂的歲月已過去，眼下吳浩康感情、事業都有新開始，跟英皇續約外，又要兼顧音樂學校和皇馬青訓工作。「阿Deep喺觀塘間音樂學校搞得幾好，遲啲會擴充要搬去葵芳，另外每個星期佢又會帶學生去文化中心外面表演。搞音樂之外，阿Deep又幫皇馬喺香港搞籃球同足球青訓，專責市場營運，早排仲帶隊去西班牙集訓，佢經常由早做到晚，難得有情人，吳浩康亦自言要認真面對這段感情，必須發奮。」知情者說。
猛料舊愛
事業起跌如坐過山車的吳浩康，身邊女友個個擲地有聲，視后胡定欣，有米女莊思敏以及唱得鍾舒漫和好打得的Hazel唐紫睿，都曾愛過。
胡定欣大滿貫視后04年，出道不久的胡定欣搭上Deep並火速同居，其間Deep發生藏毒事件，她仍不離不棄，最終因為莊思敏，兩年情告終。今日的胡定欣，破大台女藝人紀錄，去年尾分別在大馬、新加坡以及香港頒獎禮獲封視后。
莊思敏有米拿督女06年，Deep跟有米拿督女莊思敏拍拖，但只維持五年便分手，Deep自言最有愧於她。分手至今，事業型的莊思敏先後開化妝形象學校，又投資百萬開食肆做老闆。
HazelMMA打女冠軍12年，Deep跟模特兒出身的唐紫睿撻着，但快來快去，13年初二人分手。之後Hazel由模特兒進軍影壇，去年學泰拳操行參加ViuTV的G1格鬥會，打到口腫鼻腫成為總冠軍。
鍾舒漫娛圈處女13年，Deep跟英皇同門師妹鍾舒漫因公司壓力發展地下情，為尊重女友信仰，Deep修心養性戒煙戒酒甚至戒色慾，雙方關係發展至訂婚，但15年Deep被爆背未婚妻偷食34E𡃁模Yvette Chow後，鍾舒漫決定將他由情侶降級為朋友。
撰文、攝影、攝錄：娛樂組
Next Page