ZKIZ Archives


黎明4D騷冇預Part 2

1 : GS(14)@2016-05-21 17:49:44

黎明(Leon)早前在中環海濱長廊舉行的4D演唱會曲終人散,昨日有報道指演唱會有part2,AMusic行政總裁王凱文向本報否認此事:「完全冇咁嘅構思,由頭到尾我都講係唔會有part2,唔知點解會有咁嘅報道。」至於報道提及演唱會銷情麻麻,王凱文斥說法好無謂:「呢啲咁無謂嘅講法我諗都唔需要去答,演唱會嘅場面同氣氛係點大家都睇到晒!」另外,Leon大前日宣佈演唱會出Blu-ray碟,限時十日在facebook以團購方式銷售,並指十日後如定單不超過一萬張就不賣,不過售200元的Blu-ray碟只花了五個多小時便成團,截至昨晚6時多已售出2萬張。採訪:小米





來源: http://hk.apple.nextmedia.com/entertainment/art/20160519/19617666
PermaLink: https://articles.zkiz.com/?id=300739

唐詩詠冇預洪永城睇騷

1 : GS(14)@2017-01-24 03:00:13

昨晚尾場騷繼續吸引眾星朝聖,胡定欣、唐詩詠、梁烈唯和沈震軒拉隊睇騷,一行四人於下午3時許已排隊入場,但就不見跟唐詩詠傳冷戰的男友洪永城。問到排隊時間是否很長?梁烈唯說:「只係排咗一陣,自己冇留意噚日報道,所以唔知噚日混亂情況,不過今日安排幾好,唔見有乜混亂。」薛凱琪和女助手坐接駁巴士到場,一臉病樣的她除口罩受訪:「頭先同助手等車時,好浪漫睇日落,等咗大約十分鐘,噚晚都有留意新聞,可能第一場溝通有啲問題,但今日完全冇問題,自己都叮囑助手問清楚聯絡。」問有否袋定錢或八達通搭車?她笑說:「冇喎,相信可以搵番接駁車走。」另艾粒亦現身捧場,兩人被觀眾趁開騷前集郵。採訪:馬建華攝影:陳順禎


■艾粒的少爺占(左)及當奴昨被觀眾集郵。

■薛凱琪昨日帶病睇尾場騷,還趁排隊時睇日落。



來源: http://hk.apple.nextmedia.com/entertainment/art/20170123/19905625
PermaLink: https://articles.zkiz.com/?id=323808

劉家輝利是冇預樊亦敏

1 : GS(14)@2017-02-05 10:48:34

武打明星劉家輝6年前在家中跌倒後中風,導致半身不遂,雖然劉師傅目前仍行動不便要坐輪椅出入,但精神確比早年好。踏入雞年,劉師傅由樊亦敏陪伴下到深灣行大運,感受新年氣氛。樊亦敏昨說:「年初二帶咗佢去深灣golf club食嘢,跟住再去country club行咗個圈。佢有派利是,派畀看護、陪診員,但冇派畀我,唔知點解,哈哈哈!」本月14日情人節,樊亦敏將為馬蹄露於屯門舉行的「馬蹄露響屯門演唱會」擔任表演嘉賓,劉師傅也可能捧場。樊亦敏說:「佢話想睇我哋做騷,如無意外佢會去睇嘅,睇吓佢身體狀況點樣,或者心情點樣先決定。」採訪:魯吉




來源: http://hk.apple.nextmedia.com/entertainment/art/20170204/19917178
PermaLink: https://articles.zkiz.com/?id=325443

彭家麗開騷冇預朱主席

1 : GS(14)@2017-04-15 23:27:59

彭家麗(Angela)下個月舉行首個個人演唱會,心情興奮,日前她接受主播許文軒(Edmond)專訪,她說:「一路有人問我開唔開演唱會,好似幾年前同朱壽仁主席演出過後,主席都邀請我開騷,我唔係未ready,但我覺得對方又唔係搞開演唱會,所以婉拒咗,冇考慮到。而今次本身係主辦單位邀請我做一個雜錦騷,我諗吓諗吓點解我唔自己開一個呢!」




來源: http://hk.apple.nextmedia.com/entertainment/art/20170415/19990560
PermaLink: https://articles.zkiz.com/?id=330663

魏駿傑餐廳冇預老婆

1 : GS(14)@2017-04-29 23:41:32

■魏駿傑昨日同太太咀嘴,好恩愛。



魏駿傑有份投資的泰國餐廳,兼全新婚禮場地,昨日在西貢開幕,太太張利華、張沛樂(沙律)等現身支持,魏駿傑和太太影合照時更即場咀嘴,心情大靚。魏駿傑透露名下物業都加了太太名,問到今次餐廳有否預埋太太?他說:「層樓已經係佢名喇喎,我得番衫鈕咋。其實係唔想太複雜,始終有其他拍檔。」早前稱有意返無綫拍劇的魏駿傑,問到進展如何?他說:「就快有㗎啦,珍姐(曾勵珍)?吓就得,佢咁錫我。」另外,張沛樂希望有機會接觸做生意,但首先要努力工作儲本錢,她指視男友林耀聲為結婚對象:「佢做訪問都有講,希望大家一齊努力。」採訪:曹家誠攝影:陳順禎



魏駿傑



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170429/20005043
PermaLink: https://articles.zkiz.com/?id=331944

胡說八道聚會冇預佢定欣「嬲豬」要退會

1 : GS(14)@2017-07-09 12:16:08

昨日凌晨,姚子羚喺網上貼咗佢同姊妹「胡說八道」嘅聚會相,相中見到陀B大約5個幾月嘅杏兒,佢嘅身型完全係長胎唔長肉,keep得非常好。跟住佢哋幾個好姊妹齊齊攬住杏兒一齊合照,姚子羚仲留言:「Our happy time~契媽和baby lee有個約會@黃智雯Mandy@胡蓓蔚@胡杏兒@李施嬅selena你在何處?@胡定欣nancywu!」啱啱喺橫店拍完《深宮計》嘅胡定欣,聽講嗰日返嚟香港嘅航班延誤,所以嗰晚未有現身出席聚會,冇耐定欣就喺IG轉發姚子羚嘅相片兼留言:「????我開始覺得......佢哋係有意排斥我!!因為佢哋大部分時間都係喺我唔得閒同唔喺香港的時候約齊人.......」跟住仲hashtag:「#胡說八道會#影相仲要笑得好開心#咁樣係咩意思#我宜家好嬲#leftgroup!」唔少網民留言叫佢唔好咁做,仲幫其他成員好說話,姚子羚留言:「聚會又點可以冇咗定欣呀!其實我哋好random咁約!」定欣就話呢個理由唔成立,杏兒亦都留言:「邊個叫你咁忙啫!」定欣即刻回覆:「咁你養我,我咪唔忙囉!」杏兒好搞笑咁回覆:「好快有人養你㗎啦!使乜我喎!」昨日有傳媒分別向杏兒同定欣了解呢件事,佢哋兩個異口同聲:「當然係喇!」




來源: http://hk.apple.nextmedia.com/entertainment/art/20170709/20083681
PermaLink: https://articles.zkiz.com/?id=338744

馬國明大床冇預黃心穎

1 : GS(14)@2017-07-29 03:23:57

馬國明昨日在上環出席商場活動,在現場跟公仔自拍時,顯得手勢生硬,他自認平時很少自拍。問到其緋聞女友黃心穎有否嫌他影相技術差?馬國明坦言:「有,我揸機好渣,成日用指甲㩒掣。」提到日前再被影到與黃心穎拍拖,馬國明直言從內地拍完劇回來後,首次約會食飯已被影到,而雙方各有各忙,自己最近忙於搬屋,會與家人同住。問到會否預留房間和大床給黃心穎?馬國明說:「冇,佢都買咗屋。」他指拍拖也不會想先同居,要看感情進展,也沒想過要試婚:「試唔啱女仔咪好蝕?要諗清楚先,好多嘢唔係拍散拖,?家係了解中,唔係幾個月了解到。」採訪、攝影:王連連




來源: http://hk.apple.nextmedia.com/entertainment/art/20170727/20102421
PermaLink: https://articles.zkiz.com/?id=338929

Next Page

ZKIZ Archives @ 2019