| ||||||
| 由細聽到大，「書中自有黃金屋」，阿媽成日都叫你睇多啲書，話開卷有益。估唔到近年嚟，大家只記得「書中自有顏如『肉』」！呢幾年嘅書展，大家都將焦點放響一班o靚模嘅寫真度，對於真正嘅主角──好書，已經冇咁留意嘞！ 好 在，香港仲有人真係認真睇書，仲會認真推廣o忝，新地（016）副主席郭炳聯就係其中之一。郭三少近日就喺新地贊助嘅《讀書好》雜誌中，推介咗6本書畀大 家睇（見表）。作為生意人，華華以為郭三少只會睇啲管理呀、金融類嘅書啦，估唔到佢推介嘅6本好書當中，亦有勵志書同哲理書喎！ 郭三少仲話 要買番套《丁丁歷險記》（The Adventures of Tintin）嚟睇，唔通佢想仿效法國前總統戴高樂咁，放一套喺床頭？原來……郭三少童心未泯睇細路仔書係有原因o架，佢喺訪問入面話，唔少兒童書都會包 含一啲人生道理同價值，大人睇可以開解自己，重新記起人生大道理，屬於心靈雞湯嘅一種。唔知郭三少睇《丁丁歷險記》，又會領悟到咩大道理呢？ 郭炳聯好書推介 A Demon of Our Own Design 作者：Richard Bookstaber Love and Respect 作者：Emerson Eggerichs When Bad Things Happen to Good People 作者：Harold S. Kushner When All You've Ever Wanted Isn't Enough - The Search for a Life That Matters 作者：Harold S. Kushner Good to Great 作者：Jim Collins How the Mighty Fall 作者：Jim Collins 李華華 [email protected] | ||||||