📖 ZKIZ Archives

重慶「富商」借財仔

2011-9-1  NM

重慶「富商」安晉辰，呢幾年嚟香 港狂掃豪宅。舊年五月以一億三千萬買入大角咀君滙港複式單位為行宮。今年二月，又斥資五億四買入南區赫蘭道獨立屋。姿態令人側目。 雖然係咁，佢老哥近排大手劈價放售手上批貨，好似凱旋門一個豪宅，一劈就劈千幾萬，甚至連其行宮亦一樣放盤，叫價一億八千萬元。咁劈價法，此又豈非水緊之 象？可惜呢排個市唔就，唔易甩手。那邊廂，赫蘭道大屋渣打聽足攞命陳指示，只肯按五成，其餘一億三千萬元怎麼辦？安「富商」無計可施，焗住走去拍財仔門。 一億三千萬唔係少錢，冇幾多財仔食得起，最後卒之搵到間叫國泰集團嘅財仔肯制，但條件仲攞命過攞命陳。國泰集團係上市公司深圳科技嘅全資附屬公司，資產有 限，借出一億三千萬元要發通告，條件由是曝光。筆貸款兩年期，非常短癮，而年息高達廿四釐；即係單單呢兩年就要納超過六千萬元息，都咪話唔嘢少也。仲有， 國泰有權隨時call loan。未來呢兩年安「富商」點瞓得着呢？富向險中求也。 董家長情 早前地中海賭國摩納哥二世親王阿爾拔二世大婚，首屆特首董建華細佬建成夫婦雙雙遠赴彼邦觀禮，事關董家同摩納哥王族淵源深遠，堪稱通家之好也。八二年董建 成伯爺董浩雲騎鶴西去，摩納哥國王雷尼爾三世親臨香江扶靈執紼。當時董浩雲係摩納哥駐港名譽領事。呢個領事銜現今由董建成繼承。關係深遠，王子大婚，董建 成兩公婆走一趟，正路波也！ 又一城員工見牙唔見眼 淡馬錫剛啱完成收購又一城，呢單刁可謂win‧win‧win也。賣家太古固然獲利八十多億，歡喜到派發特別中期股息，A股派三蚊，B股派六毫子（太古係 碩果僅存兼有AB股，曼聯棄香江揀去新加坡上市，就係貪有得AB股齊上也）。至於買家新加坡政府則勝在錢多，買又一城據講只係啼聲初試，跟手仲陸續有嚟 也。坡佬出名闊綽，除咗買賣雙方，管理又一城嘅員工對呢單刁一樣咁開心。答應重新簽約嘅員工將每三個月派發一次花紅，高、中、基層，見者有份，咁有乜辦法 唔大家都笑到見牙唔見眼呢？ 黃英豪開車幫公司宣傳 上星期拍賣自訂車牌，「00008」牌以七萬銀成交，莫非小小超做善事？除咗8號仔，香港資源主席黃英豪亦以底價五千蚊投得「HKRH 2882」牌，事關佢間公司就係2882也。黃英豪話呢個牌係自己真金白銀出錢投者，會掛佢早前用五百幾萬買嘅賓利。無論車同牌都係佢之私己錢，一心一意 幫公司宣傳咁講。廉記剛啱請佢老哥飲過咖啡，莫非因為咁，故此要講清楚唔關公司事？ 阿妹趁勢發圍 南豐姊妹決裂，大家知之矣。決裂到乜嘢地步？遠遠超乎割席咁簡單。話說山頂柯士甸山道八號自年初以來發生連串爆竊案，唔少報章記得呢個地盤當初由南豐投 得，由是對號入座，話呢個係南豐嘅物業。佢哋唔記得者，係南豐陳廷驊家變也。家變嘅結果，係柯士甸山道物業歸阿媽楊福娥同家姐陳慧芳名下，同阿妹陳慧慧打 骰嘅南豐再無關係。咁啱呢個物業接連俾人爆格，劃清界線之餘，又豈無借勢講俾世人知，南豐名下嘅物業唔會搞成咁呢？ 中環人語迷你版 “俾我拎番隻手出嚟。”估中邊個中環人講呢句說話，送你JWATCH j-36-尊貴版手錶一隻 有意參加者，請於九月五日24:00前將答案電郵[email protected]小宗只接受電郵，郵寄免問。本刊員工及直系親屬不得參 加。為求公平及杜絕偷步搶答起見，請於星期三下午一時後來電郵競猜答案；在此之前發出之電郵作廢。超過一位讀者估中，先到先得，恕不接受上訴。答案及中獎 者姓名將於一一年九月八日本欄揭曉。 上週人語揭曉 “我絕對唔懷疑警方嘅動機。”答案：梁振英得獎者：K.Lee中獎時間：1:00pm 24/8/11 鳴謝啟事 李克勤學弟：特區萬幸，有紅歌星如閣下者。即使過渡前後閣下並非紅透影視歌壇三十載，承閣下大號啟發，香港人由是得知中國政壇有李克強一夫；只此一端功德 無量矣，更何況閣下迷倒眾生（尤其少艾?妹）凡三分一個世紀，港華仝人（煲呔可能除外）又能不與有榮焉而拱手稱謝者？香港耶穌會華仁書院眾同窗頓首 金牙大狀講[!84C5] 司長、局長鬥垃圾先是有唐司長（暨疑似特首候選人）之「completely rubbish」，繼而有李局長之「totally rubbish」，究竟邊個至夠垃圾呢？就此垃圾問題我哋問教於愛爾蘭神父喺特區碩果僅存嘅傳人，佢思疑以「鑊數」計，唐司長（暨疑似特首候選人）之 completely rubbish理應勁過totally rubbish，事關「通通都係垃圾」層次高過「加加埋埋都係垃圾」多矣。不過，要令人完全毫無置疑知道係垃圾嘅話，則冇嘢勁得過「絕對垃 圾」（absolutely rubbish）矣。唐唐飲過鹹水，留學花旗；李局長係國父孫中山嘅師弟、土砲港大產品，以火侯計睇嚟兩者遠不及來路愛爾蘭英文也。繼續努力啦，學海無涯 呀老友！

恨發達o靚仔借財仔賣衫 (轉載) 止凡

http://cpleung826.blogspot.com/2012/01/o.html

真是忍不住要轉載這篇文章, 看到兩個不知天高地厚的小朋友, 又可以說是勇敢, 又可以說是愚昧, 最精彩是最後給黃毅力先生教訓, 說了我想說的話。




http://blog.yahoo.com/_OEGIUGKI7CYZXS5RGAL5CCWCBE/articles/698841

有膽量是做生意的先決條件。兩個打了兩年工的後生仔，二十三歲的張經偉（Benice）和周俊謙（Potter），看了《富爸爸窮爸爸》一書後，深受影 響。不想再過朝九晚五的打工仔生活，一心想靠創業發達。不過二人手頭上「一個仙」都無，他們膽大過天，不但先各自向家人借了十萬元，繼而碌爆卡、向銀行借 萬應錢，甚至年息高達三十釐的「財仔」。左度右借後，以負債四十多萬元為「本」，三個月前生產自家男士服裝品牌uniting， 於旺角潮流特區的一間鋪頭內寄賣。幸運的是，扣除寄賣要繳付的拆賬，uniting每月有三、四萬元盈利。不過這筆「盈利」只能作還債之用。

記者問他們不擔心某個月生意不好，無錢還債？勇字掛心口的他們說：「最多咪破產。」究竟他們的膽識，會帶給他們成功或失敗？本刊找來富利堡車行老闆黃毅力，為兩人指點迷津。

在旺角潮流特區三樓近扶手電梯，一間逾百呎的男士服飾品牌uniting店，櫥窗一邊擺着十多對皮鞋，另一邊牆上掛着西裝和恤衫，吸引了不少年輕人駐足。 留鬚根的後生仔Benice見到記者便走出來說：「uniting係我的品牌，由設計至生產都係我同另一個partner Potter負責。呢間鋪嘅老闆本來係賣鞋嘅，我哋只係寄賣喺度。」事實上，要在旺角的商場插旗，平均租金要三至五萬元，兩按一上就最少要十萬 元，Benice和Potter不諱言：「我哋手頭沒錢，二按一上都俾唔起，後來透過朋友介紹，知道鞋鋪老闆無心經營呢度，但租約未滿，於是我游說老闆將 我哋設計嘅衫喺度寄賣，免付租金，但按照賣出衫的收入，五五分賬。」他們的如意算盤是，即使他們的衫賣不出去，亦不用被租約綁死。

借財仔年息三十

兩人在明愛白英奇專業學校讀設計，Benice亦曾在時裝店initial做過設計師助理，設計服裝對他們來說並不困難，令他們頭痛的就是資金。兩人以 「零成本」找到鋪位後，走到深水埗搜購布料，去批發公司問造貨價，發現要做六百多件衫，布料連貨便需八萬元。打工不夠兩年的兩人，戶口只有六千 元，Benice試過以公司名義向銀行貸款做生意，但無功而還：「銀行要睇公司兩年財政營運，公司未成立，點會有證明。時間唔等人，諗到就要做﹗」 Potter亦說：「打工每月儲幾千蚊，儲一年先得幾萬蚊，太耐了。」

於是兩人向家人借十三萬元，另一方面Benice又以私人名義向滙豐銀行借了二萬多元萬應錢，「銀行利息較低，還款期長，有得借就借。」Potter見銀 包有一張花旗信用卡，信用額達三萬六千元，一次過以現金透支方式「碌爆」。如是者集資了十九萬元，訂造了第一批貨。扣除第一批貨的成本，還有商標註冊、電 話費、辦公室租金、請模特兒影相等雜費，已用了十三萬元，加上兩人當時一同報讀了共十四萬元的企業家課程，分期付款每月要還萬多元，令戶口剩下二萬元。一 個月後，第一批衫未賣完，資金未回籠，Benice又心急地訂第二批貨，「第一批得六百件咁少，拉勻成本又貴，賣晒都係賺好少。如果有多啲貨，就算賣平 啲，貨如輪轉，賺錢會多啲。」第二批貨逾一千件，成本需二十萬元，須預先繳付訂金六千元，餘數要在聖誕節前找清。於是Potter再向家人借八萬 元，Benice見銀行私人貸款利息三釐，還款期一年，於是分別再向滙豐、花旗銀行貸款十一萬元，「銀行要三個月薪金證明，我咪蓋公司印出糧俾自己，存三 萬蚊入去，銀行咪借俾我囉，真係好蠢。」最後一批秋冬貨到齊後，批發商要求他們於四日內找清尾數四萬元，他們還差兩萬元才夠支付，但銀行貸款最快兩個星期 才批，Benice打聽下知悉借「財仔」兩日搞掂，他和Potter於是向安信財務借了五萬元，利息三十釐，「問財仔借錢一啲都唔恐怖，負債使咩驚﹗我恨 不得負債越長越好，李嘉誠負債最多，但最有錢又係佢。」Benice輕佻地說。

舊債未清搞新計劃

借下一大筆錢生產服裝，要谷銷路賺錢才能有錢還債。uniting恤衫定價六百元，褸則八百元，毛利約七成。第一個月銷路差，試過一天賣不出一件，只有三 萬元生意額，Benice便想出「絕招」吸客，「我將價錢牌改成一千蚊當六折平賣，六百蚊有一件恤衫，其實都無減過價，但好多人信。」Benice笑說。 現時每日平均賣出五件衫，生意額達七萬三千元，但據寄賣協議，他們要將生意額一半分予店主，換言之，只有三萬五千元落袋，但統統要拿去還錢，現每月各項負 債的最低還款額是一萬四千元。只是第一個月有盈餘，舊債又未清，他們已迫不及待行下一個計劃。現時寄賣的鞋店月租四萬元，uniting交予鞋鋪老闆的三 萬多元，幾乎接近一個月租金，並不划算，Benice遂想頂手該鋪，「依家寫緊計劃書向朋友融資三十萬，頂手後再發展網上生意、搞飲食。最近識咗一間製衣 廠的太子爺，計劃六月份合作做男裝賣去澳洲、東南亞。」

恨做老闆，純因二人讀了《富爸爸窮爸爸》一書。Benice本來在initial做設計師助手，每月有七千元薪金，「返朝十至六，但個個OT到凌晨兩點， 又唔係有嘢做，只係因為氣氛係咁。」他受書本內容影響，不想為一份糧作金錢的奴隸，於是半年後辭職。碰巧同讀設計系的Potter亦深愛此書，二人更一起 報讀《富爸爸》系列的企業家培訓課程，為期僅一星期，「時間咁短，但改變咗我的金錢觀。」自此他們「富爸爸」上身，Benice還在facebook組織 網友，到咖啡室玩《富爸爸》作者發明的「現金流」遊戲。「《富爸爸》作者發明呢個遊戲好聰明，好似玩大富翁咁，但裡面的情境更現實，教你點樣理財，投資房 地產、做生意賺錢，唔好靠人工，都可以應付結婚生仔等支出，必要時借錢負債無所謂，現實生活不過係一個現金遊戲。」他們重複書中提到解決問題的積極思想， 只想生意成功，完全沒危機感，「我當正自己係企業家，成日諗還唔到錢點算，不如諗吓第日發達點仲好啦。」Benice說。

零成本搞年宵

近日維園年宵，Benice把uniting定位為「文化社企」，得以在攤位擺檔，賣手作相架、環保袋，租金由政黨贊助，費用全免，「我改咗公司業務性 質，唔只係賣衫，又叫藝術平台，個名越虛越好，可以同唔同的團體合作。我要做有錢人，當業務上軌道後，繑埋手都有錢。」Potter自言家人疼愛他，小時 曾學壞吸毒，經常伸手問父母拿錢，爸爸在園藝公司打工，媽媽在惠康做店員，家住上水村屋，設備簡陋，「我四年前信咗耶穌，學乖唔去玩，爸媽見到我讀書做生 意，我話攞錢佢哋即刻俾。」Benice出身單親家庭，「阿媽覺得欠咗我，俾唔到完整家庭，佢成日話我生性，俾埋積蓄我做生意。」雖然向家人借的錢，還款 無期，但銀行、財仔卻有限期，「我有咩輸唔起，還唔到錢最多咪破產，當學嘢，《富爸爸》個作者都試過破產，咪由政府限制你唔准坐的士，每月限額消費之 類。」Benice不知天高地厚地說。

開業資料（10/2011）

租金＊$1,500入貨$80,000裝修$10,000雜費$25,000總投資$116,500＊深水埗辦公室

營業資料（12/2011）

總營業額＠$82,054拆賬＃$36,687租金$1,500入貨＊$0雜費$2,000盈利$41,867＠除寄賣，還包括朋友幫襯。＃店鋪營業額$73,374，分賬一半予店主付鋪租、人工。＊入貨$200,000，全以借貸繳付。

壹點意見

富力堡車行老闆黃毅力，與Benice及Potter會面，知悉這兩個後生仔沒有任何積蓄，卻於短期內負債逾四十萬元，更視破產為無物，立刻把他們當頭棒喝。黃（黃毅力） B（Benice） P（Potter）

財仔息高

黃：點解借咁多錢？你啲錢使咗去邊？B（理直氣壯）：攞去入貨，有幾萬蚊攞嚟作生活費。黃：知唔知過期罰款利息幾多釐？罰款手續費幾多錢？ B（停頓五秒，疑惑）：嗯……我哋之前有計過嘅，但唔記得。黃（怒氣）：未搞清楚條款就走去借錢？單計VISA卡，年利息36釐，過期還款最高可以去到 59釐。財仔還唔到要「起釘」。你淨係識計最低還款額，過咗期還款仲有手續費，利息好似雪球咁滾大。

破產回頭難

黃：咁計法，你件衫毛利要幾多先還到債？B（呆望，無語）：產品毛利好似三至四成，但因為寄賣，要拆佣俾人，兩年應該可以收支平衡。黃（怒氣）：賺幾錢都 唔知，你哋知唔知，差一萬蚊還唔到都要破產。係咪以為破產咪破產，再嚟過囉？B：成功必須經過失敗嘅。我哋唔會諗失敗，會係失敗之前諗點樣解決問題。黃 （質疑道）：照咁睇，你覺得自己一定成功。做生意賺硬o架？你哋做嘢點可以唔諗downside。破產後出境要申報，同軟禁無分別，亦等於誠信破產，想打 工？到時連考個保險經紀牌都難。你哋兩個準備攬住一齊死。

別沉迷書本

B、P（對望，B笑笑口）：我哋認為打工無出息，後生仔應該及早創業。我哋有好多已經落實的計劃，準備做埋飲食、網上生意，有人應承集資，可以創造更多商機和金錢。

黃：你哋太沉迷《富爸爸 窮爸爸》，但唔好上晒腦，呢度係香港，唔係美國，嗰套未必啱用。打工有咩問題？我都打工十幾年先創業。除非有人打本俾你，如果唔係要先打工儲番嚿本先，唔好一開波爭人周身債，神憎鬼厭。

黃毅力寄語：

1.停止借錢，看清楚利息條文，用試算表計算公司何時才能收支平衡，還清債務。

2.分清兩人的銀行公司賬項，不要讓是但一方可隨便拿錢自用或還債，最終只會一拍兩散。3.停止未發展的計劃，每個計劃幾乎要花一百萬元。賣衫仍未知何時 收支平衡，不如先專心做好一件事。Bernice及Potter認為黃毅力建議快狠準，「我哋做生意對數字不敏感，係唔啱，返去會計好條數。」不過，他兩 人堅持借財仔無錯：「後生仔創業係無本錢，只要運用得好，一樣可以成功。打工或創業，只係個人性格選擇。而且我哋唔會停止手上計劃，會錯失商機，做生意太 理性唔好。我哋信得過大家，合作係無問題的。」

「錢多多」山頂屋借財仔4億

1 : GS(14)@2015-02-18 10:11:36

http://www.mpfinance.com/htm/finance/20150218/news/ea_eaa1.htm





【明報專訊】為控制銀行按揭風險，金管局近年不斷收緊按揭成數，但由於財務公司(俗稱財仔)並不受金管局監管，市場上就有不少買家透過財仔承做按揭，以突破金管局監管。其中有「錢多多」之稱的內地富商錢峰雷旗下山頂白加道一幢洋房，就由財仔利星行承做4億元巨額按揭，成數高達樓價近六成，遠超金管局限制，可謂挑戰金管局的按揭「金剛箍」。

明報記者 林尚民

去年初6.9億購白加道28號

與阿里巴巴主席馬雲「稱兄道弟」，加上曾在內地出席親友婚宴時，向每名賓客豪派1萬元人民幣，並曾於「嫣然」晚宴中以3000萬元投得油畫《望月》而被內地藝人李亞鵬稱之為「錢多多」的錢峰雷，去年初以6.9億元向和黃(0013)購入實用6847方呎的山頂白加道28號的7號屋，實呎100,774元。不過，據土地註冊處資料顯示，物業於本月初由利星行承做按揭，金額達4億元，佔樓價57%。

根據金管局指引，樓價在1000萬以上的豪宅，銀行按揭成數不得高於樓價50%，若物業為業主的第二套房，按揭成數需減一成，若業主的主要收入來源並非本港，按揭成數需再減一成(見圖)。

據悉，雖然錢峰雷已有香港身分證，但由於他在港的業務相對較少，收入來源並非本港，再加上錢峰雷私人同時持有渣甸山白建時道21號屋地，白加道屬其第二套房，故相信上述物業之按揭成數應不高於樓價30%，即約2.07億元，今次利星行承做的按揭金額卻高達4億元，比金管局所限高出近一倍，最主要原因是利星行並不是受金管局規限的金融機構。

金管局﹕續監察財務機構審批

金管局發言人稱，不會評論個案，財務公司亦不是其監管對象。但發言人表示，銀行如果提供資金予財務公司進行按揭業務，這些財務公司又不依照金管局的指引進行按揭貸款，將可能減低審慎監管措施的效力。所以，金管局認為銀行不應提供資金予這類財務公司進行違反金管局監管措施的業務。此外，金管局亦會繼續密切監察銀行向財務機構的信貸審批情。

白建時道屋減價15％放售

值得留意是，同由錢峰雷於2011年以1.98億元購入的白建時道21號屋地，至去年才突然承做按揭，去年底更以3.5億元放售；區內代理稱，物業本月中突然降價至2.98億元，減幅近15%，以可建樓面3717方呎計，每呎樓面地價80,172元。

---

2 : GS(14)@2015-02-18 10:12:13

http://www.mpfinance.com/htm/finance/20150218/news/ea_eaa2.htm

利星行債仔多名人炒家
2015年2月18日

【明報專訊】豪宅買家向俗稱「財仔」財務公司申請借貸時有所聞，今次向內地富豪「錢多多」錢峰雷，借貸4億元的利星行，過去的「債仔」不乏在本地及內地具有一定知名度的人士，當中包括與已故華懋主席龔如心傳過緋聞的商人陳振聰、資深豪宅投資者施佳龍、及上海女富商葉冰霜等。

陳振聰施佳龍等曾為債仔

據公司註冊處資料顯示，利星行的股本為20億元，原上市編號為(0238)，但08年初因交投疲弱而停牌。利星行網頁顯示，除從事借貸、金融投資外，還在東北亞從事經銷平治、保時捷等高檔轎車，以及在北京、上海等內地城市參與地產投資。

利星行高層中，最有知名度的要是獨立非執行董事馮家彬，他亦是金匯國際的主席，旗下金匯投資(0378)亦曾在本港參與地產投資。

主力大額豪宅按揭

至於利星行執行董事，包括顏健生、楊富山、莊國邦、傅耀生和沈秀明，而作為非執行董事的Christopher Patrick Langley及Shim Kong Yip，均具有馬來西亞背景。

據業界人士稱，利星行主要從事大額按揭業務，近年主力做一按業務，貸款金額一般至少數千萬元，不少大額貸款以逾億元計。消息指，利星行向來「樂於」接受這類涉及大型豪宅，因只要抵押品本身具價值，即使「債仔」無法還款，財務公司亦不會有太大損失。

---

知己知彼：借財仔上車搏盡無悔？

1 : GS(14)@2017-05-13 01:54:05

大學生流行講一個潮語「搏盡無悔」，想做就做，唔想後悔就要搏到盡。有統計顯示，今年入伙嘅新盤由財仔提供一按預計有821宗，佔整體15.5%，而2016年只有唔夠9%。借財仔買新樓嘅人，其實就係抱住一個搏盡無悔嘅心態入市。無殼蝸牛想買樓最重要係筆首期，自從金管局2015年收緊按揭，購買價值700萬以下的自住物業，銀行最高按揭成數由七成變六成，上車難度又升呢，首期哪有錢？！地產發展商為咗谷新盤，?班上車客落叠，實行撈埋財仔幫買家承造高成數一按，最高做到九成半按揭，免壓力測試、免入息證明。樓價屢創新高，銀行按揭收緊，上車機會越來越少，發夢都想上車嘅人見到呢條捷徑，難免心郁，就算硬食高啲息都照按，點解？為上車去到盡！如果你一樣想同財務公司按盡九成買樓，諗住上咗車就係過海神仙，勸你三思，勿輕視樓市風險。有時唔係搏盡就代表件事係正確，或者可以合理化成件事，大學生可以開口埋口「搏盡無悔」，係因為就算錯咗，佢地都輸得起。要造九成按揭先上到車，負擔能力有限，畀你避到壓測又如何。供樓壓力大，假設你買500萬新樓，按九成供25年，按揭息率2.15%，每個月要供近兩萬。當你死慳死抵先供到樓嘅時候，份工一有咩閃失，冇錢供樓，層樓就會淪為銀主盤。或者，只要樓價跌超過一成，你層樓就已經變成負資產，再跌就收樓，一舖清袋。為上車去到咁盡，你輸唔輸得起？風吹知本欄逢周五刊出




來源: http://hk.apple.nextmedia.com/financeestate/art/20170512/20018802

---

周顯﹕借財仔的宿命

1 : GS(14)@2017-08-17 07:19:39

【明報專訊】市面上湧現了一些十幾按、二十按等等的銀主盤，這其中有一個問題：「銀主盤業主本人是不是如此等錢使，又或者是如此愚笨，又或者是財務如此的混帳，才會淪為這狀况呢？」或者毋寧問：「這些可憐的銀主盤業主們，是不是有什麼難言之隱呢？」

首先，所謂的「二十按」，並不是指1間屋同時按了給20間銀主，也相信沒有財務公司那麼笨，明知房子已經按了給十幾個人，依然願意借出款項。真實的情况，只是轉按了18次而已，銀行的loan依然在，跟着不停的去財務公司作二按，一共轉了18次，最終淪為銀主盤。

通常來說，第一次二按，當然是因為等錢使，有急用，這是可以想像，可以理解的；也只有銀行不肯加按的房子，才會去財仔做二按，這也是可以理解的。

二按的利息大約在十幾厘至三十幾厘之間，如果是安全的二按，則是15%左右吧，如果500萬元的房子，借50萬元二按來急用，1年期，每月大約要還款5.4萬元，這實在是不容易負擔的數字。如果只還利息，不還本金，到期之時，相信也不會有太多的人能夠償還本金。

還不起錢不停轉按 終成銀主盤

簡單點說，這些二按盤，很容易出現還不起錢的狀况，在這情形之下，當到期之時，不是要續約，繼續付貴利二按，就是轉按給第二間財務公司。然而，如果還不起錢，多半會出現斷供。

如果你一直依期供款，也許財務公司會應允續約，但如果斷供了兩個月，同財務公司要求加按，財務公司當然唔睬你。所以，你只有轉按去第二間財務公司……一環一環，如此的轉按下去，便有二十按了。

簡單點說，其實他只是借了第一次錢，但付不起利息，也還不了錢，也會出現二十按，這叫做「還得起才好借，但一定還不起」。

[周顯 投資二三事]


來源: http://www.mpfinance.com/fin/dai ... 2795&issue=20170817

---