📖 ZKIZ Archives

中環在線：李寶安開腔志雲仲係TVB嘅人 李華華

2010-05-27  AD

長和今日開股東 會，電視廣播（TVB，511）股東會噚日已經舉行咗，地點依舊響老地方九龍香格里拉，但當中亦有少少變化。大家唔使驚，我哋仍然見到102歲嘅六叔同 75歲嘅六嬸好恩愛咁手拖手蒲頭，仍然見到「最靚嘅80（歲）後」利孝和夫人為大家示範旗袍，只係唔見咗自稱年過半百嘅「老翁」陳志雲唧。 咁 大師俾老廉請飲咖啡單嘢有咩進展？TVB大大大內總管李寶安話，「陳生o依家仍然係我哋嘅executive，暫時佢無履行到佢嘅工作，件事都係調查緊， 相信要等到調查有啲進展先知點做。」咁點解會整單咁杰嘅嘢先？「我哋係上市公司，亦係傳媒機構，一直係受法律監管，一路都有將呢個意識灌輸俾啲同事，大家 亦依法辦事，過往、將來都會係咁做。」 咁係咪現存制度有漏洞呀？「個別事件唔反映制度有咩特別漏洞，我相信同類事件過往都會響同類型機構發 生，件事仲係調查緊，咁我哋會睇睇調查結果，會檢討吓自己嘅制度係咪完善……」李生其實唔使講咁多嘢，5個字已經講完──咪就係「樹大有枯枝」囉！ 李 華華

世紀婚禮：「個女仔仲係處女?」

2014-05-22  NM

近排上流社會罕有的熱鬧，一pair門當戶對嘅新人喺海外舉行世紀婚禮，好多政商界人士都俾面出席。當日點樣奢華唔在講，但最令賓客噴飯嘅，係男家老爺上台講嘅一番話。話說新郎並非第一次結婚，令對家有點微言。一向「語不驚人誓不休」嘅新郎老豆，上台致辭時，就講咗以下一番說話：「有人問我：『個男仔離過婚，正常嗎？』我想反問：『咁個女仔仲係處女嚟o架？』……」此言一出，全場靜曬，唯獨一位最近官司纏身嘅股壇大亨笑到格格聲。 其後新郎老豆再講：「有啲人對女人好闊佬，但對個女就好孤寒。我一買就三十個Hermes送俾新抱仔！」此話明寸經常送禮兼與女伴遊埠的新娘老豆。唔通今次男女雙方都按慣例做曬background check？睇見咁過癮，部分賓客此時開始起勁WhatsApp及send短信，將消息傳返香港！據知當晚新郎老豆喺會場內風騷滿場飛，新娘老豆則坐埋一邊，當正自己隱形。呢場親家點做落去？難睇矣！ 幾時煩上司? 有些初出茅廬的打工仔問我，究竟在什麼情況下才能做決定呢？他一方面擔心上司罵他自把自為；但要是不做決定，每事問，又會被罵：「乜你咁都決定唔到！」令他們感到無所適從。我看過幾本書，有一些建議，可給大家一個判斷準則。在工作上遇上各種問題，應該分為三類。A類，是一些下屬自己無能力亦無權處理的問題，這就一定要問准上司。譬如你代表公司跟某些人談判，對方提出的要求，應否答應，一定要先問上司，不可自己話事。當然，過程中你可給予意見，但決定權一定要交給上司。B類，有些問題你有信心解決，但由於問題有一定嚴重性，你仍然要通知上司。通知前，你心裡必須有一個具體的解決方法，只須等待上司say yes，同時令上司覺得你表現OK。C類，亦是最簡單的問題，就是日常工作上的問題，你怎樣做也不會影響上司及部門，就自己做決定吧。要懂得把問題歸類，才不用常常被上司覺得你煩！隨著你在這間公司的經驗，應漸漸把A變B、B變C，處理問題手法愈來愈成熟，那距離上管理層，又行前一步！ 續嘆豪宅張震遠「慳人闊自己」 啤梨張自從去年五月被傳財困，兼商交所爆煲後，就不斷被追債。上個月商交所已被頒令清盤，下個月十一號就輪到啤梨張「被破產」嘅聆訊開始。不過生意失敗嘅啤梨張生活仍舊優遊，仲鋪定後路，免得自己無靚景豪宅住。上月底小宗聽聞啤梨張住咗四年嘅淺水灣三千多呎豪宅已約滿，於是四出打聽佢新竇位置，點知一直無下文。原來佢同老婆未傾掂數；張太想搬離已曝咗光嘅豪宅，但啤梨張覺得一動不如一靜。經過成個月考慮，最終都決定繼續住落去！據知淺水灣個豪宅單位，係以啤梨張名義租下，暫時未知新租約，會否轉以無做嘢嘅張太駱晶瑩名義簽署。計計數，啤梨張住緊個單位月租成十七萬銀，一年就要超過二百萬元！商交所至今仍拖欠三名前員工工資百多萬元，真係「慳人闊自己」！咁究竟錢從何來？難道真的是樹上跌下來的嗎？ 鋪王之子愛飄移 半個月前買起東海酒樓、話要回覆「鍾錦時代」嘅鋪王鄧成波之子鄧耀昇，近日愛上飛車飄移。譁，乜咁快不務正業？佢同小宗話係為公益金籌款表演。佢係今年嘅百萬同心公益金聯席主席，負責孖住莎莎女婿陳振邦玩甩尾。得廿八歲仔嘅鄧耀昇，平時揸車都鍾意甩嚇尾，扮嚇型，今次有專人教路，學埋順逆時針、八字及「burn呔」呢甩尾三招。愈講愈興奮嘅鄧耀昇，話三個星期前先換咗架自動波，依家好後悔，因為無得「學以致用」。以往叫阿仔「乜都放膽試」嘅鄧媽媽，今次就say no，可惜抗爭無效。係嘅，有啲嘢試試嚇，就會上曬癮；人生經驗豐富嘅鄧媽媽，有佢道理！ 金牙大狀講嘢 霍大班份糧包扮傻？電能主席霍大班話唔明點解要同內地買電，指此為倒退，不能接受。佢並且話咁做法猶如買東江水，香港根本冇議價能力可言。真係唔明？扮傻至啩！冇錯，買東江水，香港確係冇議價能力；但而家港島居民同電能買電又好有議價能力咩？又咪任得你霍大班開天索價？否則港島電費又點會長期高過九龍同新界呢？同內地買電咪好似香港自己起海水化淡廠咁囉，多些少選擇，等唔使俾人襟住搶吖嘛。眾所周知，霍大班係全港人工最高嘅打工仔，舊年袋咗一億八千萬元，多過唔少上市公司一年嘅純利。莫非佢份糧包埋要扮傻？

亞視新聞部仲係得㗎

1 : GS(14)@2011-09-13 19:59:21

http://hk.apple.nextmedia.com/template/apple/art_main.php?iss_id=20110912&sec_id=4104&art_id=15605514
段片好好笑

---

2 : GS(14)@2011-09-13 19:59:50

段片

---

3 : wilyty(1376)@2011-09-13 20:03:27

佢講得差, 笑得衆差

---

4 : GS(14)@2011-09-13 20:06:33

要講就講得明D啦，變晒大陸台，唉

---

5 : 龍生(798)@2011-09-14 02:29:21

都唔明佢想做乜.....

---

6 : 拔刺者(4132)@2011-09-14 16:45:37

盧海鵬扮邱德根

---

7 : passport(1491)@2011-09-14 17:15:50

完全唔明有咩好笑

---

8 : GS(14)@2011-09-14 19:10:39

6樓提及

---

盧海鵬扮邱德根

This is the laughing point

---

9 : Ar Yan(11362)@2011-09-15 09:59:33

1樓提及

---

http://hk.apple.nextmedia.com/template/apple/art_main.php?iss_id=20110912&sec_id=4104&art_id=15605514 段片好好笑

佢同當日大師講「真的假不了，假的真不了一樣」搞笑

---

你仲係用緊嗰隻染髮呀？

1 : GS(14)@2013-10-05 15:29:16

無得彈!

---

2 : GS(14)@2013-10-05 15:31:13

美源衍生版本

---

3 : GS(14)@2013-10-05 15:31:46

http://www.sharpdaily.hk/realtim ... 8%E6%8A%BD%E6%B0%B4
「乜咁煩呀？白頭髮？你又煩？搽咗啲咩呀？黃甘甘咁嘅？學我啦！梳啲美源髮采，逐漸變黑又得，立即變黑曬亦得，得咗。」呢個廣告，陪住80後成長，同「愛膚堅」、「黑旋風」一樣，都係大家嘅集體回憶。

大家經常見到呢個美源髮采廣告，陪伴大家多少個早午晚。曾江話，呢個廣告係70年代拍0架喇，計嚇條數，嗰陣佢35歲，依家都78歲喇!咁多年來，「美源髮采」廣告只係後面嗰兩個「路人甲乙」唔同咗，令畫面有啲變化，但究其實，仍然都係嗰個廣告。大家細細個睇嘅版本，原來都已經播咗廿幾年喇。

嗰陣細個睇美源髮采廣告，可能會有個慨念，就係原來白頭髮可以立即變黑同慢慢變黑，原來螢幕上慣演大惡人如《誓不低頭》殺人全家卻害到鄭少秋坐冤獄的陸國榮，又或是離經叛道邪氣迫人的東邪黃藥師，竟然都有白頭髮的煩惱。大家細個嗰陣，又有冇同白髮漸生的爺爺嫲嫲講:「梳啲美源髮采，逐漸變黑又得，立即變黑曬亦得，得咗。」呢句？

(仲有網民記得，播呢個美源髮采廣告之後，係播Pigeon嬰兒用品廣告:「用Pigeon，BB開心，媽咪放心」，勁喎!依家個BB，做咗爸爸未呢？)

同一個廣告，由曾江後生播到老，但0依家，曾江都唔用美源髮采，佢用另一隻牌子喇——廣告中。早幾日已有人留意到曾江有個新嘅染髮廣告出爐喇。拍攝場景已變成哥爾夫球場，眾人打完波閒坐吹水，友人笑問曾江：「你仲係用緊嗰隻染髮呀？」一頭濃密烏髮嘅曾江就好自豪咁摸摸個頭話:「我用緊Salon de Pro染髮霜，你睇啲頭髮，自然柔順冇味健康。」最後再加多句:「Salon de Pro，你染咗未呀？」

擺明抽美源髮采嘅水喎，如果兩廣告緊接於同一時段播，都幾有趣喎。不過新廣告中眾配角的髮型就真係……同美源髮采嗰個冇分別，一樣咁娘，一樣gel到好「實」囉。

網民點睇新廣告？
「第一句擺明寸美源髮采」
「曾江用了美源髮采30多年，他終於『與時俱進』，用咗其他牌子了­。這個染髮廣告真高章，一方面踩美源髮采，另一方面用曾江講個用­品的好處，好嘢！」
「我覺得廣告一開始一個黑波代替另一個黑波去遮住個白波，意思即係­換第二隻染髮劑去染啲白頭髮。個廣告真係由頭抽到落尾。
「可惡，美源先係王道，背叛者罪該萬死」
「只要酬勞滿意，接甚麼產品廣告都得啦！曾江不過是有職業道德在演­出上滿足廣告客戶的要求講對白啫，不存在他反骨踩他上一隻代言的­產品，他有自由揀選代言的產品拍廣告。」

---

4 : GS(14)@2013-10-05 15:32:50

http://hk.news.yahoo.com/%E5%BE% ... A%91-224459127.html
【晴報專訊】Salon de Pro染髮霜的最新廣告找來曾江代言，當中有一段明抽「美源髮采」水。配角笑問：「你仲係用緊嗰隻染髮呀？」曾江擰頭：「我用緊Salon de Pro染髮霜。」

在FB專頁分享這個廣告，網民大叫靚抽，但有人認為美源髮采才是經典，叫我分析為何那廣告如此深入民心，亦有人想知Salon de Pro如何令曾江轉軚。兩個問題，都指向同一個答案。廣告深入民心，因為播得多。美源廣告拍於60年代而沿用至今，播足50年。廣告如此長播長有，皆因曾江當年賣斷了廣告的播放權，無論美源再播多少年，都不用多付曾江一分一毫的代言費。簽了如此「呻笨」條款，曾江今天當然樂於轉會。

美源這類長壽廣告於今買少見少，因為現在明星廣告代言的一般合約條款，大都清楚列明使用期限，而該明星在合約期內不能為同類產品作代言。故此今天代言人都不希望賣斷播放權，寧願在合約期滿後才決定續約與否，一來可保障廣告續播時能持續有收入，二來為自己預留彈性，假如突然紅起上來，能為同類產品中更大的品牌代言，爭取更高代言費。

Salon de Pro這個借力抽水之作，是神來之筆。但我認為更「神」的一着，是找曾江多拍一個賀年版本，在來年的新春期間狂播：「恭喜發財，Salon de Pro恭喜大家發財。」橫豎是抽，不妨抽到最盡。

（本欄逢周四、五刊登）

撰文︰徐緣

---

5 : GS(14)@2013-10-05 15:33:33

http://www.myradio.hk/dz/thread-8679-1-1.html


日本Salon de Pro染髮霜的最新廣告，找來香港殿堂級染髮廣告權威 — 曾江出山代言，讓人耳目一新，當中有一段擺明抽「美源髮采」水的對白：
配角笑問：「你仲係用緊嗰隻染髮呀？」
曾江擰頭：「我用緊Salon de Pro染髮霜。」
在FB專頁分享這個廣告，網民大叫靚抽，但有人認為美源髮采才是經典，叫我分析為何那廣告如此深入民心，亦有人想知Salon de Pro如何令曾江轉軚。
兩個問題，指向同一個答案。廣告深入民心，因為播得多。美源髮采廣告拍於60年代而源用至今，絕對是「簡約地播足50年，態度未曾改變。」廣告如此長播長有，皆因曾江當年賣斷了廣告播放權，無論美源再播多少年，都不用多付曾江一分一毫的代言費。簽了如此「嗔笨」條款，曾江今天當然樂於轉會。細心看一下那條新廣告，曾江擰頭時在眯眯嘴笑，那一刻，我懷疑他在心裡暗爽地叫了聲 : 「Yes!」

美源這類長壽廣告於今買少見少，因為現在明星廣告代言的一般合約條款，大都清楚列明使用期限、地區、以至廣告播放的渠道，而該明星在合約期內不能為同類產品作代言。故此，現今的代言人大都不希望賣斷播放權，而選擇在合約期滿後才決定續約與否，一來可保障廣告續播時能持續有收入，二來為自己預留彈性，假如突然紅起上來，可不用被現有產品鎖死，而能為同類產品中更大的品牌代言，爭取更高代言費。
另有網友猜想Salon de Pro與美源髮采出自同一家公司同一個老細，新廣告是「自抽」把戲，但以我所知並非如此。Salon De Pro是日本美髮用品公司Dariya Corporation旗下的品牌, 在香港由先寧國際(Saving International)代理。美源髮采則原名為Bigen，是日本另一美容用品公司HOYU株式會社的拳頭品牌，在香港由另一家細一點的公司代理。


Salon de Pro先前曾找鄧萃雯及賈思樂代言其他染髮產品，但回響遠低於今次的傑作。想到向美源這個經典廣告借力，絶對是神來之筆。而我認為更「神」的一著，是應該找曾江多拍一個賀年版本，在來年的新春期間狂播：「恭喜發財，Salon de Pro恭喜大家發財。」橫豎是抽，不妨抽到最盡。
那美源髮彩又可以如何回擊呢？水已被人抽乾，包裝比人落後，但我認為一個經典廣告沉澱50年的威力可作槓桿，嘗試找一把跟曾江差不多的聲音，將1986年版本廣告作些微調，把當中的一句「黃甘甘咁嘅？」，變成另一段五個字的問句「乜啷調煲話？」，我相信會是一個不錯的「反抽」：
「乜咁煩呀？白頭髮？你又煩？搽咗D咩呀？乜啷調煲話？學我啦！梳D美源髮采逐漸變黑又得，立即變黑曬亦得，得咗。對付D白頭髮，美源真有辦法。美源髮采，冇得彈。」
Salon de Pro，名字夾雜英法二文，年紀大的老友記應該難以發音。讀不出名字是品牌大忌，在它們還未想出一個易讀易記的中文名字前，美源髮采或許還有一點反擊的契機。

---

6 : GS(14)@2013-10-05 15:34:18

http://hk.apple.nextmedia.com/entertainment/art/20131005/18450350


現年78歲嘅曾江嘅經典美源髮采廣告由70年代播到而家都仲播緊，「乜咁煩呀？白頭髮？你又煩？搽咗啲咩呀？黃甘甘咁嘅？學我啦！梳啲美源髮采，逐漸變黑又得，立即變黑晒亦得，得咗。」真係香港人嘅集體回憶。
播足40幾年

不過，原來曾江已經唔再用美源髮采，轉咗隻新嘅染髮劑。近排佢幫另一牌子染髮霜拍咗個新廣告，廣告中有人笑問曾江：「你仲係用緊嗰隻染髮呀？」跟住一頭濃密烏髮嘅曾江自豪咁話：「我用緊Salon de Pro染髮霜，你睇啲頭髮，自然柔順冇味又健康。」
馮仁昭噚日打畀曾江，佢話今次酬勞幾好，講到美源髮采廣告好深入人心，佢話：「希望呢個更加深入人心囉，我啲廣告OK㗎，唔係亂嚟，我試過先至做㗎。」
[■曾江日前喺台灣騎綿羊仔參加「不老騎士」活動。互聯網圖片] ■曾江日前喺台灣騎綿羊仔參加「不老騎士」活動。互聯網圖片

曾江當年拍美源髮采廣告，因為合同冇寫明播放期限，所以個廣告播足40年佢都冇得分紅。噚日問曾江係咪覺得被搵笨？佢就話冇，始終當年唔清楚呢啲年期問題，佢仲笑話：「耐唔耐見到自己咁後生都開心！」今次新廣告有年期，但年期幾耐，佢就話唔記得。如果新舊廣告一齊出街，咪變咗曾江自己打自己？佢笑話：「我係染髮劑嘅權威嚟㗎嘛！」另外，曾江早幾日去台灣參加「不老騎士」活動，同40幾位平均年齡70歲以上嘅長者，分別揸電單車同綿羊仔完成310公里長征，真係好有魄力。
撰文：馮仁昭

---

7 : GS(14)@2013-10-05 16:34:36

那個新廣告後生d的男角好多年前是做好多套ETV，但找極也找不到...

大家知道他姓名嗎?

---

【6s實戰】16GB 6s唔只容量低　仲係最慢！

1 : GS(14)@2015-10-11 01:43:11

對於大部份果粉，打算購買iPhone6s/6s Plus時，主要會從顏色、容量大小及售價去考慮，不過，如果話你知，原來讀寫速度亦有所不同，你又會怎樣想呢？



THESSDREVIEW對6s/6s Plus的測試結果。


最近網站THESSDREVIEW進行了一個測試報告，發現原來16GB、64GB及128GB的6s/6s Plus，在讀寫速度方面都有所不同。測試結果（見圖表）指出，128GB的6s在讀寫速度兩個測試，都是最高的，而64GB的讀速稍為落後，而寫速方面卻只是128GB的一半。最令人意外的是16GB版，讀寫兩方面都是大幅落後，代表如果你買了16GB的6s，除了沒有太多空間裝app、放歌放片外，更要忍受比同級6s慢的效能表現。看到這樣的測試試果，你還會買16GB的iPhone6s/6s Plus嗎？資料來源：THESSDREVIEW記者：許福合





來源: http://hk.apple.nextmedia.com/su ... t/20151010/19327426

---

靚仔鯨吞3公斤油雞飯食完仲係腹肌男

1 : GS(14)@2016-02-02 15:57:16

真是人不可以貌相！別看這位新加坡YouTuber「Zermatt Neo」身形瘦削，他的食量卻十分驚人，一碟重逾3公斤的雞飯，他不需30分鐘就吃得乾乾淨淨；最令人妒忌的是，他吃光後揭起上衣，肚子也沒有脹起多少。
Neo挑戰的超級雞飯有10碗飯，加上鋪在飯上的一隻雞，整碟飯猶如一個大薄餅。他一邊吃一邊喝水，又不時抹汗抹嘴，不足15分鐘就吃了近半。不過他其後開始「力有不逮」，要站起舒展筋骨，抺汗休息了約一分鐘後，才再接再厲。他最後花了29分5秒吃光雞飯，圍觀的人都拍手歡呼。
Neo向來「擦得」，曾經試過15分鐘內鯨吞150串沙爹串燒、100隻餃子、55碗麵和50隻雞翅。他亦試過吃掉逾1萬卡路里的肯德基（KFC）快餐，44分鐘內狂掃20件炸雞、24件雞塊、8杯薯茸、一打葡撻及1.5公升百事可樂，吃完後他原本有的六嚿腹肌亦消失得無影無蹤。新加坡Stomp





來源: http://hk.apple.nextmedia.com/international/art/20160202/19476151

---

15歲女做人阿媽「生活艱難因為我仲係細路」

1 : GS(14)@2016-05-08 01:44:02

羅馬尼亞少女未成年懷孕的情況嚴重，每年有逾2,000個年齡在16歲以下「嫩媽」產子，年齡最輕只有12歲。15歲的洛雷娜（Lorena）本來應該盡情享受青春，但現實是她已育有一名女兒，「上帝給我一個漂亮的小女孩，但生活很困難，因為我仍是一個孩子」。另一名與洛雷娜同齡的「嫩媽」戴安娜（Diana）則稱，當她知道自己懷孕，害怕得哭了出來，「我的生命有很大改變」。她不但無法再與同齡女孩一齊玩樂，更被孩子的父親拋棄，現時與母親及六個兄弟姐妹同住。歐盟去年發表統計報告公佈，2013年羅馬尼亞有15.6%首個出生孩子的母親屬未成年，在歐盟國家中比例最高。羅馬尼亞統計研究所亦指出，2014年國內有逾1.8萬青少年產子，其中逾2,200人年齡介乎12至15歲。不少「嫩媽」被迫輟學或患上抑鬱，不少嬰兒都會早產。戴安娜承認太年輕懷孕，令她留下心理創傷。她現學懂更多避孕常識，強調不會歷史重演，「我永遠不會結婚，所以不會再有孩子。」慈善及志願組織相信，部份「嫩媽」都是吉卜賽人，因為在她們的圈子中早婚十分流行。「Save the Children」發言人亞歷山大德雷斯庫（Gabriela Alexandrescu）表示﹕「這是一個由貧困、移民構成的複雜現象，許多孩子都由祖父母照顧，故缺乏健康教育。」去年大約60個非政府組織要求，教育部在學校加強宣傳健康教育，灌輸青年人性教育知識，減少意外懷孕，亦同時保障年輕人免感染性病。法新社





來源: http://hk.apple.nextmedia.com/international/art/20160506/19600474

---

【洗腦又飽肚】全部都…仲係雞呀　雞銀皮串燒你食過未？

1 : GS(14)@2016-08-19 06:56:19

雞翼包餐$50(a)每天大概開店五至六小時就賣完的無骨雞翼包，每個包內都有三隻去骨雞翼，方便、美味又滿足。



「雞全部都係雞」幾日旋風式洗版後，大家都聽到厭了吧。想繼續跟隨熱潮，除了食買一送一的麥樂雞之外，你其實仲有更多更好的選擇。記者：吳宛蔚



鹽酥珍寶巨型雞髀$58(b)大廚特別挑選比手掌還要大的雞髀生炸，肉剛好熟外脆內軟。

芝心炸雞扒$28(c)咬開炸得金黃香口的雞扒，即流出濃郁美味的車打芝士，是屯門人最愛的消夜小食之一。

百寶雞$260(d)以足四斤重、養足120日的鮮雞，用海味、瑤柱、沙薑和幾十種香料煮成的秘湯浸熟而成，味鮮肉嫩。細心的老闆連骨頭和皮下的肥膏全部都切走，啖啖肉，最滋味。


來自東京的過江龍酉玉Toritama，提供雞不同部位的串燒。普通的雞冠、雞頸，還有刁鑽的銀皮、食道通通都有得食。

銀皮$38是雞腎的表皮，味道甘香，有咬口。

(a)好包元朗西菁街2號興旺樓地下1C號鋪(b)肚餓了串燒烤焗專門店尖沙嘴亞士厘道17-19號6樓(c)5℃台式飲品小食專門店龍門路43號龍門居地下37號(d)百寶雞大圍積信街41號(e)酉玉Toritama中環己連拿利2號地




來源: http://hk.apple.nextmedia.com/su ... t/20160819/19742566

---

工黨面臨滅黨　弱勢社群恐失聲李卓人：呢個仲係咪文明社會

1 : GS(14)@2016-09-03 23:23:36

■李卓人表示工黨對整個民主運動和公民社會十分重要。



【立會選戰】【本報訊】代表弱勢社群、基層打工仔女的工黨面臨滅黨危機。根據選前的最大型民調顯示，4位工黨立法會候選人包括新西李卓人、新東張超雄、港島何秀蘭、九東胡穗珊面臨出局危機，其中工黨主席胡穗珊昨率先棄選。李卓人稱，一旦工黨失守議席，公民社會、弱勢社群勢必在議會中全面滅聲，民調同時亦顯示，立法會內多個「一人黨」，也有可能在今次選舉後同遭滅黨危機。記者：姚國雄　陳雪玲



連日來的立法會選舉滾動民調及香港大學民意研究計劃負責的最大型民調均顯示，工黨各區的候選人，包括新西的李卓人、新東的張超雄及港島的何秀蘭全數出局，再加上九東的胡穗珊昨日宣佈棄選，工黨滅黨的危機極大。已經宣佈要告急的李卓人指，工黨對整個民主運動和公民社會十分重要，擔心日後議會再沒人替弱勢發聲：「呢個社會係咪仲係文明社會？」


黎智英：永遠企雞蛋嗰邊


李卓人表示，他的告急並不只是為了工黨，更加是為了弱勢社群和公民社會：「喺議會裏面，有邊個可以好似張超雄咁，堅持幫殘疾人士、弱勢社群、長者去監察社會，同埋佢做到有改善；又有邊個可以好似何秀蘭咁樣，係平權運動上咁堅持、喺反貪腐同環保上去奮鬥。而我，大家都好清楚，代表獨立工運，打工仔嗰邊，如果我哋3個工黨嘅候選人今次都選唔到，唔只係工黨嘅問題，而係成個公民社會嘅問題，變成真係滅聲，削弱公民社會。」李卓人的支持者之一、壹傳媒創辦人黎智英認為，李卓人為弱勢社群抗爭多年，永遠站在「雞蛋」一方：「李卓人係一個永遠站喺雞蛋嗰邊嘅人，無論呢個雞蛋打喺牆裏面，係幾咁容易爛，李卓人永遠都唔諗應該企喺邊一邊，因為佢永遠都係站喺雞蛋一方，係滿面雞蛋殼嘅人。」


多個「一人黨」難穩勝


除工黨外，港大民調也顯示，立會內多個泛民「一人黨」候選人爭取連任未穩勝，陷入「滅黨」危機，其中以新東的新同盟范國威及轉戰新西的民協馮檢基形勢較險峻，民調顯示會出局。范國威指，其「師傅」鄭家富以獨立身份參選，票源重叠，互相搶攻下，雙方選情不穩，形容選情凶險。雖然人民力量現於議會內有2位議員，包括陳偉業及陳志全。但陳偉業今屆在新西為黃浩銘抬轎，按民調顯示名單出線機會極低；與此同時，陳志全亦有機會新東出局，人力亦隨時於今屆選舉後於立法會滅聲。於新東爭連任的社民連長毛梁國雄強調不信民調，昨日民調顯示一度勢危的梁國雄支持度已回升。「一人黨」之中，較有機會留低的是轉戰超區的街工梁耀忠，他擔心被民調拖累，形容選情「麻麻地」：「好多人話我好穩陣，要投畀第二個，投畀鄺俊宇，希望泛民有3席……但我唔係最高支持嗰個，要我畀票佢，可能會累死我，我票從何來？」梁說街工一直只有他一位立會議員，倘落選將嚴重影響組織資源，因大大小小個案都以議員身份去處理，而地區辦事處的資源亦會變得緊張。該區其他參選名單，請參閱本報立會選戰網站http://hk.apple.nextmedia.com/legco2016/region


陷滅黨危機「一人黨」

民協馮檢基

新同盟范國威



街工梁耀忠

社民連梁國雄




來源: http://hk.apple.nextmedia.com/news/art/20160903/19758628

---

【港女在札幌：打工】FB開page換一份工　朋友仲係香港好

1 : GS(14)@2017-02-06 07:28:53

原本在香港當記者的丁蓓，去年隻身到北海道札幌打工，展開新生活。



丁蓓是在北海道工作的港人，她原本在香港做飲食及旅遊記者，三年前她儲了一筆錢，獨自到札幌讀日文，一圓留學夢，一讀就一年半。當時曾想過之後繼續在當地工作，但外國人在日本，很多時都只能做販賣或接待等工種，她覺得不太適合自己，始終想發揮學過的知識，所以決定返香港。不過，因為很喜歡北海道這個地方，她同時又開了一個facebook page「情熱北海道 Ding's Hokkaido Journal」，介紹當地旅遊景點，偶然機會下吸引到日本公司請她到當地做公關，去年暑假，她決定放下香港一切，隻身到札幌工作及定居。



她的公司旗下有餐廳、手信店及酒店等，她有時要去相關商店幫手，都幾忙的，她在香港做記者時，雖然工作不定時，又需要經常出差，每天在追趕死線，但卻交了一大班好朋友，她覺得日本公司文化和香港不同，「始終我一個人來日本，冇乜朋友，日本人多數自己做自己事，公司同事好少一齊傾偈，放工後又甚少約出來食飯飲嘢，所以想搵人傾偈，都會搵香港的朋友。」想知她在日本平日的生活是怎樣？請留意另一條動新聞。記者：黃子配攝影：梁志永2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily


她的公司旗下有手信店、餐廳和酒店等，她間中都要落舖視察和幫手。

她早幾年開了一個facebook page介紹北海道旅遊景點，為她帶來到當地工作和定居的機會。



來源: http://hk.apple.nextmedia.com/su ... t/20170206/19918978

---